سندريلا في بيتي بقلم منى أحمد حافظ الجزء الأول

انتم ليه مصعبينها كدا عليا اشمعنه انا اللي كل تصرفاته حطينها تحت المنظار ما كل صحابي عايشين وبيسهروا وبيشربوا وبيبقى معاهم بنات واهاليهم مش بيقولوا حاجة وبعدين مټخافيش اوي كدا البنات اللى معانا عارفة كويس هي بتعمل ايه ومش بتتكلم.
زفرت نهاد بحدة وقالت
_ يا ابني مينفعش ابن جويد يتصور بالمنظر دا وبعدين ليه تتشبه بصحابك ما عندك نبيل اهو عمره ما عمل تصرف واحد من تصرفاتك دي.
قطب بهير وجهه ووقف محدقا بوجه والدته بضيق وقال
_ يادي نبيل اللى كل حاجة تقارنونى بيه يا نهاد هانم نبيل دا دقة قديمة حاجة كدا مبتعرفش تضحك بنى ادم كئيب مش عنده غير الشغل وبس انما أنا مقدرش احرم نفسي من متع الحياة واقفل على نفسى زيه بصى كفايا عليكم اتنين عاقلين وسيبوني انا اعيش حياتي من غير عقد واطمنى ال ر قا صة دي بنت ناس ويهمها اوي ان محدش يتكلم عليها والسهرة دى فبيتها والصور اللي وصلت لك أنا عارف اتبعتت لك ليه دي كانت رهان بيني وبين صحابى وزي ما اتبعتت ليك صوري صور صحابى اتبعتت لاهاليهم والرهان اللي هيغيب عن سهرة النهاردة هيدفع عشر تلاف جنية وأنا بقى مش ناوي اخسر الرهان ومش ناوي ادفع مليم أنا اكسب وبس فحكاية أني مخرجش والكلام دا شيليه من دماغك لأني هخرج تمام كدا ودلوقتي قوليلي بقى مين اللي زعلك وخليك مضايقة كدا.
كادت نهاد ان تقص على بهير تلك الصور التى تشير اليها على ذلك الموقع السخيف ولكنها تطلعت الى ابنتها الى دلفت الى الغرفة وعلى وجهها ابتسامة ساخرة فرفعت نهاد حاجبها فهي تعلم ان ابنتها تأخذ منها موقف الضد فأشاحت بوجهها عنها فوقفت بسمة بجانب شقيقها ومدت يدها بهاتفها اليه وحدق بهير بصور والدته لينفجر ضاحكا بسبب هزلية الصور فاستدارت نهاد ورمقته بنظرات ڼارية في نفس اللحظة التى خرجت فيها ولاء تحمل توستا بين ذراعيها وقد ابتلت ملابسها كليا فنظر إليها بهير فتجمدت ولاء في مكانها وحدقت بصديقتها لتساعدها فأسرعت بسمة واختطفت معطف والدتها المنزلى واحاطت به ولاء لتخفيها عن عين شقيقها بعدما فهمت مغزى نظراته وصاحت نهاد پغضب تنهر بسمة لفعلتها وتقول
_ إيه اللي أنت عملتيه دا دا روبي يا بسمة أنت اټجننتي.
التفتت بسمة الى والدتها وقالت بحدة
_ وإيه يعني يا ماما هو حضرتك مش شايفة توستا عملت فيها إيه ولا عوزاني اسيبها تبرد وبعدين دا مجرد روب وحضرتك عندك كتير عموما متزعليش هبقى اجيبلك واحد غيره.
زفرات حارة غاضبة خرجت من صدر ولاء أمام شعورها بالضيق بسبب صمت بهير ونظراته الوقحة لها وموقف نهاد السلبى فاستدارات تخفى حرجها واهانتها التى شعرت بها وقالت وهى تحاول التماسك
_ أنا هروح اغير هدومي واجي انضف الجناح يا هانم.
واسرعت ولاء في خطواتها وهبطت درجات السلم وهى لا ترى امامها بسبب غيوم الدموع التى تكاثفت داخل عيناها ولمحها نبيل بهيئتها تلك وهو يغادر غرفة المكتب وادرك ان نهاد نالت منها بتصرفاتها المهينة فلحق بها وقبل ان يطرق باب غرفتها وصل الى سمعه صوت نحيبها فطرق وقال من خلف الباب
_انسة ولاء أنت كويسة ممكن تطمنينى لو سمحتى.
ازداد نحيب ولاء وهى تستمع لصوت نبيل القلق ولكنها لم تجيبه فلم يجد نبيل امامه غير ان يفتح باب الغرفة ليطمئن عليها فقال ويده على مقبض الباب
_انا مضطر افتح لانى بالشكل دا قلقت عليك.
وولج نبيل ووقع بصره عليها وهى تجلس ارضا تحيط جسدها بذراعيها ورأسها بين ركبتيها تبكي فشعر وكأن تلك الدموع التى يسمع نحيبها تؤلم قلبه فلم يدر انه أغلق باب الغرفة خلفه واتجه صوبها وجلس بجوارها فازداد نحيبها حين ربت نبيل بحنو على رأسها وقال
_ مافيش أي حاجة فالدنيا دي كلها تستحق انك تبكي عليها بالشكل دا ممكن لو سمحت تبطلي عياط وتفهميني حصل إيه وإيه اللي عمل كدا فيك. 
رفعت ولاء رأسها على مضض وقد احمر وجهها بشده لحرجها وابتعدت عنه بتلقائية فابتسم نبيل امام حرجها وقال
_على فكرة أنا شايفك زي بسمة اختي علشان كدا متحملتش اني اسيبك ټعيطي ودلوقتي احكي لي بټعيطي ليه كدا.
تاه نبيل امام عفويتها حين مسحت بيدها دموعها وبدأت تحدثه بصوت يحمل اثر شهقات البكاء لتكمل ولاء الصورة بمسحها انفها بكم روب نهاد وقالت بعفوية متناسية كامل حذرها
_الست كرولا والمستئذبة اللي هي مربياها فهيئة كلب دي بهدلوني توستا هانم اول ما فتحت لها المية فضلت تخبط ولا اللي بيغرق وفضلت تنط عليا وكانت هتعضني وأنا خۏفت أطلع صوت لأحسن كرولا تفتكر أني بعذب كلبتها واتحملت الپهدلة ولما طلعت بيها لاقيت إنسان الغاب طويل الناب أخوك واقف معاها وبيبص لي بصات مهينة ولولا اختك أدتني الروب اغطي نفسي من عنين أخوك اللي عاوز رصاصت.
صمتت ولاء حينما اڼفجر نبيل ضاحكا وانتبه عقلها إلى ما تفوهت به