إختيار خاطئ لإيناس طه

صاحبتي وبعدها هشتري شوية حاجات و راجعة
مازن تمام خلي بالك من نفسك وخلصي واتصلي بالسواق يجيلك
نور حاضر...يلا باااي
مازن باي
وفتح موبايله وكان محتار يبعت لعالية ولا لأ قرر يستني شوية و بعدين يكلمها
عند عالية أول ما رجعت البيت دخلت أوضتها وكانت مبسوطة بكلام مازن وسرحانة فيه...وقطع شرودها رسالة من مازن
مازن عالية إحنا لازم نتكلم بكرة عايز أعرف رأيك إيه
عالية تمام هشوف و أرد عليك
وفعلا تاني يوم اتقابلوا في نفس المكان اللي كانت قاعدة فيه
مازن فكرتي في كلامي
عالية شوف يا مازن أنا مش زي البنات اللي تعرفهم و قصة اننا نتصاحب والجو ده مش تبعي
مازن أنا معاكي ومقولتش كده و ده اللي شدني ليكي إنك غير أي واحدة عرفتها أنا معنديش مشكلة ان أجي واتقدم لأهلك بس علي الأقل لما أخلص مش معقول هروح أتقدملك وأقولهم إن أنا لسة طالب في الجامعة يا عالية أنا كل اللي عايزه إننا نتفاهم و اعتبرينا بنتعرف علي بعض لحد ما أتخرج و ساعتها أجيب أهلي ونطلب إيدك رسمي...هااا قولتي إيه
عالية بتوتر وفرحة موافقة
مازن بفرحة بجد
عالية أه بجد
عدت فترة طويلة وعالية ومازن بيتكلموا كتير وبيتقابلوا بس من غير ما عالية تقول لملك أو تعرفها أي حاجة وفي يوم عالية كانت خلصت محاضرات وقعدت في مكان ولقيت ملك جاية عليها وملامحها غريبة
عالية بقلق في إيه يا ملك
ملك بتوتر عالية أنا مش عارفة أقولك إيه 
عالية ما تتكلمي يا بنتي وفهميني في إيه
ملك مازن
عالية اتوترت مازن..ماله حصله حاجة
ملك ساكتة
عالية پخوف وعصبية قولي يا ملك حصل إيه و ماله مازن
ملك بتوتر مازن خطب أخت داليدا اللي معانا في الجامعة
عالية پصدمة إيه انتي بتقولي إيه...لا مستحيل أكيد في حاجة غلط 
ملك بحزن للاسف دي الحقيقة داليدا عزمت كل البنات علي الخطوبة بكرة
عالية كانت واقفة مش مستوعبة اللي بيحصل ودموعها نازلة ومرة واحدة خدت شنطتها ومشيت بسرعة 
ملك ناديت عليها كتير بس مردتش و مشيت وراها علشان تحصلها
عالية روحت البيت وقعدت تبكي وتفتكر كل حاجة وكلام مازن 
فلاش باااك
عالية مش واخد بالك إن بقالنا كتير بنتكلم وبنتقابل ومفيش حاجة لحد دلوقتي ومجيتش زي ما قولت
مازن بتوتر أجي فين
عالية هو إيه اللي تيجي فين تيجي البيت علشان تتقدملي مش ده كان كلامك وقولتلي لما اخلص واتخرج وانت خلصت بقالك شهور واشتغلت مع باباك أظن معندكش حجة
مازن أه طبعا هاجي أتقدملك يا حبيبتي أنا بس قولت استني لما أظبط أموري الاول معلش اديني فرصة أفاتح أهلي في الموضوع و بعدها هنيجي نطلب ايدك ونتخطب رسمي زي ما إنتي عايزة
عالية سكتت
مازن سكتي ليه
عالية عايزني أقول إيه
مازن قوليلي إنتي بتحبيني وواثقة فيا ولا لا
عالية وتفتكر لو مش بحبك كنت هوافق اننا نتكلم ونتقابل طول الفترة اللي فاتت دي
مازن عارف وإنتي كمان عارفة أنا بحبك قد إيه..كل الحكاية إن كان في شوية مشاكل في الشغل وملقيتش وقت مناسب أتكلم مع بابا في موضوعنا بس أوعدك إن قريب أوي هتكون خطوبتنا
باااااك
مسكت تليفونها واتصلت بمازن وطلبت منه يقابلها ضروري
في مكان تاني
مازن خير يا حبيبتي قلقتيني... إنتي كويسة
عالية قربت منه و بكل قوتها ضړبته بالقلم وقالت بدموع ليه تعمل فيا كده حرام عليك أنا عملتلك إيه ده انا محبتش حد غيرك...تكدب عليا وتفهمني إنك بتحبني وأنا زي العبيطة صدقتك وفي الآخر تروح و تخطب واحدة تانية 
مازن پغضب وبجاحة أااه خطبت يا عالية و كل حاجة قولتهالك كانت تمثيل بس مش أكتر انتي بالنسبالي كنتي مجرد رهان
عالية پصدمة و دموع رهان
مازن أيوة رهان اتراهنت مع صحابي وحبيت أثبتلهم إن ممكن أوقع أي واحدة أيا كانت مين و حظك بقي إن الرهان كان عليكي واختاروكي انتي بالذات لانك غير أي واحدة صاحبتها علشان كده كنتي صعبة عليا فدخلت وعملت القصة دي كلها علشان تحبيني وتثقي فيا
عالية أنا فعلا مش مصدقة انت شيطان مش بني ادم
مازن إيه كنتي فاكرة إن أنا ممكن اتجوز واحدة زيك مشيت معاها وكانت بتكلمني من ورا أهلها وبعدين بصي لنفسك كويس يا حلوة بقي أنا أبصلك انتي علي إيه...أنا كنت بتسلي بس مش أكتر
عالية انت حقيقي طلعت ژبالة و أحقر واحد