سندريلا في بيتي بقلم منى أحمد حافظ الجزء الأول

تينا وخالتو بنفسها طمنتك عليها فارجوك اديها بقى فرصتها علشان تفكر براحتها هى وعدتك انها هتفكر فموضوع نبيل جويد رغم انك متأكد مليون فالمية انها فالاخر هتوافق علشان ترضيك يبقى ليه بقى المؤامرات اللى روحت تعملها مع جويد دا ضد آلاء.
زفر محمود وقال
_ يا آسر افهم أختك عنيدة وصوتها من دماغها وسفرها دا مش مطمنى يا ابني جويد دا مش مجرد رجل اعمال والموضوع مش زي ما أنت فاهم جويد فهمني ان ابنه رافض الجواز من بعد ما البنت اللي كان هيتجوزها ما سابته واتجوزت صاحبه وهو مش عاوزه يتجوز بنت اخت مراته تولين ونفس الوقت مش عاوزه يفضل قافل على نفسه بالشكل دا وحياته كلها جد كانه فسجن هو فهمه انه محتاج ليا علشان مستقبله السياسي واعماله واجبره أنه لازم يتجوز من أختك وانا كنت حابب اوضح لاختك كل حاجة لانى عارف انها تقدر تغير طبع نبيل وبعدين ما أنت عارفه انسان كويس وهيقدر يحتوي جنان اختك واندفاعها ولا أنت مش عارف مصايبها على النت واللي بتعمله. 
ارتبك آسر وحاول ان يتهرب من نظرات والده فربت محمود على كتف آسر واردف
_ أنا عارف اللي اختك بتعمله على النت والموقع اللي مرفوع عليه قضايا سب وتشهير وعارف انك جبت لها محامي يساوي لها القضايا يا ابني انا محمود الادريسي وتبقى عيبة فحقي لما معرفش بنتي بتعمل ايه من ورايا.
زفر آسر وفكر ان علم والده ان شقيقته ليست في اسبانيا سيهدم العالم للبحث عنها وهو وعدها ان يتستر على اختفائها ولكنه لا يدرى لما شعر بالقلق عليها فجأة. غادر آسر حينما أدرك تأخر على موعده فأسرع في قيادة سيارته وارتفع رنين هاتفه فسحبه من جيب حلته وانزلق منه هاتفه فانحنى ملتقطا اياه ولم ينتبه للطريق وأعتدل لينتبه لسرعته وفجأة ظهرت أمامه تلك الفتاة من العدم فضغط على مكباح سيارته ويده تقبض بقوة على عجلة القيادة وتهدجت انفاسه حين ادرك انه سيصطدم بها لا محال.
الرابعة. صڤعة نبيل
أرتفع صرير عجلات سيارة آسر وتوقف وهو يغمض عيناه بقوة ومضت دقائق لم يخترق الصمت اي صوت فتح آسر عيناه على مضض وحدق بالفتاة التى وقفت سيارته قبل ان يمسها بإنش واحد ورأها وقد غطت وجهها براحتيها فزفر بحدة وغادر سيارته ووقف امام الفتاة التى مازلت على وضعها بجسدها المنتفض فمد يده وابعد راحة يدها عن وجهها فرفعت الفتاة وجهها وحدقت به وابعدت عيناه عنه ونظرت بإتجاة السيارة فأعاد آسر وجهها اليه ورفع حاجبه بسخرية وقال
_ بقى في واحدة عاقلة فالدنيا وهى بتعدى الطريق وفي عربية جاية عليها تخبطها تقف لها وتغطى عنيها بايديها ممكن تفهمينى معنى ايديك اللى على وشك دي ايه بتدعي فسرك انك تصحى من الحلم ولا بتعملي ايه بس هقولك ايه ما أنت ماشية سرحانة بتدوري فشنطتك على حاجة ومش منتبه للعربيات و.
وهنا استعادت الفتاة التي لم تكن سوى بسمة كامل وعيها بعدما ايقظها تقريظ آسر لها وأثار حفيظتها فأنطلق لسانها كالمدفع الرشاش وقالت
_ حيلك حيلك يا أستاذ انت ايه هو خدوهم بالصوت هو سيادتك بتلوم عليا انا اني بعدي الطريق وانا سرحانة ومش منتبهه ومش عجبك اني بغطي عنيا علشان مشفش نفسي وانت بتخبطنى عموما هقول ايه ما البعيد مكنش شايف نفسه اصلا حضرتك اللي كنت مش شايف ادامك من الاساس تسمح بقى تقولى حضرتك كنت بتعمل ايه وانت سايق عربيتك. 
ارتبك آسر وأشاح بعيناه عنها فهو أيضا ملام معها لعدم انتباهه للطريق فأزدرد لعابه وحك مؤخرة عنقه بحرج وقال
_ يعنى الموبايل بتاعى رن فوقع مني ووطيت اجيبه وبعدي.
قاطعته بسمة بصياح عال بعدما رفعت سبابتها في وجهه وقالت
_ شوفت شوفت اهو وطيت تجيب موبايلك اللى وقع منك فالدواسة ومكنتش شايف ادامك يعنى مش انا اللى غلطانة ودلوقتى اتفضل اعتذر لى على توبيخك ليا.
رمقها آسر بعينان متفحصتان ولاحظ قصر قامتها وضعف بنيتها وشعرها البنى القصير الذى أظهر طول عنقها وانتبه لبسمة بتدفعه بسبابتها وتنهرة قائلة
_ ايه يا استاذ انت بطل تبص لي كده عموما انا مش عاوزة منك اي اعتذرات عن اذنك.
ابتعدت بسمة عنه ولاحقها آسر بعيناه وهى تقف على جانب الطريق تبحث عن شىء ما في حقيبتها فأتجه اليها ومال عليها من علوه وقال
_ هو أنت بتدوري على ايه.
نظرت له بسمة بحرج وقالت 
_ اصل بصراحة عربيتي عطلت على الجنب التاني ولما جيت اتصل بأخويا علشان يجي ياخدني لاقيت موبايلى فصل شحن وو.
صمتت بسمة وقد احمر وجهها بقوة ولاحظها آسر فقال يخفى اعجابه بخجلها
_ وايه طيب لو محرجه تطلبي موبايلي تكلمي اخوك أنا معنديش مانع خدي الموبايل عادي يعنى أنت زي اختي.
نفت بسمة برأسها وخفضت عيناها ارضا وقالت
_ انا مش حافظة الرقم لانه لسه مغيره من فترة قريبة.
هز آسر رأسه وقال
_