اسميته بحر لنيرة احمد

مفيش حد فيهم رحمني وانا صغير كان طبيعي لازم اكون بالقسۏة دي لما اكبر
.. طب هي واللي عملته لها حق تتعاقب بس برضو مش ببعدك عنها لكن هو عملك ايه!
.. هو كان بيشوفها فيا كل ما يشوفني كان بيطلع العقدة اللي هي سابتها جواه فيا بيضربني ويعاقبني على اي حاجه حتي لو صغيرة حكم طفولتي ومنع عني صحابي اي حاجه كنت بحبها كان بيمنعها عني حتي لعبي كان بيحرقها لما يحس اني بحبها كل ما اسأله على ماما كان بيحرقني لدرجة انها كانت كل ما توحشني اخاڤ اسأله واحضن عبايتها اللي معايا فوق واعيط ڠصب عني قلبي كبر ع كره لهم كبير وبعدت عنه وأسست نفسي بعد دراستي وكنت بعمل اللي عليا معاه وابعتله فلوس عملياته وادويته لكن غير كدا مكنتش بقدر ..تفتكري بعد كل دا واللي هي سببته مش عايزاني اكره الستات انا مش بس بكرهم انا بلعنهم .
كان بيبص للارض وبيتكلم ببراءة اطفال كدا عارفين لما يكون عندكم طفل فالبيت وتحصله حاجه ولما تسأله يشكيلك وهو بيعيط وبيتكلم ببراءة كدا هو كان كدا ف كلامه اللي هو لوهلة كنت عايزة اطبطب واقوله اسفة اني ظلمتك اتلمي يا موج يا مهزقة .
.. احم طب وايه اللي غير رأيك معاه وانك جبته يعيش معاك هنا !
.. كلامك اخر مرة معايا فوقني رغم كل الكره اللي جوايا حسيت ان لازم اشبع منه حتي لو هتعامل معاه ڠصب عني خصوصا. 
لفت بنظره من الارض وبص في عيوني فاتوترت
.. خصوصا ايه!
.. كنت بدور على ماما من سنين عرفت انها اټوفت من سنتين يوم ما شوفتك في المستشفي وكنت متعصب قلبي لقيته بيتحرك وبيتجه للمستشفي كنت خاېف بابا كمان يروح مني بس وقفت في النص وانا مش عارف اتصرف وخاېف وجوايا صراع بين اللي حصل في الماضي واللي المفروض يحصل في اللحظة دي فبدأت اكسر زي ما شوفتيني .
.. مش عارفة اقولك ايه البقاء لله اول حاجه بس والدك ندم جدا على كل اللي عمله معاك ودفع التمن في بعدك عنه عايزاك تعرف ان ربنا بيعوض ماما قالتلي جملة مرة اننا جايين عشان نغلط ونصلح وان طعم العوض نساي واهو ربنا عوضك بإنه واحدة واحدة بيرجع الحنية في قلبك تجاه والدك احفظه وقرب منه وانا متأكدة انك هتكون بخير عم احمد طيب وبيحبك ودايما كان بيحكلنا عنك كتير .
.. كلامك بيريح قلبي اوي
.. وقلبك يستاهل الراحة
فضلنا فترة بنبص لبعض وساكتين وعيونه بتقول كلام كتير وقلبي بيدق بشدة ابتسمت بحياء وبصيت للارض 
.. بس ينفع تنزلني من البيت بالبچامة كدا !
ابتسم وسكت 
ايدا دا احنا بنعرف نضحك اهو امال مخبي الابتسامة الحلوة دي ليه يا عم !
.. بجد حلوة 
اتكسفت وحاولت اغير الموضوع 
.. في فيلم عايزة اسمعه وكنت مستنياه
قام وشغل التلفزيون وسألني.. على قناة ايه واسمه ايه
.. اسمه حسن ونعيمه فيلم قديم حبتين لو مش بتحب الافلام القديمة بلاش
.. ابتديت احبها !.
شغله وقعدنا سوا نسمعه لحد ما جت اغنية.. رمش عينه.. لمحرم فؤاد
كنت بندندها معاه وهو بيغنيها وكان في شعاع من عيني بيراقب بحر من غير ما ابصله كنت عارفة انه بيبص عليا طول الاغنية
.. تعرفي الاغنية دي حلوة 
.. ليه !
.. بتوصف احساسي من ناحيتك 
.. ايه !
.. احم اقصد كلماتها مع صوته حلوة اوي 
ابتسمت .. طب انا لازم امشي عشان ميتسببش ليا مشاكل في البيت
.. لا خليكي معايا قوليلهم اي حاجه قوليلهم انك في المستشفي انا اول مرة اجرب احساس اني مرتاح وحد جانبي بالشكل دا ومبقاش عايز حد يمشي ويسيبني خصوصا لو الاحساس دا اول مرة احسه تجاه ست ومش عارف في اي بس قلبي مرتاح لقربك
ابتسمت ورفعت حاجبي 
.. هقولهم اني في المستشفي بالبيجامة 
ابتسم وفهم اني بغير الموضوع 
.. خلاص حاضر اللي يريحك طب بابا كويس 
.. اها هيبقي كويس بعد المحلول دا وهيصحي كمان ساعة او اتنين إن شاء الله 
قام وقف 
.. تمام يلا عشان اوصلك 
.. يلا
وصلنا لحد البيت ولسه هنزل من العربية مسك ايدي وبصلي بنظره حلوة ومختلفة
..