رواية لسهام العدل
طب وهنعمل ايه في المصېبة دي يامصطفي واخرة ده كله ايه .
مصطفي مش عارف ياعلي ... انا جيت عليك خفت اروح الاقيهم تحت البيت ولا يطلعوا وانا هناك ... انا ھموت ياعلي لو ابويا عرف ... ابويا حمله تقيل ومش ناقص بلاوي .
علي ياريت كان بايدي حاجة ياصاحبي ... انت عارف ... دا انا حتي سألت الاستاذ محفوظ موظف البنك لو ينفع اعمل قرض بضمان الورشة قال مينفعش .
علي اهدي انت ياصاحبي وربك هيدبرها ... انا هخرج اخلي امي تجهز لنا لقمة نفطر وبعدها نفكر.
مصطفي لا مليش نفس تعالي بس عايزك في حاجة تانية ضروري وعايز رأيك .
ابتسم مصطفي ثم قص عليه ماحدث معه منذ دخوله حديقة فاطمة حتي عرضها عليه أنها ستسدد له الشيكات مقابل زواجه من ابنتها.
أصاب علي الذهول من هول ما قصه عليه مصطفي وحاول فهم الامور بشكل أوضح لو أنا مش عارفك كويس كنت قولت انك ضارب حاجة وبتهلوس ... هي حكاية غريبة بس انت زي ماقولت ناس واصلة وبيت وخدم وفوق كده احترام واخلاق ... ايه اللي يخلي واحدة زي دي تدلل علي بنتها
علي يمكن عيلة من بتاع اليومين دول وتكون بټضرب مخډرات ولا حاجة وعايزة تلزقهالك ولا ...
قاطعه مصطفي لو هي كده ماامها توديها مصحة تتعالج ... هتجوزهالي انا ليه
علي يمكن بايرة وفايتها القطر ... ولا وحشة ... ولا .... ربنا يستر علي بناتنا.
علي سلم أمرك لله وهو هيعدلها ... بس انت متطلعش من هنا النهاردة اما نشوف هنعمل ايه .
فجأة سمع دق علي جرس الباب متواصل ..
وعندما فتح وجد عبير و فريدة هما الطارقتان
عبير بلهفة الحقنا ياعلي .
فريدة هي الاخري متعرفش حاجة عن مصطفي ياعلي
علي وقد اتت امه مهرولة من الداخل طب اهدوا بس يا بنات وادخلوا وفهموني فيه .
عبير وهي تخبط علي صدرها الحكومة جت سالت علي مصطفي وابويا قاعد في البيت لاحول له ولا قوة.
جرتا الاختان علي اخيهما يطمئنا عليه
فريدة انت كويس يامصطفي
عبير فيه ايه يامصطفي فهمنا
مصطفي مطبطبا عليهما أنا كويس ...مفيش حاجة ... مشكلة وهتتحل ...المهم طمنوني علي ابويا .
فريدة ھيموت من القلق عليك يامصطفي .
مصطفي روحوا طمنوه وانا هرجع بالليل اطمنه بنفسي.
عبير فيه ايه يامصطفي فهمنا... الحكومة عايزاك ليه ... عملت ايه
علي مقاطعا مفيش حاجة يابنات دي قضية بالغلط تشابه أسماء وهنشوف محامي ونخلص الموضوع متقلقوش انتم.
أم علي اقعدوا يابنات هجيبلكم ليمون يروق دمكم
فريدة باكية لا ياخالتي احنا نازلين .
علي أحس بنياط قلبه يتقطع لدموعها .
مصطفي ممازحا اياها اهدي يابت ... قولتلك مفيش حاجة ... روحوا انتم وطمنوا ابوكم .
عبير حاضر يامصطفي ... ربنا يعديها علي خير
سلام عليكم
خرجا الفتاتان وبدأ التوتر يظهر علي الصديقان
بدأ مصطفي شوفت ياعلي ... حصل اللي كنت خاېف منه ... صاحب الشركة مش هيهمد الا اما ياخد فلوسه.
علي مقترحا طب ماتيجي نروح له ونتفاهم معاه وناخد مهلة علي اما نتصرف في اي حل .
مصطفي غاضبا انت اټجننت ... انا لو روحت له هيسلمني ياعلي ... ده رجل بيتكلم بالفلوس معندوش تفاهم وابن اللي اخد البضاعة ده والله ماهسيبه في حاله ... لو هقتله .
علي اهدي يامصطفي ... اوعي تفكر تقرب له ... هيبلغ عنك باي تهمة ويرميك في السچن ... ده حرامي ونصاب وممكن يعمل أي حاجة.
مصطفي طب والحل ايه
علي الحل أدامك ياعلي ... نروح سوي للست دي ونتفاهم معاها وناخد الفلوس منها لو بالدين ... ولو مفيش حل تتجوز لو جوازة مؤقتة .
مصطفي إيه مؤقتة!!! انصب علي الست اللي فتحت لي بيتها لا ياعلي ... ده مش حل.
علي احنا نروحلها ونتفاهم ونشوف ظروفها إيه لو انا وانت هنكتب وصولات أمانة لها وتعطينا المبلغ ... يمكن ربنا يحنن قلبها طالما بتقول طيبة.
مصطفي
يائسا ماشي يلا بينا اما نشوف.
في منزل فاطمة تطرق عزيزة غرفة نور وتدخل لتوقظها
عزيزة نور ... نور ... اصحي ياحبيبتي
نور تفتح عينيها عايزة ايه يادادة
عزيزة صباح الخير ... اصحي عشان تفطري وتلحقي جلسة الدكتور مراد في الفترة الصباحية .
نور متذمرة يوووووه ...طيب ... اخرجي وانا
