رواية مكتملة بقلم كريمه حماده
احلى منك بكتير
روان _ يع حسن شاكوش زوقك بلدى اوى اوى
عمر _ روحى نامى يا روان احسنلك
روان بمراوغة _ مدايق انت ها عشان شوفت وشوشكم صح
عمر رفع عينه لفوق بزهق واتنفس بصوت عالى وهو بيحاول ميعصبش عليها جامد_ روان حبيبتى رو..
روان _ ايه انت قولت ايه قول تانى كدا..حبيبتى انا حبيبتك اووه يييى
عمر بزعيق خفيف _ مش بالمعنى اللى فهمتيه يا ست انتى
عمر مسح على وشه بزهق واول ما شال ايده لقى روان واقفة فى وشه وبصاله بصة غريبة هو اتخض منها _ بسم الله انتى واقفة كدا ليه
روان بجدية _ ببص فى شكلك عشان لما نخلف اجيب عيال شبهك كدا كيوت
عمر بتوتر _ احم ابعدى يا روان
روان بعدت ببراءة وهى مشبكة صوابعها ببعض وبترمشله بعينها أما هو فحس بشعور غريب من شكلها دا وقلبه كان عمال يدق عمر كان خارج بس روان مسكته وقالت بدموع استغربه اوى _ ممكن تقولى انت خطفتنى ليه عايز منى ايه يعنى
_ طب انت كلمت حد من اهلى طيب طلبت فدية مثلا
عمر بغموض _ مكلمتش بس مټخافيش
روان _ والله يسطا حتى لو كلمتهم ولا هيعملوا حاجة دول هيفرحوا اوى
_ تصبحى على خير ونامى عشان لو سمعت صوتك تانى هربطك فى سقف المروحة
روان _ طيب يا عمر انت يا اخويا تتمسى بالخير يابا
عمر وهو خارج هز راسه بيأس وضحك ضحكة خفيفة وخرج وقفل الباب
روان بعد ما خرج عمر فورا وشها اتقلب لحزن وعيونها دمعت قعدت فى ركن بعيد مضلم وضمت رجلها لراسها وعيطت جامد وهى بتحاول تكتم شهقاتها بايدها _ محدش سأل عليكى يا روان لا ابوكى ولا امك ولا حتى مالك يارب انجدنى يارب أنا خاېفة اموت ومحدش فيهم يحس بيا ابدا يا رب
زياد _ يخربيتك براحة اكلتى الصينية كلها
روان وهى الاكل فى بقها قالت _ جعانة يا عم انتو هتعدولى اللقمة ولا ايه
عمر _ لا لا بالهنا يا حبيبتى كلى براحتك
روان بصتله بكسوف وهى بصت لتحت وبتبتسم ابتسامة رقيقة وهو اتحرج اوى من نظراتها وحمحم بهدوء وقام .. أما زياد فبصلهم وقال بمكر _ الله هو فى ايه بالظبط هو فى حاجة فاتتنى ولا ايه
عمر كان بيشرب واول ما سمع كلمة نتجوز شرق جامد والمية اتكبت وفضل يكح.. روان قامت بقلق وطبطبت على ضهره _ انت كويس يا عمر
عمر بصلها بدون تركيز وهو بياخد نفسه بالعافية وقلبه بيدق جامد من لمسة أيدها وقلقها بعد أيدها وقال بهمس _ كويس كويس كملى اكلك
روان _ لا انا اكلت خلاص ودلوقتى مع فقرتى المحبة لقلبى فقرة روان البكرى واللى هى
روان سقفت بحماس _ الغنا
عمر اخد فونه وطلع وزياد اخد صينية الاكل وطلع وراه وسابوها لوحدها
روان _ الله استنوا يا جدعان يا عمورى يا زياد يا ماڤيا خسارة خسروا سماع صوتى القمر الجميل والله ومن همسة حب لقتنى بحبببب ااه يا عمورى
أما برة كان زياد وعمر قاعدين على الكنبة وهما زهقانين ومصدعين من صوتها المقرف
عمر _ ابقى فكرنى ارجعها الليلة لأهلها
زياد_ بعيدا عن اللى بيحصل دا هو بجد هنسيبها امتى
عمر بغموض _ قريب قريب اوى
_ بتخطفنى انا يا مالك طيب اقسم بالله هندمك يا مالك افتح الباب دا بقولك
فريدة عمالة تصرخ وتنادى على مالك وهى محپوسة فى اوضة_ يا مالك افتح بقولك يوه
بعدت فريدة من الباب شوية لما سمعت صوت حركة المفتاح فى الباب دخل مالك بكل برود ووقف قصادها وهو مربع أيده _ ليه كل الدوشة اللى عملاها دى
