من حكايات ايمي بقلم ايمان صلاح
عشانه حتى لو هو اللي غلطان مش انا
_ يعني انتي مش بتحبيه!
_ لا لو كان شخص كويس كان ممكن بس
سكت وبعدها الميكانيكي جه وقال إنه العربيه اشتغلت وائل حاسبه وبعدها ركبنا ووصلنا البيت ودخلنا من غير ما نتكلم اصلا اول ما دخلت اتفاجأت كلهم متجمعين وظهر تامر قدامي فجاه
_ اهي شوفتي الهانم كانت مع البيه لحد امتى يا خالتي
_ قصدي سيبتي بتكم وجايه تلفي مع البيه اصل محدش همك
_ انت بتقول ايه انتي سامعه الكلام ده يا ماما
_ انتي كنتي فين ده كله يا هاجر هو عنده حق
_ عنده حق
_ لها عندي حق لما خطيبتي تجيلي في نص الليل مع واحد غريب يبقى ايه
_ ده مش غريب ده ابن عمي انت فاهم
وائل اتعصب _ لا انت زودتها اوي
مسكه وضربه واتخانقه مع بعض وبعدها محمد واحنا فاصلنا بينهم
_ انت انسان قليل الادب ومتستحقش انك تكون خطيبها اصلا
_ انت اخر واحد تتكلم ومتستحقش ليه انت اللي تستحقها ما من حقك واحده رخيصه ا
ايمان_صالح
ماما بصتله وزعقت_ انت ازاي تعمل فيه كده
_ وانتي ازاي تسكتيله يتكلم على بنتك كده
_ انت مالك واحد وخطيبته
_ لا مالي ونص دي بنت عمي وانا مستحيل اخلي حد يضايقها ولا يتكلم عليها ولا حتى انتي
ماما بصتله بذهول ومشيت ورا تامر عشان تصالحه انا متاكده من ده كويس أصلها ملهاش غير أصحابها وبس حتى لو على حساب كرامتي
_ انتي زعلانه من اللي انا عملته انا اسف يا هاجر بس
هزت راسي بنفي _ لا انت معملتش حاجه انا كنت محتاجه حد يقف قدامه تامر عشان ماما بتقف معاه بقى يتطاول عليا يا وائل
_ ميقدرش بعد كده يعملك حاجه
_ انا اسفه عشان جبتلك الكلام والمشاكل و
_ لا لا متتاسفيش ده واجبي اقف معاكي وادعمك
_ ايه ده انتوا رايحين فين
كانوا واقفين بيحضروا لبسهم وكل واحد رايح اوضة بصتلي نوال وقالتلي _ النهارده خطوبة صاحبتي ومحمد ووائل جايين معانا ما تلبسي وتيجي
_ بجد
طلعت بسرعه اختارت فستان طويل ولبست كعب وحطيت ميك اب خفيف وفردت شعري وبعدها نزلت بهدوء
_ انا جاهزه
كانوا كلهم واقفين منتظرين وبعدها بصولي وانا نازله نوال قربت مني بابتسامه
_ايه يا بنتي الحمدان ده انتي حلوه كده ليه
اتكلمت بغرور مصتنع _ طول عمري حلوه على فكره
_ تبا لتواضعك
ضحكت ومحمد
_ ايه القمر ده
وائل
_ عايز اقولك حاجه
_
قول
