سندريلا في بيتي بقلم منى أحمد حافظ الجزء الأول

تمام يبقى هعتبر نفسي زي اخوك وعلشان اثبت لك حسن نيتي هتصل لك بواحد ميكانيكي شاطر بيصلح لي عربيتي لما تعطل يجى يشوف العربية ويصلحها ولو حابه اوصلك انا المكان اللي أنت عوزاه وصاحبى لما يخلص العربية هيوصلها لك لحد البيت ها قولتي إيه.
فتحت بسمة حقيبتها واخرجت مفتاح سيارتها وسلمته له وقالت بحرج
_ انا مش عارفة اقولك ايه بس بجد انا متشكرة لاهتمامك وعموما لو العطل بسيط هستنى لما يخلصها.
اومأ آسر واخرج هاتفه من جيبه واتصل بصديقه وتحدث معه وابلغه بمكان السيارة وانهى الاتصال والټفت الى بسمة وقال
_ ربع ساعة بالكتير ويكون هنا متقلقيش.
تنهدت بسمة وقطبت حاجبيها حين تذكرت موعدها الذي تأخرت عليه بسبب تعطل سيارتها ولاحظ آسر تقطيبتها فقال
_ على فكرة مش حلوة تكشيرتك. 
حدقت به بسمة بحرج وخفضت عيناها فأبتسم آسر لحركتها واردف
_ يعني اللي خلاني اقول كدا ان في ناس مش مكتوب لها انها تكشر او تزعل يعني وشها لازم يكون بيضحك وبس وأنت من النوع دا وشك اتخلق للضحك مش للتكشيرة.
وصمت آسر حين ادرك انه يتغزل بها فاشاح بوجهه عنها ولاحظت بسمة حرجه فأبتسمت وابتعدت عنه واستندت على سيارته وانتبه آسر لفعلتها فخطى بإتجاهها وقال
_ لو تحبي تقعدي جوا العربية مافيش مانع يعني بدل ما تفضلي واقفة علشان متتعبيش.
استجابت بسمة لدعوته وجلست بداخل سيارته ووقف آسر بالخارج وقال
_ على فكرة انا معرفتكيش بيا انا آسر.
اومأت بسمة بأبتسامة وقالت
_ بسمة.
اتسعت ابتسامة آسر وقال
_ شوفتى وجهة نظري كانت صح مينفعش البسمة تكشر ابدا.
ارتبك كلاهما وابتعد آسر حين لمح صديقه فاشار اليه ليبقى على جانب الطريق الاخر وأسرع إليه وسلمه مفتاح السيارة وعاينها صديقه والټفت اليه وقال
_ دي حاجة بسيطة ربع ساعة بالكتير واصلحها.
حدق به آسر بغموض ومال عليه محدثا اياه فابتسم صديقه وأومأ برأسه وهو يشرأب بعنقه في محاولة منه للنظر الى بسمة ولكن لكمة آسر جعلته يضحك ويقول
_ خلاص يا عم روميو اتفضل روح للست جوليت بتاعتك وأنا هخلص العربية واوديها عند بيتكم أظن كدا اكبر واجب.
ابتسم آسر واسرع مبتعدا وقطب جبينه حين أقترب من سيارته وقال حين همت بسمة بالخروج
_ خليك يا بسمة اسمحي لي أقولك بسمة يعنى أنت زي اختي وكدا المهم العربية فيها مشاكل كتيرة وهتاخد وقت فأنا بقول تركبي معايا اعمل مشاوري على السريع وبعدين أوصلك بيتك فأمان وبالنسبة للعربية صاحبي أول ما يخلصها هيبلغني وأنا هتصل بيك واخليه يجيبهالك لحد البيت ومټخافيش هو امين فشغله.
عقدت بسمة حاجبيها وزفرت بضيق وقالت
_ تخيل إن العربية لسه جديدة أصلا أنا مستغربة أنها عطلت من الاساس.
أبعد آسر عيناه عنها وقال
_ عادي على فكرة ساعات كتير عربيات جديدة بتعطل يعني ممكن يكون تصميمها معمول لدول تانية غير مصر ولما بتيجي هنا بتعطل المهم ممكن بقى تنقلي للكرسي اللي جانبي ولا سعادة بسمة هانم عوزاني ابقى السواق بتاعها النهاردة.
تركت بسمة مقعدها الخلفى واستدارت وجلست في المقعد الامامي وتولى آسر القيادة وقال وهو يمد لها يده بهاتفه
_ ياترى بقى حافظة رقم موبايلك ولا نسياه زي رقم أخوك.
نفت بسمة وقالت وهى تسجل رقمها في هاتفه
_ لا متخافش رقمي سهل وبسيط ومش بيتنسى وأنا سجلته ليك ودلوقتي بقى قولي مشوارك فين علشان متأخرش أنا فالرجوع.
أجابها آسر وهو يحدق بالطريق امامه
_ مشواري سهل وبسيط على فكرة أنا كنت رايح الكافية اخد ملفات اراجعها فالبيت يعني تقدري تقولي مش هنغيب اكتر من نص ساعة وهو بالمرة اعزمك على حاجة حق ما كنت هخبطك بالعربية.
وفي قصر جويد لم تستطع ولاء البقاء ساكنة خاصة بعدما تركتها بسمة وأجلت اخبرها بمؤامرة والدها التى سمعتها لحين عودتها من الخارج فغادرت غرفتها واتجهت إلى مكان بعيد من حديقة القصر وجلست متوارية بين الاشجار ولم تلحظها نهاد التى غادرت في نفس التوقيت ووقفت على مقربها منها تتحدث في هاتفها فسمعتها ولاء تقول
_ اسمعيني كويس يا تولين أنت لازم ترجعى مصر النهاردة قبل بكرة علشان أنت لو اتاخرتى عن كدا يبقى مش هتطولى نبيل ولا حتى فالاحلام جويد خلاص رتب جوازه من بنت الادريسي مستنين بس لما ترجع من سفرها ودي فرصتك أنت تيجى وتقعدى فالقصر ونرتب اي حاجة تحصل بينك وبين نبيل ونخليه ادام الامر الواقع هو وجويد ويتجوزك يا كدا يا تخليك بقى اغسلي صحون برا براحتك طول عمرك ومتستنيش مني اي مساعدة تانى كفايا الفلوس اللي ببعتهالك كل اسبوع لحد كدا ها قولتي ايه.
صمتت نهاد قليلا واصغت الى حديث تولين وعادت لتقول وهى تبتسم
_ تمام هبعتلك تذكرة السفر وهبعتلك العربية المطار تجيبك واوعي تنسى انا قلت لهم انك بتدرسي فن النحت فايطاليا اوعي تغلطي وتقولي انك اترفدتي من الكلية هناك واشتغلتي فمطعم فاهمة يلا بقى سلام قبل ما حد يسمعني وانا بكلمك.
وابتعدت نهاد وكتمت ولاء انفاسها وهي