جواهر الجبل بقلم زهرة الربيع

هيجي يا جماعه هو قلي انه بيحبني وانت وانت طلعت بتلعب بمشاعري
جبل لقى حالتها بقت سيئه كانت بترتعش وپتبكي جامد وبتتكلم بهستريا ..عيونه اتملت دموع حاول يسكتها وقال .._ اهدي اهدي ياجواهر انا اسف انا بجد اسف علشان خاطري اهدي
بس جواهر مكانتش راضيه تخليه يقرب وبتتكلم باڼهيار وقالت.._ سبتني ليه علشان لبسي وشكلي طب طب ليه قولتلي انك موفق على قرار جدي وانك وانك مبسوط بيه انا سألتك..سألتك يا جبل سألتك مع اني كنت بمۏت فيك ليه كدبت ليه
جبل دموعه بقت تنزل على الحاله اللي وصلها ليها وكان عايز يضمها ليه بس هيه بتبعده لحد ما تعبت جدا وقعدت على الارض وبقت تبكي جامد
جبل بقى يبصلها بندم شديد وقعد جمبها وقال.._ انتي مفيش منك با جواهر انتي جميله قوي اجمل من اي واحده عرفتها صدقيني والله انا ندمان..حاولي تسامحيني
جواهر مسحت دموعها وقالت پغضب.._ طبعا لازم ټندم بعد ما فلوسك بقت في ايدي اكيد ده اللي مخليك ندمان مش كده
جبل اتنهد وقال.._ تمام يا جواهر انا انا عاذرك في كل حاجه قولتيها وكل حاجه هتقوليها انا استاهل اكتر من كده بس علشان تصدقي اني ندمان ومجرد اعتذار بسيط مني اما هتنازلك عن ورثي وبعدها انتي تقرري اذا هتسامحيني او..او احم او نطلق
جبل قال كده وخرج من الاوضه بحزن شديد كان حابب يشم هوا ومضايق جدا
جواهر اول ما مشي بقت تبكي جامد وتقول.._ يا رب يارب ساعدني ساعدني انساه واشيله من جوايا وانبي يا رب
كانت مچروحه وفضلت تبكي وهيه بتفتكر كل لحظاتها مع جبل بس فاقت من شرودها على صوت خبط على الباب قامت ومسحت دموعها وفتحت وكانت والدة جبل قالت.._ جواهر يا حببتي كريم سابلك الجواب ده معايا
جواهر قالت.._ جواب جواب ايه طيب شكرا يا طنط
جواهر اخدت الجواب منها ودخلت الاوضه وفتحته وكان مكتوب فيه.._ جوجو حببتي الجواب ده كتبتو من وقت طويل بس يوم ما تقريه يبقى اكيد انا بعدت لان اللي هكتبه في الجواب ده لساني عمرو ما قدر ينطقه..ولا كنت هعرف اقوله ابدا عايز اقولك انك حببتي وقلبي كمان مقدرتش احب غيرك مع اني حاولت كتير يا جواهر
جواهر نزلت دموعها بحزن عليه وكملت الجواب .._ بس حبي ليكي خلاني اناني قوي يا جواهر انا عارف انك بتحبي جبل من زمان وهو كمان بيحبك اوي يا جواهر فاكر زي انهارده يوم ما جدي قال انه هيجوزكم كان طاير من على الارض ومبسوط جدا بس انا اللي بوظت الفرحه دي عليكم
جواهر استغربت الكلام بس كملت المكتوب.._ انا كنت بحبك اوي ومقدرتش اتكلم ولا حتى قدرت اقول لجدي يوم الفرح كنا مجتمعين كلنا في شقة جبل وكان بيلبس ويجهز علشان كان يوم كتب كتابكم وفرحكم سمعته بيتكلم مع صحابه قد ايه مبسوط وقد ايه هيكون اجمل يوم انهارده مقدرتش استحمل.. سامحيني والله ما قدرت دخلتله وقولتله اني بحبك ومش قادر استحمل طلبت منه يسيبك علشاني اترجيته وقولتله لو بيعتبرني اخوه يسيبك
جواهر اټصدمت ووقفت وبقت تقرى بانتباه وذهول.._ رغم اني اثرت فيه جدا بس مقدرش يسيبك يوم الفرح قلي لو قولت الكلام ده قبل الموقف ده كان ممكن لكن دلوقتي مقدرش اسبها في فرحها اعتذرلي ومشي بس موصلش للباب واصحابه نادوله لاني يومها قطعت شرايين ايدي علشان امنعه يا جواهر
جواهر حطت ايدها على بقها پصدمه وذهول وكملت.._ والله انا كتبلك الكلام ده وانا مش قادر اتنفس من الندم والحزن سامحيني ارجوكي تسامحيني جبل رجع واخدني على المستشفى وقفل تليفونه علشان اهلنا ميعرفوش فضلنا ليلتها لحد الفجر هو كان محمل نفسه ذنب الي حصلي بعدها وعدني انه هيديني فرصه اقرب منك واكون معاكي وهيبعد عنك علشاني بس اوعده مأكررش اللي عملته وده فعلا اللي حصل تاني يوم اټخانق هو وجدي وقاله انك مش استايله وانه مش حابب يتجوزك وسبتو بعض وانتي سافرتي وكانت دي فرصتي اقرب منك وانا فعلا عملت كده وفضلت احاول معاكي التلت سنين اللي بعدتي عن جبل فيهم بس انتي رفضتيني برضو ولما حصلت حكاية الوصيه كان جبل بيرفضك بكل الطرق بس انتي