من حكايات ايمي بقلم ايمان صلاح

_ انا كلمت ساره فكراها وبعدها خدت ميعاد مع اهلها وهروح اتقدملها 
ابتسمت بفرحه _ بجد الف مبروك 
ضحك _ الله يبارك فيكي يا جميل عقبالك 
وائل زعق_ اخلص يا زفت 
روحنا ركبنا في العربيه محمد ركب جنب وائل وانا ونوال ورا ومشينا طول الطريق وائل بيبصلي في المرايا مش فاهمه فيه ايه 
دخلنا القاعه انا ونوال نوال راحت تسلم على صاحبتها ولقيت وائل واقف جنبي

_ بس ايه الفستان ده 
_ ايه وحش!
_ لا حلو اوي بس انتي قولتي هتلبسي الفستان ده لواحد مميز 
ابتسمت وبصتله _ اها ما انا لقيته خلاص 
_ ويا ترى مين بقى 
ابتسمت _ هو عارف نفسه كويس 
لسه هيرد نوال جت وقفت معانا وبعدها جت لحظة رقصة العريس والعروسه والكابلز يشاركوا محمد شد نوال ورقصوا مع بعض وبعدها وائل
_ تسمحيلي
كان بيبص في عيوني وانا كان قلبي بيدق بطريقة غريبه!
كنا بنرقص وبعدها ميل عليا واتكلم في ودني بصوت مسموع
_ بحبك بحبك من زمان اوي 
بصتله وارتبكت مكنتش متوقعه منه اصلا خلصنا وروحنا وانا لحد الآن مش مصدقه نفسي.
_ مش هتقوليلي مين المميز اللي لبستي عشانه الفستان 
كنت واقفه ولقيته جاي عليا وبعدها وقف قصادي 
_ يعني انت متعرفش!
ابتسم _ انتي قولتيلي في مره لو اللي بحبها حبتني وقتها هعمل ايه
_ اه قولتلي هتكون حصلت على اكبر كنز في حياتك 
_ اهو دلوقتي معايا اكبر الكنز اللي في حياتي
_ بس انا موافقتش 
اتكلم بخبث_ بس انا مش بقول عليكي انتي 
بصتله بدهشه_ امال بتقول على مين!
_ فاطمه صاحبتك حبيتها اوي 
بصتله پغضب _ فاطمه مين وبعدين فاطمه مخطوبه اصلا!
_ ايه ده بجد يعني مش هتفركش قريب!
بصتله پغضب وكنت همشي وهو بيضحك 
_ استني يا مجنونه بس 
_ سيبني وروحلها 
_ اروح لمين ده انا مستني فرح نوال اختي بفارغ الصبر عشان اروح ل مرات عمي واطلب ايدك
_ تعرف إن كنت بحسد اللي انت بتحبها على حبك ليها 
ابتسم وبصلي بحب _فيه حد بيحسد نفسه برضوا 
_ انا كنت هندم لو مخدتش موقف من ماما ورفضت تامر 
_ انا وقتها اللي مكنتش عارف هعمل ايه في حياتي لو كملتي معاه انا كل مره كنت بسمعك تكلميه بمۏت يا هاجر لما عرفت انك اتخطبتي وقتها عرفت أن حياتي من غيرك مستحيلة
_ كل ده
بصلي وابتسم _ بقولك ايه انا مش هستنى فرح نوال وهروح حالا اكلم مرات عمي