بعد الصبر جبر

فعشان كدا انا بعيد كلامي ليك يا يوسف انت من حقكك تتجوز وتخلف فكر وخد قرار ولحد ما تقرر اختي هتفضل هناا 
يوسف _ انا مش جرحت نرمين يوم ف الأيام يا مصطفى ولا عمري هعملها وبالنسبه لقراري اناا واخده من زماان نرمين هتفضل مراتي 
مصطفي _ لو دا قرارك اختي هتقعد لوحدها معززه مكرمه 
يوسف _ انا مش هسيب امي ابدا يا مصطفى 
مصطفي_ وانا عمري ما هسيبلك نرمين تجرحها ابداا يا يوسف 
يوسف _ يعني ايه الكلام دا 
مصطفي _ يعني اختي مش هتمشي من هنا غير علي شقتها اختي راعت امك وامك مش قدرت دا لو فاكره انها تستعبدها عشان مش بتخلف تبقا غلطانهه انا اختي اغلي من كدا بكتير اوي واحنا لينا حق عند والدتك كتيرر 
يوسف_ لو سمحت انا عايز اكلم نرمين لوحدنا
مصطفي _ ماشي يا يوسف هندهالك 
شويه ودخلت نرمين وقعدت قدامه 
يوسف _ كدا يا نرمين كدا تسيبي البيت وتمشي ومش تعمليلي اي احترام 
نرمين _ انا تعبت يا يوسف مبقتش قادره استحمل 
يوسف _ مبقتيش قادره تستحملي ايه يا نرمين تعبتي مني 
نرمين _ مقدرش اتعب منك انا تعبت من مامتك واختك ومن كلامهم 
يوسف_ صدقيني محدش منهم هيكلمك 
نرمين _ سمعت الكلام دا كتيرر اوي يا يوسف 
يوسف _ المره دي غير والله صدقيني 
نرمين _ المرادي غير فعلا عشان مش هعيش معاها تاني يا يوسف 
يوسف_ هاتي هدومك يا نرمين ويلا عشان نروح بيتنا نتكلم فيه هناك
نرمين _ لا مش هتحرك من هنا غير وانت مقتنع ان انا اعيش لوحدي 
يوسف _ عمري ما اقتنع يا نرمين مش هيهون عليا اسيب امي لوحدها
نرمين _ ومامتك مش مقدره دا وفاكره ان دا فرض عليا مش احترام مني وبتقولي اللي زيك يعيش زي الجزمه عايزني اخدمها تاني ازاي
دخل مصطفي وغاده عليهم
مصطفي_ مممم قررت تعمل ايه يا يوسف
يوسف _ قراري زي ما هو يا مصطفى نرمين هتروح معايا البيت دلوقتي
مصطفي _ وانا موافق يا يوسف بس والله لو دا اتكرر تاني يبقا كل واحد من طريق
يوسف _ ماشي يا مصطفى اوعدك ان ولا انا ولا امي هنزعلها يلا يا نرمين هاتي هدومك وتعالي
نرمين _ حاضر
سبتهم ودخلت الاوضه بتجيب هدومها
وفبيت يوسف اول ما دخلوا
يوسف _ اول واخر مره تسيبي البيت وتمشي يا نرمين مهما كان اللي حصل ايه
نرمين _ مقدرتش استحمل كلامها
يوسف_ يبقاا تطلعي وتستنيني عما اجي واجبلك حقك
نرمين _ عمرك ما جبتلي حقي
يوسف _ مش لازم اجبهولك قدامك يا نرمين بس صدقيني ان عمري مش سكت ولا هسكت علي اي اهانه ليكي يلا ادخلي وغيري هدومك عشان ننزل ونصالحكوا
دخلت غيرت هدومها وخرجت تاني الصاله
وف بيت ام يوسف
يوسف _ انتي عارفه يا امي ان انا بحب نرمين وراضي بعدم الخلفه فمحدش له دخل فالموضوع دا حتى لو انتي ف لو سمحتي مش تدخلي عشان اقل حاجه اعملها هننعزل من هنا وناكل ونشرب فوق
ام يوسف_ ااه ماشي خليك مااشي ورا الهانم عايزك ترمي امك زي الكلبه لوحدها
يوسف_ انا مش مااشي ورا حد يا امي بس نرمين مراتي وكرامتها من كرامتي ونرمين مقامها عالي اوي مش خدامه
ام يوسف _ ماشي يبني وعد عليا لساني مش هيخاطب لسانها ف يوم اصلا
يوسف _ يكون احسن يا امي هي هتنزل تعملك اللي انتي عاوزه وهي هتطبخ فوق وننزل ناكل