فُتنة..الفصل الأول والثاني بقلم منى أحمد حافظ

يا حبيبتي اشربي الليمون هيهدكي وبعدين قومي اتوضي وصلي ركعتين وأدعي لريوان إن ربنا يرحمها ويغفر لها وأجهزي علشان نروح لوالدتها نعمل الواجب معاها.
حاولت فتنة أن تكف عن البكاء ولكنها لم تستطع فصوت ريوان مازال يتردد في أذنيها فهي منذ يومين فقط إتصلت بها لتخبرها بسعادة بأنها أخيرا عثرت على محامي بارع سيرفع لها دعوى الطلاق ووعدها أنه سينال لها حكم الطلاق من الجلسة الأولى أغمضت فتنة عيناها لتشعر سوار بالخۏف والقلق على إبنتها فوقفت سريعا وغادرت وهي تبحث عن زوجها ظافر والذي وجدته يتحدث مع ابنهما رياد فنظرت له بحزن وقالت 
_ ظافر قوم شوف لك صرفة مع بنتك دي مش عايزة تهدى خالص ومڼهارة وبالشكل دا أنا مش هقدر أخدها ونروح لعاليا نعزيها.
هز ظافر رأسه بأسف فنظر له رياد وقال
_ خليك يا بابا أنا هروح أتكلم معاها وهحاول أهديها.
طرق رياد باب غرفة فتنة وولج إليها ووجدها تفترش سجادة الصلاة تصلي وصوت نحيبها واضح فأتجه إلى شرفتها وفتحها على مصراعيها وهو يشعر بالحزن يزداد داخله وأنتظرها حتى أنهت صلاتها ودعائها رفعت فتنة عيناها وحدقت بوجه شقيقها رياد ليشير إليها بالتوجه إليه وما أن وقفت فتنة إلى جواره حتى أشار بيده إلى شقيقهما الأكبر سهيل والذي جلس خارج المنزل يحاول أن يخفي حزنه عن الجميع لېتمزق قلب فتنة أكثر على حال شقيقها فجذبها رياد بعيدا عن الشرفة قائلا
_ شايفة حال سهيل أهو على الحال دا من وقت ما عرف وطبعا إنتي عارفة السبب فأرجوكي حاولي تمسكي نفسك يا فتنة وتبطلي عياط لإنه لو شافك بالحالة دي هينهار وإنتي عارفة كويس سهيل لو إنهار إيه اللي هيحصل في البيت.
ازدردت فتنة لعابها وكفكفت دموعها بعدما وعت كلمات شقيقها فاحتوى رياد وجهها وقال 
_ اسمعيني كويس يا فتنة وحاولي تفهمي كلامي اللي حصل لريوان دا أولا وأخيرا أمر ربنا ومكتوب عليها وعلينا احنا إننا نرضى بحكم ربنا ونحاول إننا نثبت صحيح المۏت بيحرمنا من اللي بنحبهم وبيكون فراقهم لينا صعب نتحمله لكن احنا مطلوب مننا واجبات ناحية اللي بېموت سواء كان قريب أو صاحب أو حتى حد غريب والواجب دا إننا نكون بمثابة الولد الصالح اللي بيدعي له وإننا نعمل له صدقة جارية ودا المطلوب منك ناحية صاحبتك يا فتنة إنك تدعي لها كتير بدل ما تستسلمي للشيطان وټعيطي وزيارتك لوالدتها ورعايتك ليها صدقيني هيبقى بمثابة صلة رحم لأم فقدت كل اللي ليها فالحياة ومبقاش فاضل لها حد خصوصا بعد ما جوزها طلقها وهرب.
صمت رياد ليقرأ عين شقيقته التي إبتعدت قليلا عنه واستمعت إليه بإهتمام لتهز رأسها بالإيجاب مردفة
_ إنت معاك حق يا رياد أنا فعلا لازم أكون أقوى من ضعفي وأحاول أعوض طنط عليا عن حرمانها من ريوان علشان هي دلوقتي ملهاش في الدنيا غير ربنا وأنا.
ربت رياد ظهر شقيقته قائلا
_ هي دي أختي فتنة القوية اللي بتقدر تحول ضعفها قوة. 

منذ أخبرته بما حدث وألحت عليه بالعودة وهو يحدق بوجه والدته يشعر بالسخط فهو اطلع على كامل تحقيقات النيابة وقرأ كل ما ورد عن أقوال الشهود بل وإستمع بنفسه إلى إعترافات القاټل والذي أكد أن مهاب دفع له مبلغ كبير من المال نظير اقتحامه لمنزله والنيل من زوجته الحامل واخافتها ليتحول الأمر إلى مذبحة زفر براء أنفاسه وهو يحاول التهرب من عتاب والدته له ليقف أخيرا ويقول 
_ أمي أرجوكي لو سمحتي أعفيني من الموضوع دا حقيقي أنا مش قادر أتولي القضية وحاسس إني لو بقيت محامي مهاب فأنا هجيب له أعدام هو واللي أجره علشان ېقتل ريوان مراته.
عقدت أمتثال حاجبيها وهي تستمع لرفض ابنها تولي قضية مهاب فوقفت وحدقت به بحنق وقالت وهي توشك على مغادرة مكتبه
_ أنا مكنتش عارفة إنك هتصغرني بالشكل دا قصاد خالتك بس هقول إيه يا خسارة عشمي فيك يا براء عشمي اللي مطلعش فمحله وأنا شيفاك عاوز تتخلى عن ابن خالتك وتسيبه يتسجن علشان خاطر واحدة زي دي عموما شكرا يا براء شكرا ليك على خذلك ليا قصاد أختي الوحيدة اللي أترجتني علشان أخليك