بعد الصبر جبر

معاكي تحت
ام يوسف_ ماشي يا ابني ان كنت بس اشوفلك حته عيل يملي عليا البيت
يوسف_ هتشوفيه لما ربنا يكرمنا ان شاء الله
بعد ثلاث شهور في بيت يوسف كان بيصحي نرمين
يوسف _ يلا قومي بقا بقينا الضهر انتي لسا نايمه يلا يا نرمين
نرمين _ شويه كدا وهقوم
يوسف _ لا قومي كفايه كسل انا جهزتلك فطار اهو قومي افطري يلا
قامت نرمين بكسل
نرمين _ صباح الخير يا يوسف
يوسف _ صباح الفل يا قمر احنا لازم نروح نكشف نشوف موضوع النوم دا ليكون مرض ولا حاجه
نرمين _ يا حبيبي مرض ايه بس انا اللي سهرت امبارح ونايمه متاخر متقلقش
يوسف _ لا يا نرمين الموضوع بقاله فتره ويلا اقعدي افطري
نرمين _ وانت مش هتفظر
يوسف_ انا فطرت مع امي تحت
نرمين_ طيب انا هاخد شاور وهطلع افطر
_ طب تعالي ادخلي ارتاحي شويه شكلك واخده دور برد هو اللي عامل فيكي كدا
نرمين _ لا مش تعبانه انا هنام شويه وهقوم كويسه
يوسف _ نرمين انتي لسا صاحيه مش كملتي ساعه
نرمين _ عايزه انام تاني يا يوسف
يوسف_ خلاص يا حبيبتي نامي شويه بس بليل هاخدك للدكتور عشان نطمن عليكي نوم
نرمين _ مااشي تصبح على خير
يوسف _ وانتي من اهله
وف بيت مصطفي
غاده _ اناا مبسوطه اوي ان اناا حامل
مصطفي_ الحمد لله حبيب بابا تعبك
غاده _ اهو الحمدلله
وف الوقت دا دخلت سلمي
سلمي_ انتو قاعدين هنا وانا قاعده لوحدي بره
مصطفي_ معلشي يا حبيبت بابا كنت بطمن علي النونو اللي ف بطن ماما
سلمي _ وشوفته يا بابا
مصطفي _ ااه وبيسلم عليكي وبيقولك انه بيحبك اوي
سلمي _ هو عارفني
مصطفي _ طبعاا يا حبيبتي عارف انك اخته
سلمي _ طيب انا عايزه اشوفه واشيله ي بابا
مصطفي_ مش ينفع دلوقتي يا سلمي
غاده_ يلا بقا انتو الاتنين عايزه انام ومش عارفه انام منكوا
مصطفي شكلنا بننطرد يا سلمي
غاده _ اه يا حبيبي بطردكوا
مصطفي_ ماشي يلا يا سلمي نتفرج علي التلفيزيون
وبليل عند الدكتور نلاقي يوسف ونرمين قاعدين مستنيين دورهم عشان يدخلوا للدكتور وبعدين خمس دقايق دخلوا للدكتور وبعد ما كشف علي نرمين قاعدوا تاني علي المكتب
يوسف _ خير يا دكتور فيه حاجه ولا ايه
دكتور _ لا لا مفيش اي حاجه تقلق بالعكس عندي ليكوا خبر حلو
يوسف_ خبر خبر ايه
دكتور _ الف الف مليون مبروك مدام نرمين حامل وفالشهر التاني
نرمين پصدمه_ ايه
يوسف _ نرمين حامل ازاي
دكتور _ والله مفيش حاجه بعيده عن ربنا وربنا عوض صبركوا خيرر
يوسف _ الحمد لله الحمد لله يارب
اخدها ومشي وهماا هيطيروا من الفرحه راحو عند مامته عشان يقولوا ليها
ف بيت ام يوسف
يوسف _ يا ماما يا ماما انتي فين يا امي
خرجت ام يوسف من الاوضه بسرعه علي صوت ابنها
ام يوسف_ انا اهو يا يوسف خيرر يا حبيبي
يوسف _ باركيلي يا اميي نرمين حامل 
ام يوسف _ ايه انت بتتكلم بجدد
يوسف _ والله ما بهزر يا امي لسا جايين من عند الدكتور دلوقتي واكد ليا انها حامل فشهرين
ام يوسف _ الف الف مبروك الحمد لله يارب يارب يجي بالسلامه وينور البيت 
راحت ام يوسف لنرمين واخدتها فحضنها وقالت _ مبروك يا نرمين مبروك يا حبيبتي ربنا يقومك بالسلامه يارب
نرمين _ الله يبارك فيكي ي خالتي
ام يوسف _ خالتي تاني يا نرمين مش اتفقنا انك تقوليلي يا ماما وننسي اللي فات
نرمين _ حاضر يا ماما
ام يوسف _ يلا يا يوسف خدها طلعها فوق خليها ترتاح واناا هعمل الاكل واطلعه ليها ومش
تخليها تتحرك وغير وهي راحه الحمام بس
نرمين _ اناا كويسه يا ماما مش تقلقي مش تعبانه الحمد لله
ام يوسف _ اسمعي كلام الحمل عايز راحه عشان يثبت يلا يا يوسف
يوسف _ ماشي يا امي بعد اذنك
وعند يوسف فوق فالشقه
يوسف _ انا انا مش مصدق والله الحمد لله ان ربنا عوضنا خير صبرنا خير
نرمين _ ولا انا والله مصدقه فعلا ربنا كبير اوي وقادر علي كل شي
يوسف _ الحمد لله الف حمد وشكر ليك يارب
نرمين _ انا هرن علي مصطفى وغاده افرحهم معانا
يوسف_ ماشي يلا رني عليهم
مسكت نرمين التليفون ورنت علي غاده
غاده _ ايه يا نرمين عامله ايه
نرمين_ الحمد لله يا غاده باركيلي
غاده _ الف مبروك بس علي ايه
نرمين_ انا حامل حامل ف شهرين
غاده _ ايه انتي بتتكلمي جد
نرمين _ اه والله انا مش مصدقه نفسي
غااده _ الف الف مبروك يا حبيبتي احلي خبر اسمعه ف حياتي استني هنادي مصطفي واقوله يا مصطفى مصطفي
مصطفي_ فيه ايه يا غاده
غاده _ نرمين حامل
مصطفي _ الله اكبر الله اكبر هاتي التلفون بسرعه الف مبروك يا حبيبت اخوكي شوفتي ربنا عوضك خير ازاي
نرمين _ الحمد لله يا مصطفى
مصطفي_ ان بعد الصبر جبر يا نرمين وصلي مباركتي ليوسف لحد ما اجيلك بكره
نرمين _ حاضر يا حبيبي مع السلامه
مصطفي _ مع السلامه
غاده_ انا فرحانه اوي يا مصطفى الحمد لله ان ربنا رضا نرمين
مصطفي _ الحمد لله يا حبيبتي اخيرا هبقا خال
غاده _ هتكون احلي خال ف الدنيا
مصطفي _ ربنا يقومكوا بالسلامه يارب
تمت