شهد الطفوله لزهرة الربيع

وقالت بزعيق..ندخل فين يا مهزأ انت...هيه كلمه واحده هتطلق ولا لا
طارق سحبها وطلع بيها على اوضته وقال..لا مش هطلق...وعلى فكره انتي كده بتعطلينا في النظري واحنا لسه ورانا عملي انتي استاذه وفاهمه ...وغمز لها بوقاحه
شهد اتسعت عنيها بذهول من جرأته ورفعت ايدها
هتضربه بس مسك ايدها بسرعه وقال...لا...مينفعش تضربيني عيب...ولو ان ضړب الحبيب زي اكل الزبيب
شهد مدت ايدها التانيه وفي ثواني مسكت الفازة اللي جمبها وخبطته بيها على دماغه وقالت...طب وبطحة الحبيب شكلها ايه
بقلم زهرة الربيع
طارق حط ايده على دماغه اللي ڼزفت وقال اااااه يا بنت الذين
واتجمعو كل اللي في الفيلا على صوته ومن ضمنهم كارم
بعد شويه كانو جابو الدكتور لطارق وربطله دماغه وعقم الچرح وكانو كلهم مجتمعين سوا وكارم عيونه متشالتش من على شهد وهيه كمان كانت بتبصله
طارق بصلها پغضب وقال..تعالي هنا جمبي ينفع اللي عملتيه ده
شهد قالت بغيظ..وعمايلك انت اللي عادي يعني...
وبصت لجده وقالت...جدو شكري لو سمحت كلمه وفهمه انه يطلقني وانا هتصرف في الفلوس
كارم قال بسرعه لو على الفلوس انا هدفعها هو كام المبلغ
طارق ابتسمله بخبث وقال...هتدفع نص مليار جنيه...معاك...دور في جيبك التاني كده ولا دور في الجيب اللي ورا أوسع
كارم اټصدم من المبلغ وقال...ايه..ليه كل ده انت بتستهبل
طارق قال والله الشيكات مع ابوها لو حابب تراجعهم ..وبعدين انا مش هطلق ابدا ...مراتي وبحبها اتفضلو سيبونا مع بعض نتفاهم
الكل خرج وكارم طلع وهو هينفجر من الغيظ
طارق بص لشهد وقل...تعالي هنا جمبي
شهد بصتله پحده
طارق ابتسم وقال..متبقاش دماغك ناشفة بقى...عايز اتكلم معاكي والله انتي شايفه انا تعبان ازاي
شهد اتنهدت وقعدت على طرف السرير وفكرت تجرب معاه الهدوء قالت..اديني قعدت ممكن نتكلم جد بقى لو سمحت انا مخطوبه وبحب خطيبي و
طارق قال بسرعه وڠضب يخوف...اوعي تقولي خطيبك دي قدامي...فاهمه
شهد قالت پخوف..فاهمه
طارق اتنهد وحاول يهدى وقال..يا شوشو متعصبنيش بقى...ده انا بحبك يا بت...والله بحبك
شهد اټصدمت وضحكت وقالت..بتحبني لا ولله ده اللي هو حب من كام دقيقه بقى ...ده انا لسه شيفاك من ساعتين
طارق ابتسم وقال ..ده حب من ١٣سنه...و٢٠ يوم ...لان انا شايفك من زمان قوي ...من لما كنت بدرس وجيت قعدت عندكم فتره الدراسه لما عم عدلي استضافني عندكم علشان المدرسه بتاعتي كانت قريبه منكم ..افتكرتي
شهد فكرت شويه وبعدها ضحكت وقالت..انت مچنون يا ابني ده انا كنت مكملتش ١٢ سنه
طارق قال بس انا كنت كملت...وحبيتك اوي ..فيها ايه انا صحيح استغليت موقف ابوكي علشان اتجوزك...بس لاني بحبك وبكره هتعرفي بعمل كل ده ليه
شهد بقت تبصله شويه وقالت بحزن..مش عايزه اعرف حاجه انا تعبانه وعايزه اروح علشان انام..ممكن ولا عندك اعتراض كمان
طارق قال... لا ما أنتي مش هتروحي خلاص علشان أنتي دلوقتي فبيتك 
وكمل بتوهان..ولو على النوم فنامي جمبي هنا معنديش مانع
شهد قالت بضيق...افندم
طارق قال بسرعه..طب خلاص أنا قصدي خدي راحتك يعني انا هنام على الكنبه وأنتي تنامي على السرير أنما انسي أنك تمشي من هنا...
في صباح يوم جديد شهد قامت من النوم ملقتش طارق بتبص حواليها اتفاجئت بالأوضه كلها ورد..كل ما تتحرك تلاقي ورد حواليها...ابتسمت بفرحه لانها بتحب الورد خصوصا الجوري اللي مالي كل الاوضه ولقت ورقه مكتوب فيها...مليت الاوضه ورد علشان الاقي ورده اجمل منك ..برضو ملقتش
شهد ابتسمت بكسوف بس انتبهت لنفسها وقالت.. ايه ده...انا بفكر في ايه بلاش جنان وقطعت الوورقه وقامت دخلت الحمام تاخد شور
بعد شويه جهزت ونزلت لقت كارم في وشها قال بسرعه..اسمعيني يا شهد.. بالليل هخدر كل اللي في البيت ونهرب تمام
شهد قالت بذهول انت بتقول ايه ..اهرب واسيب ابويا يتحبس ..لا طبعا
كارم قال بسرعه...ويتحبس ليه المبلغ ده بسيط اوي اوى.. لما نسافر هنفك وديعه جدك اللي باسمك وتديله فلوسه كلها..انا مش عارف ابوكي ازاي مطلبش منك الطلب ده
شهد قالت بضحك...انت مسطول يا كارم بابا خسر كل الفلوس حتى الورث اللي سبهوله جدي
كارم قال بدهشه.. ساب لمين..انتي متعرفيش ولا ايه..جدك حرم الكل من
ميراثه وكتبهولك انتي ..كله
شهد وقفت بذهول وصدمه وقالت ايه
عند طارق كان في شركته قاعد مع عدلي والد شهد وعدلي قال بضحك...بس حلوه الطاقيه اللي عملتهالك دي
طارق قال ..انت بتضحك بقى بنتك تفتحلي دماغي وبدل ما