الجزء الأول من.. سندريلا في بيتي بقلم منى أحمد حافظ

عملت ايه كويس بتخدرنى وتجيبنى اوضتك وو.
تحامل نبيل على شعوره بالألم ودواره وأعتدل وجلس وقال لها بأسف حين رأى دموعها التى جعلتها لا تكمل حديثها
_ انا عارف ان اللى علمته غلط بس أنت اللى اوحيتى ليا بالفكرة لما حكيتى لى الفخ اللى بتنصبه ليا نهاد وتولين وقلت لازم أسبق الكل واخليهم يفوقوا بقى ويعرفوا ان مش كل حاجة الفلوس والمركز والمظاهر ومكنش فى افضل من انى.
اسرعت ولاء وقاطعته پألم وقالت
_ ومكنش فى افضل من انك تجيب الخدامة اوضتك وتضحك عليهم بيها علشان تذلهم وتقلل منهم لما تبقى على علاقة بالخدامة اللى دخلتها وسطهم وساويتها بيهم بس نسيت حاجة مهمة انك كمان بينت لى انا قد ايه انت ندل وخسيس ومعملتش اعتبار ان الخدامة دى عندها كرامة واحساس وانها فالاول والاخر بنى ادمة ليها حق تعيش زى اى حد.
ازداد احساس نبيل بالندم حين رأى حزن ولاء ورأى دموعها وسمعها تضيف بقولها
_ لما انت جبان كدا ومش قادر على مواجهة والدك وخاېف ترفض العروسة اللى جيبها ليك بتستغلنى ليه هيفيدك بايه اللى انت عملته عجبك بصة الاحتقار اللى مرات ابوك بصتهالى ولا عينين ابوك اللى قالت لى هندمك يا خدامة علشان اتطاولتى على اسيادك ولا مشفتش عنين البية المحترم اخوك اللى فاكرنى ببسطك وعاوزنى ابسطه واقضيها معاه هو كمان كل دا انت مشفتوش علشان مشفتش الا نفسك وانانيتك لما فكرت تكذب عليهم وتوهمهم انك اتجوزت الخدامة وايه يعنى ما هى خدامة تبوس ايدها وش وضهر بقى وهرميلها قرشين فالاخر مش كدا عموما انا مش هكمل فاللعبة بتاعتك وبالنسبة للضړبة اللى فراسك فياريتها كانت اكبر وياريت تسيب علامة علشان كل ما تبص لنفسك فالمراية تعرف قد ايه انك متختلفش عن اخوك بهير فاخلاقه بس لازم تعرف ان فى فرق بينك وبين بهير ان هو صريح ومعترف بسوء اخلاقه انما انت عامل نفسك نبيل الاخلاق وانت انت.

_ حقك عليا يا ولاء بس انا مش وحش ولا واطى بصى انا معترف انى غلطت وكان مفروض افهمك هعمل ايه قبل ما انفذ بس انا خۏفت ترفضى وانا كنت عاوز ابوظ تخطيط نهاد باى شكل واقطع عليها الطريق.
رمته ولاء بنظرات استخفاف وهزت رأسها وقالت
_ مش مكسوف من نفسك وانت بتقول الكلام دا يا استاذ نبيل كان سهل اوى انك متقعش ففخ نهاد مرات ابوك لو فهمتها انك عارف باللى بتخططه والاسهل انك كنت تتكلم مع تولين نفسها اصل مافيش افضل من الصراحة والطريق المستقيم او كنت سافر لحد ما يزهقوا ويسبوك فحالك انما انت اخترت الاسهل تضربهم بنفس اللى كانوا هيضربوك بيه ونسيت ان الوسيلة اللى استخدمتها مش من حقك اصلا عموما انا خلاص ماليش قعاد عندكم تانى وهمشى ودلوقتى قولى هدومى فين خلينى البس وامشى من هنا.
هز نبيل رأسه بالرفض وقال
_ ولاء مينفعش ابدا تمشى وتسبينى خصوصا بعد ما الكل عرف انك مراتى واظن انك سمعتى بابا وهو بيقول عاوزنا فالمكتب.
رفعت ولاء حاجبها باستهجان وقالت بعصبية
_ واظن كمان انه طلب دليل جوازك مني تسمح تقولى بقى هتجيبله قسيمة جوازنا منين دلوقتى. 
ازدرد نبيل لعابه وتهرب من عيناها وقال وهو يدرك انها ستثور عليه حتما
_ ماهو انا كنت عامل حسابى يعنى وو.
عقدت ولاء حاجبيها وقبضت بقوة على المنفضدة واحس نبيل انها ستناله بها حتما فاردف وهو يباغتها بالقرب منها
_ جبت عقد عرفي من عند محامي صاحبي ومش ناقص الا امضتك عليه وهتبقى ادام الكل مراتي.
كادت ولاء تعيد ضربه ولكن يد نبيل اسرعت وقبضت على يدها وقال بهمس
_ ولاء ارجوك تسمعينى كويس انا عارف انك مش طيقاني بس انا كنت محتاج فعلا اني اخد خطوة ضدهم خصوصا بعد ما عرفت انهم اللي بوظوا خطوبتي الاولانية وخوفوا البنت اللي حبيتها وكرهوها فيا وخلاوها تتجوز صاحبى وأنت بنفسك كشفتي لي خطتهم إني اتجوز بنت راجل الأعمال الإدريسي وبنفسك كمان فهمتيني نهاد عاوزة تعمل ايه علشان كدا انا قلت اسبقهم وصدقيني جوازي منك هو الحل والعلاج علشان يفهموا إني انسان ليه حق عليهم وانهم اتدخلوا فحياتي أكتر من اللازم ولازم بجد يوقفوا عند حدهم قبل ما يبوظوا حياتي اكتر من كدا وحياة بسمة وأنت بنفسك شوفتي عدم اهتمامهم ببهير وصله لفين ولاء ارجوك مترفضيش ووافقي تكملي معايا وانا اوعدك انى هحافظ عليك بحياتى وهعتبرك زي بسمة واكتر. 
كادت ولاء ترفض طلبه ولكنها فكرت في الفرصة التي أتيحت لها لترد الصڤعة لبهير ونهاد التي تبجحت بكلماتها ولم تراعي أي شئ فزفرت وهي تحدق بعيناه التي نظرت لها بتوسل وقالت
_ أنا عارفة إني هندم على اللي هعمله بس ماشي انا موافقة وعلى فكرة هلزمك بكلامك إنت متقربش منى وتسبنى اتصرف معاهم زى ما أنا عاوزة طالما عاوز الحال يتعدل. 
اتسعت إبتسامة نبيل