اتنين في واحد ايمان شلبي
عنه وانا بهمس بصوت مهزوز
م مراتك ازاي وامتي انت اكيد بتكذب عليا
خرج ورقه من التابلوه وحطها في وشي وهو بيقول ببرود
اعتقد انك عارفه خط والدك مش كده
بلعت ريقي بصعوبه وانا بمد ايدي وباخد الورقه منه بايد بتترعش
بصيت علي الامضا لقيت خط شبه خط بابا بالملي!
عيوني لمعت بالدموع وانا بسأله برعشه
ا اي ده
قسيمه جواز ابوكي مضي عليها ومضاكي انتي كمان عليها من غير ما تحسي مقابل مليون جنيه
سحب الورقه مني وهو بيبتسم ببرود
مقبوله منك ياروحي
صړخت فيه وانا بعيط
الجوازه دي باطله انت فاهم بااااطله وانا مش موافقه عليها وبابا بابا استحاله يعمل فيا كده لا بابا معملش كده هو بيحبني و و و....
قاطعني پقسوه
بس بيحب الفلوس اكتر منك !
حطيت ايدي علي قلبي اللي حسيت أنه هيقف من كتر الزعل والقهر اللي جواه
ا انت ضحكت علي بابا ا اكيد بابا ميعملش كده
هز رأسه بيأس وابتسامه
خلاص طالما مش عايزه تصدقي كلامي يبقي اكيد هتصدقي الفيديو ده
قال كلامه وهو بيفتح الفون بتاعه وبيحطه قدام وشي
كان قاعد مع ماما وبابا وهو حاطط رجل علي رجل بغرور
ايه رأيكم تاخدوا مليون جنيه
بابا وماما بصوا لبعض بلهفه وعيون بتلمع
اخد نفس عميق وبصلهم بابتسامه خبيثه
بنتك كارلا
مالها
عايزها
يعني ايه عايزها مش فاهم
عايز اتجوزها
ا احم ا ايوه يباشا بس بس يعني كارلا رافضه موضوع الجواز ده دلوقتي
ماما وهي بتقفل عينيها نص قفله
هو مش انت العريس بتاع امبارح
بابا بنفي
عريس ايه بس يازينب انتي مش شايفه ده عامل ازاي والتاني كان عامل ازاي
ايوه انا ياعماد
عماد ببلاهه
انت طب ازاي و وليه كنت عامل في نفسك كده وانت ماشاء الله عليك طول بعرض وهيبه و....
قاطعه بصرامه
ميخصكش المهم عندي دلوقتي كارلا
طب وانت عايز تتجوز كارلا ليه يابيه
برضو ميخصكش
ا احم ط طب ما تقابلها بشخصيتك الحقيقيه وهي ممكن توافق
وممكن لا !
ا احم هي دماغها ناشفه و....
بس هي هتعترض
هنعمل كل حاجه من غير اعتراضها
بمعني
مش انت وكيلها
ايوه
تمضيلي علي القسيمه وتخليها تمضي من غير ما تحس وبكده تكون مراتي من غير اي تعب والمليون جنيه تبقي بتاعتك
بص لزينب اللي كان واضح عليها اوي أن المبلغ مزغلل عيونها وبتفكر توافق
ها يا زينب اي رايك
رأي من رأيك يابو كارلا
ابتسم بخبث وهو بيقولهم
يبقي علي بركه الله
وهنا الفيديو انتهي وانتهي معاه ثباتي وقلبي وانا
غمضت عيني وانا حاسه بصداع جامد وفجأه وبدون اي مقدمات فقدت الوعي والفون بيقع من ايدي ومحستش بعدها بأي حاجه
يمكن ده مش مكاني والزمن ده مش زماني أو أنا موهوم !
فتحت عيني لقيت نفسي نايمه علي سرير كبير وواسع ببص قدامي لقيت صوره ليه بطول الحيطه
قلبي اتنفض وقومت من مكاني بفزع وانا ببص حوليا پخوف وړعب حقيقي
الباب اتفتح مره واحده ودخل اول ما شافني قرب مني بلهفه
انتي كويسه
رجعت خطوه لورا وانا بهز راسي بهستريه
متقربش مني متقرببش
شاورلي بأيده وهو بيحاول يطمني
طب اهدي اهدي انا مش هأذيكي
عيطت وانا بمسك في هدومي پخوف
ا لو سمحت ل لو سمحت طلقني وسيبني امشي ا انا انا مأذيتش حضرتك في حاجه والله ا ارجوك طلقني و
قطع المسافة اللي كانت ما بينا بخطوتين وشدني
اهدي اهدي والله مش هأذيكي
حاولت ابعد عنه بس هو مسك فيا وهمس بنبره كلها حنان
مټخافيش عمري ما افكر ا آذيكي
رفع وشي اللي كان متغرق بالدموع
وانا بسأله
طب عايز مني ايه
ح وشي وهو بيبتسم برقه
عايزك انتي
عايزني انا ليه
مسح دموعي برقه
عشان انتي جميله اوي
وفجأة صوته اتقلب وملامحه اتغيرت وهو بيبعدني عنه وبيسألني بصوت خشن
انتي مين
لطمت علي خدي وانا بقول بتلقائيه
احييييه غطيني وصوتي ياماااا
زعق فيا جامد لدرجه اتنفضت وكنت هقع علي ظهري
انتي مين يابت انتي
جريت من قدامه وكنت هخرج من الأوضه بس هو قفل الباب ومسكني من دراعي
انتي مين بقولك
كنت علي وشك اني اعيط من الړعب وفجأه الباب خبط جامد
مروان مروووان افتح الباب ياحبيبي انا امك
ساب ايدي وفتح الباب وبص للست اللي كانت واقفه وهو بيسألها پحده
انتي مين
ماهي قالت امك
بصتلي پصدمه
انتي
عيطت وانا بستنجد بيها
طنط الحقيني
بلعت ريقها وهي بتبصله بابتسامه مهزوزه
ممكن حبيب ماما يجي
