اتنين في واحد ايمان شلبي
معايا تحت شويه
ماما مين انا مش حبيب حد وانتي مش امي
بسم الله ماشاء الله تبارك الرحمن انت بتتبري من امك
زعق فيا
اخرسي انتي
رديت پخوف
حاضر
مروان حبيبي لو سمحت تعالي هنتكلم شويه بس
اتنهد وهز رأسه بضيق
اتفضلي
بعد ربع ساعه لقيتها بتدخل عليا الاوضه وانا اول ما شوفتها قربت منها بتوتر
طنط ارجوكي خرجيني من هنا
لا ارجوكي انتي خليكي
رديت پجنون
ليه مش فاهمه ليييه هعمل ايه هنا
مسكت ايدي وباستها بتوسل
ارجوكي مروان ابني محتاجك
رديت بتوهان
انا مش فاهمه حاجه هو مروان ابنك ماله هو مش طبيعي صح
مروان عمل حاډثه من حوالي شهرين
وبعدين
من وقت الحاډثه وهو كل يوم بشخصيه مختلفه
ياصلااااه العيد يعني مش شخصيتين بس ده طلع متعدد الشخصيات عظيني تاني وصوتي ياماااا
يتبع
اتنين_في_واحد
إيمان_شلبي
البارت الثالثبقلمي إيمان شلبي
ارجوكي يا كارلا ارجوكي متسبيش مروان خليكي معاه
ا الدكتور قالي أن وجود حد بيحبه بيفرق جدا في تحسن حالته
حد بيحبه
ابتسمت من بين دموعها
اه مروان بيحبك ياكارلا
رديت بذهول وصدمه
بيحبني انا ازاي
مسكت ايدي وهي بتمسح دموعها
تعالي معايا
قالت كلامها وسحبتني برا الاوضه ومشينا شويه لحد ما وصلنا لاوضه تانيه الباب بتاعها لونه اسود مختلف عن باقي الالوان
فتحت الباب ودخلنا وقفلته تاني ....
اول ما دخلت وقفت مكاني پصدمه لما شوفت الأوضه كلها صوري
وقتها كنت مبسوطه جدا وبضحك من كل قلبي الظاهر أنه استغل انشغالي ولقط الصوره!
قربت من صوره تانيه كانت جنبها كنت قاعده لوحدي وبعيط بسبب اني اتطردت من المحاضره من غير سبب
وصوره تالته ورابعه وخامسه كلهم بأوضاع مختلفه وفي أوقات مختلفه وكأن الاوضه اتحولت لمعرض صور اساسه انا
انا مش فاهمه حاجه اي ده هو كان مراقبني
هزت راسها بابتسامه باهته
من اول يوم شافك وانتي معششه في قلبه
طب طب انا ليه مكنتش بشوفه ل ليه مظهرش قدامي وقالي اللي في قلبه يعني يعني ليه متقدمليش لما هو بيحبني
مكانش حابب يعلقك بيه
ليه
عيونها لمعت بالدموع وهي بتقعد علي اقرب كرسي وبتبص قدامها بشرود
همست بحزن
کانسر
كان خاېف يتقدملك وتوافقي وتحبيه وتتعلقي بيه وبعدين ېموت ويسيبك
قعدت علي ركبتي قدامها وانا بسألها بتوتر
ل لسه عنده کانسر
هزت راسها بنفي
لا الحمد لله
اتنهدت بحزن
لما الدكتور قاله انه اتعافي اليوم ده كلمني وهو سايق وكان طاير من السعاده وهو بيقولي أنه هيكلمك وياخد رقم باباكي عشان نروح نتقدملك وفجأه فجأه
مسكت ايديها وانا بضغط عليها وبقولها بتوسل
وفجأه ايه ارجوكي اتكلمي
اخدت نفس عميق وبعدها رفعت وشها
وفجأه سمعت صوت فرامل عربيته والتليفون بتاعه فصل ...فضلت اصړخ وارن عليه اكتر من مره بس مكانش بيرد ش شويه شويه وحد كلمني قالي الحقي ابنك عامل حاډثه واتنقل علي المستشفي طلعت اجري بهدوم البيت وانا پصرخ وبعيط لحد ما وصلت المستشفي
الدكتور قالي أنه بخير لكن حصلت عنده مشكله وحاله نادره جدا مش بتحصل كتير!
حاله مؤقته لكنها هتتعب كل اللي حواليه اوقات هتلاقيه شخص طبيعي جدا وعايش بشخصيته الحقيقيه وأوقات هيصحي من النوم شخص شرير متسلط عاوز يملك كل
حاجه اوقات هيكون شخص بلطجي وبيستقوي علي الناس واوقات شخص تصرفاته كلها أشبه بالبنات اوقات هيبقي فاكر انتي مين واوقات تانيه لا
لما سألته يومها في علاج قالي في لكن وجود شخص بيحبه في حالته دي بيفرق جدا وبيساعده يرجع زي الاول اكتر من العلاج
قررت أننا نتقدملك يمكن وجودك يفرق معاه انتظرت كتير اليوم اللي هيكون فيه بشخصيته الحقيقيه عشان لما نتقدم توافقي كنت كنت هحكيلك عن حالته قبل اي حاجه عشان مكونش بخدعك وفعلا اليوم اللي اتقدمنا فيه كان تمام وكويس وكان فاكر كل حاجه ولما قولتله أننا هنتقدملك فرح جدا جدا لكن للاسف مكنتش اعرف انه ممكن شخصيته تتحول في نفس اليوم
ارجوكي ياكارلا ارجوكي مروان محتاج وجودك متسيبهوش
كنت لسه هتكلم بس هو اقتحم الاوضه فجأه وهو بينادي علي مامته بلهفه
ماما
قامت وقفت وهي بتقرب منه وبتحاوط وشه بحنان
نعم ياحبيبي
وقف مكانه زي التمثال وهو بيبصلي وعيونه بتلمع وقلبه
