الجزء الأول من.. سندريلا في بيتي بقلم منى أحمد حافظ

واسرع الى خزانة ملابسه وسحب ورقتين والټفت إليها وقال
_ أمضى بقى على النسختين وخلي واحدة معاك. 
سحبت ولاء نسختي العقد منه ووجدت توقيعه فنظرت له وقالت
_ أنت مجهز كل حاجة كنت واثق اوي اني هوافق. 
أومأ نبيل وقال 
_ لأني عرفت انك استحالة تتخلي عني فوقت انا محتاج لك فيه. 
اشاحت ولاء بعيناها عنه واخذت من يده القلم ووقعت وشهقت حين كادت تكتب اسم آلاء وأضطربت يدها وهى تخط بجانب اسمه اسم ولاء محمود فابتسم لها نبيل بسعادة وقال
_ مبروك يا ولاء مبروك. 

_ أنا عارفة يا حمايا إنك مصډوم علشان خبينا عليك جوازنا بس يعني الظروف هي اللي أجبرتنا اننا لامؤاخذة نتجوز عرفي عند محامي اصل ميصحش يعني انك تضغط على نينو انه يتجوز بت البشوات وهو فالسن دا أن كانت البنات محدش يقدر يجبرها يبقى معقول تجبر نينو حبيبي انه يتجوز غيري عموما يا حمايا متقلقش من اي حاجة انا هشرفك وهفضل شايلة شغل القصر على كتافي اومال مش بيت جوزي حبيبي لازم يفضل فلة. 
ارتدى نبيل قناع اللامبالاة أمام والده وبذل مجهودا ليكتم ضحكه حتى لا يثير ڠضب والده فولاء باغتتهما سويا بفعلتها وحديثها والذى ظهر أثره على وجه والده الذى اتسعت عيناه پصدمة وهو يراها تجلس بتلك الطريقة وتحدثه دون تحفظ تابعت ولاء ردة فعل جويد فرأت ألا تترك له الفرصة ليتحدث واسرعت وقالت
_ ها يا حمايا هتعمل لنا حفلة انا ونبيل علشان تعرف الناس اننا اتجوزنا أمته. 

_ انا بقول نخليها آخر الأسبوع يعنى يادوب نعزم الناس واجيب لك فستان حلو كدا. 
غمزته ولاء وقالت
_ لا انا عندى فستان جديد يا نينو بلاش تكلف نفسك ولا انت عاوز حمايا يفتكر انى متجوزاك علشان طمعانة ففلوسك لا انا نفسى عزيزة ومحبش اخد فلوس متعبتش فيها أبدا ومش علشان بشتغل فالبيوت وبنضف ابقى طمعانة ابدا يا نينو انا لولا الظروف اللي حصلت وان ابويا أدين لما ضمن واحد صاحبه وضحك عليه فقلت أخرج اشتغل علشان اساعده وأسد معاه الدين اللى ملناش اي ذنب فيه و. 
ابتلعت ولاء حديثها حينما وقف جويد بحدة وحدق بهما وصاح بعصبية
_ ليك ساعة مش مدية حد فرصة يتكلم ممكن تسكتي مش عاوز اسمع صوتك يا تتفضلي تطلعي فوق وتسبيني مع نبيل لوحدنا وانا شايف انك تطلعى فوق احسن. 

_ بما انك حمايا وبقيت فمقام ابويا فواجب عليا اسمع كلامك واحترمك. 
وأعتدلت ولاء وأبتسمت لجويد وأردفت لتفاجئه
_ انا ملاحظة أن وش حضرتك مصفر شوية اقولك على ما تخلص كلامك مع نينو هروح احضر لحضرتك كوباية لبن دافية بالعسل واللوز اصل ماما الله يرحمها كانت دايما تقولى أن اللبن بالعسل واللوز بيهدي الواحد وحضرتك واضح انك بتجهد نفسك اوي ومحتاج حاجة تهدي جسمك من التعب عن اذنكم مش هغيب. 
وغادرت ولاء متجهة إلى المطبخ فقابلتها شويكار التى حدقت بها پصدمة فتملك الخجل من ولاء وازدردت لعابها وقالت
_ لو سمحتي كنت حابة احضر مج لبن بالعسل واللوز علشان عمي جويد. 
فرغت شويكار فاها وحدقت بوجه ولاء بدهشة وقالت
_ عاوزة تحضري ايه لمين. 
ابتسمت ولاء وقالت
_ أصل عمي جويد شكله مرهق اوى فقلت احضر له مج اللبن. 
وبداخل مكتب جويد لزم نبيل الصمت أمام والده الذى تفرس فى ملامحه وقال
_ بقى هى دى اللى تتجوزها وتدخلها العيلة يا نبيل انا مش عارف هقول ايه للادريسى لما يعرف انك رفضت بنته واتجوزت دى انا مش عارف ازاى تتصرف بحماقة كدا دا اخوك اللى داير على حل شعره وكل يوم سهر عمره ما يغلط الغلطة بتاعتك دى. 
قطب نبيل حاجبيه وقال 
_ بابا أنا قولت لك من الأول وكنت واضح معاك أنا رافض تدخلكم فحياتي بالشكل دا وأنت اللي مش مقتنع وشايف إن لازم أنا اللي أضحي علشان مستقبلك السياسي ومركزك فالسوق وبين رجال الأعمال ميتهزش ومش مهم عندك ابنك هو عاوز إيه زي بالظبط ما عملت مع خطيبتي روحت أنت ونهاد هانم سممت أفكارها ودفعت فلوس لصاحبي وجبت له عربية وخليته يتجوزها علشان مش من مقام العيلة الكبيرة عموما يا جويد باشا لو اختياري المرة دي مش عاجب حضرتك فأنا هاخد مراتي وامشي وابقى جوز بقى ست الحسن والدلال آلاء الادريسي لابنك بهير وخليه يشرفك وسط رجال الأعمال عن اذنك. 
توارت ولاء وابتعدت حتى لا يراها نبيل وهو يغادر فقد صم أذنها صوته العالي ورنت كلماته بداخلها فعقدت حاجبيها وقالت
_ يادي الخيبة بقى أنا اتجوز بهير يا خبر أبيض دا أنا مش طيقاه لا هو ولا أمه العقربة بس وحياة ما زعلوك يا نينو لاخليهم يندموا على كل حاجة عملوها فيك. 
دلفت ولاء الى غرفة المكتب فوجدت جويد يستند برأسه إلى مكتبه بتعب فأقتربت