جواهر الجبل بقلم زهرة الربيع

الحمام
في صباح يوم جديد نزلو على الفطار وكانو العيله كلها بتفطر ما عادا كريم رفض ينزل جواهر وجبل قعدو على السفره وجواهر بصت حواليها وقالت.._ كريم فين يا ماما
جبل اضايق شويه وسكت وامها قالت.._ احم..مرضيش ينزل يا بنتي
ام جبل قالت بحزن.._ احنا كلنا غلطنا الولد حالته النفسيه بقت وحشه مكانش يصح تلعبي بمشاعره كده يا جواهر قولتي قدام الكل انك هتتجوزيه وهتتخطبيله هو وروحتي بعدها وافقتي على جبل
جواهر قالت بسرعه.._ انا العب بمشاعر كريم ده صاحبي واخويا من صغرنا انا قولتله كل حاجه قولتله اني هعمل الخطوبه وهعمل الموقف ده في جبل وهو وافق يساعدني مكنتش بضحك عليه هو كان عارف بس مش قادر يستحمل
الكل اتفاجأ وجبل بصلها بدهشه وقال.._ كريم كان عارف
جواهر قالت.._ اه كان عارف ووافق يساعدني علشان اردلك اللي عملتوه معايا مش علشان الفلوس
جبل لسه هيتكلم اتفاجأو بكريم نازل من فوق ومعاه شنطه هدومه وقال بابتسامه.._ صباح الخير يا جماعه
جبل وقف وبص للشنطه اللي في ايده وقال .._ اكيد لا يا كريم ارجوك
كريم ابتسم وقرب منه وقال.._ اشوف وشك بخير يا جبل هتوحشني
جبل حاول يتكلم وقال .._ لا لا بجد اسمعني انا اسف اسف صدقني انا...
كريم قال .._ انت اخويا يا جبل الموضوع مش مستاهل انا اللي غلطت معاك حاول تسامحني ربنا معاكو يا ابن عمي خد بالك من جواهر دي اسم على مسمى وانت اللي هتخسر لو فرطت فيها
جواهر نزلت دموعها وقالت .._ طب انت رايح فين طيب
كريم ضحك بخفه وعيونه مليانه دموع وقال.._ متخافوش عليا انا هاخد بريك سريع وهرجع اكيد مش هبعد عنكم كتير
ابو جبل قال بسرعه.._ لا طبعا انا مش هسيبك تمشي ده بيتك و
بس كريم قاطعه وقال.._ علشان خاطري يا عمي انا مصر بجد محتاج ابعد شويه عايز اعيد حساباتي لو سمحت انا هرجع لشقه بابا في المانيا وهبتدي حياه جديده هناك هكلمكم كل يوم
كريم ودعهم والكل كانو بيبكو بحزن خصوصا جواهر وجبل كانو حاسين بالذنب وكريم مشي وهو بيبص للبيت بدموع
بالليل كانت جواهر في اوضتها زعلانه جدا ومش راضيه تاكل وجبل دخل عندها وقال.._ احم جواهر مينفعش كده انتي مكلتيش حاجه من الصبح متنشفيش دماغك
جواهر بصتلو بڠصب وقالت.._ مش عايزه اكل وسيبني في حالي
جبل اضايق وقال پغضب .._ انتي بتكلميني كده ليه وانا مالي ما انتي اللي مرضتيش بيه مع انك عارفه انه بيحبك ومن زمان انتي اللي رفضتي مش انا
جواهر قالت بدموع واندفاع.._ ايوه انا فعلا غلطانه غلطانه وغبيه لاني رفضته ورفضت حبه اللي ميتقدرش بتمن علشان حبك اللي مجابليش غير الۏجع سبت بني ادم كان مش شايف غيري علشان بني ادم مش شايفني اصلا انا غلطانه علشان استبدلته بيك يا جبل
وضړبت على قلبها وقالت بدموع .._ ياريت كان ليه حكم عليه كنت فضلت طول عمري وحيده ولا اني افكر فيك يوم
ونزلت دموعها وقالت بيأس.._ وياريت قادره اكرهك بعد كل ده
جواهر بصتله باستغراب وقالت.._ انت
جبل قال .._ اه انا عمرك فكرتي ليه كنت موافق بجوازنا ومبسوط بيه مدام مش عايزك
جواهر قالت بسخريه.._ علشان تسمع كلام جدك وتحافظ على فلوسه حتى لو هيجوزك المسترجله اللي مش عجياك
جبل ابتسم وقال.._ وانا من امتى بسمع كلام جدي يا جواهر انا طول عمري ماشي بدماغي وانتي اكتر واحده عارفه كده كمان عارفه اني ديما كنت شايفك مميزه بلبسك وقوتك وجمالك اللي ميتقارنش بأي بنت بس...
جواهر استغربت كلامه كانت مستنياه يكمل بس جبل قطع كلامه واتنهد وقال.._ بس تقدري تقول نصيب
جواهر قالت پغضب.._ النصيب النصيب قلك تسبني يوم الفرح قلك تظلمني قلك تكسر قلبي بالشكل ده
جبل اتنهد وقال.._ فيه حاجات بتحصل وبنندم عليها انا اسف على الموقف اللي حطيتك فيه وبعدين انتي ردتهولي وبقينا خالصين كده
جواهر قالت پغضب ودموع .._ لا لا مش خالصين ومش هنسي الموقف اللي عملته فيا مش هنسى قلبي اللي كسرته مېت حته يومها مش هنسي فرحتي ولهفتي قدام صحباتي وانا مستنياك وفضلت مستنيه مستنيه وانت مجتش 
وبقت تبكي جامد وهيه بتقول باڼهيار.._ والناس بقت تمشي من حوليا وانا مستنياك مستنيه وبقول