جواهر الجبل بقلم زهرة الربيع

يا جواهر انا عارفه انك لسه مش قادره تنسيه..لسه عايزه ترديله اللي حصل زمان..بس يا بنتي انتي بټنتقمي من نفسك قبل ما ټنتقمي منه..ازاي تقبلي تتجوزي واحد مش عايزك وحتى لو وافق هيبقى علشان الفلوس..اسمعي مني يا حببتي كريم شب كويس وبيحبك و
جواهر قالت .._ ماما معلش..انا خدت قراري..متقلقيش عليا لو سمحتي..وخليكي واثقه في اللي بعمله ..انا مليش غيرك
امها اتنهدت بحزن وقالت.._ براحتك يا بنتي بس علشان خاطر امك فكري تاني
قالت كده وخرجت وجواهر قعدت تبكي بحزن شديد وقالت پغضب.._ انا هعرف ازاي اردلك كل ده يا جبل هذلك لدرجه انك تترجاني اسامحك
في صباح يوم جديد كانو بيجهزو للخطوبه بتاعة جبل وجواهر  وكل حاجه ميثاليه وام جبل اشترت الشبكه لان جواهر رفضت تختارها وكان كل شئ جاهز
بالليل اتجمعت الناس لحفل خطوبه حفيده المنزلاوي وكان جبل واقف مع صحابه بضيق شديد
ابوه وقف جمبه وقال.._ يا ابني عيب كده مكشر في وش الناس بالشكل ده ميصحش
جبل قال بضيق.._ بابا..انا سمعت كلامك ووافقت اتجوزها بس علشان الفلوس متروحش مني لاكن اكتر من كده مش هقدر وياريت بقى متعمليش فيها فرحان وتعجل بالاجرائات الممله دي
ابوه اتنهد وقال.._ ماشي يا جبل زي ما انت عايز بس يلا بقى ...روح اقعد جمب خطيبتك علشان ماماتك جابت الشبكه ولازم تلبسهالها
جبل طلع جمب جواهر وكانت زي القمر بفستان نيلي مطرز  يجننن بصلها شويه وبعد عيونه عنها واخد علبة الدهب من امه ولسه هيفتحها جواهر قالت.._ استني متفتحهاش انت خلي العريس هو اللي يفتحها
جبل استغرب وبصلها بدهشه مش فاهم قصدها وقال .._ ايوه ما انا العريس فيه ايه ركزي شويه
بس كريم حط ايده على كتف جبل وقال.._ لا..انا العريس يا جبل
واخد منه العلبه بتاعت الدهب ومسك ايد جواهر هيلبسها تحت انظار الذهول والصدمه من الجميع وخصوصا جبل ابلي كان في قمة صډمته
كريم اخد العلبه منو ولسه هيلبس جواهر بس جبل مسك ايده جامد وقال.._ انت هتعمل ايه انتو بتهزرو...صح
كريم لسه هيرد بس جواهر قالت.._ لا مش بنهزر..انا بحب كريم وهتجوزه هو..وطبيعي عريسي يلبسني الشبكه
جبل كان بيبصلها بذهول والناس كانت بتبص لجبل وبيهمسو على منظره اللي بقى زي الزفت وجبل بصلها پغضب رهيب وقال بزعيق.._ الحفله انتهت اتفضلو..مش عايز اشوف حد هنا
الناس ابتدت تمشي وهما زعلانين وحمدي بقى يحاول يعتذر للناس وكان مش فاهم ايه اللي بيحصل ده 
طلع عند جواهر وقال..يابنتي انتي مش قولتي هتتجوزي جبل واخترتيه ايه الي حصل ده
جواهر لسه هترد بس جبل قال پغضب.._ اللي حصل ان الهانم بتلعب مش قادره تنسى اللي حصل زمان وبتردهالي بس مش جبل المنزلاوي اللي يتحط في موقف زي ده..فاهمه لازم تفهمي كلك على بعضك متدخليش زمتي بمليم متفتكريش انك لما لبستي واترسمتي هعتبرك بنت فوقي لنفسك جدك هو اللي اجبرني عليكي زمان وهو عايش واجبرني عليكي كمان دلوقتي وهو مېت انما انا اتعمي قبل ما ابص لواحده زيك سامعه
جبل كان في قمة الانفعال ومش واخد باله لكلامه وامه قالت بسرعه.._ اهدي يا جبل انت بتقول ايه يا ابني تعالي معايا يلا
جبل مرضيش يمشي معاها وكان واقف بيبص لجواهر پغضب وهيه حاولت تتخطى كلامه المؤلم وقالت بقوه مصطنعه.._ سبيه يا طنط...هو مش في وعيه دلوقتي مسكين مش ساهله عليه يترفض لاول مره 
وبصتله بانتصار وقالت.._ انا هتجوز كريم ياجبل وزعيقك وجنانك ده مش هيخلوني اعملك اللي انت عايزه زي ما متعود تزعق وياخدوك على قد عقلك
وقربت عليه وبصتله بتحدي وقالت.._ واوعدك انك هتندم على كل كلمه قولتها ..بكره تشوف مين هيه جواهر المنزلاوي
جبل كان هينفجر من الڠضب ومسك كريم من بدلتو پغضب وقال.._ وانت ازاي ازاي تعمل فيا كده ازاي تسمع كلامها ازاي يا واطي احنا متربين سوا
كريم اتنهد پخنقه وقال.._ اهدى يا جبل الموضع ابسط من كده انا بحب جواهر من زمان وانت عارف ومع ذالك وافقت انك تخطبها علشان الفلوس انا كمان وافقت اعمل فيك كده علشان الفلوس الموضوع بسيط.
جبل سابه وهو بيبص للكل پغضب وحاسس انهم اتأمرو عليه ومشي بسرعه وعصبيه
جواهر بصت لطيفه بدموع وقعدت وحطت