جواهر الجبل بقلم زهرة الربيع

برضو كنتي عايز تجوزيه هو وبرضو اخترتيه للجواز ساعتها انا وهو فقدنا الامل انك ممكن تكوني ليا انا حاليا بعدت علشان اقدر اعترفلك بالكلام ده مش هقدر اقوله وعيني في عينك وبرضو مش هقدر اسيبه في قلبي اكتر من كده والله يا جواهر جبل بېموت فيكي..كان زمان يقول دي جواهري..جواهر الجبل مكانش عايز غيرك..انا اسف انا اللي عملت كده كنت مچنون بيكي مقدرتش استحمل تكوني ليه سامحيني وخليه هو يسامحني بحبك يا بنت عمي انا اسف مليون مره
جواهر سابت الورقه پصدمه وهيه هتتجنن من اللي قراته والدموع اتجمعت في عيونها وبسمه جميله تظهر وتختفي على شفايفها.. مش قادره تصدق انه بيحبها طلعت جري بالبيجامه وبشعرها وجريت وهيه مش واخده بالها للبسها ولا لاي حاجه اول مانزلت تحت كانو كل عيلتها قاعدين سوا وقفت و قالت بدموع.._ جبل..جبل فين
الكل بصولها بذهول من لبسها وامها شاورت على الجنينه وقالت.._ طلع يسقي الورد بتاعه و
بس مكملتش جملتها وجواهر طلعت جري على الجنينه وامها بقت تنادي وتقول.._ يا بنت رايحه فين بلبسك ده
بس جواهر مكانتش سمعاها وجريت على جبل
جبل شافها جايه بالبيجامه اتقدم عليها بسرعه وخوف وقال.._ جواهر فيه ايه انتي كويسه حد حصلو حاجه
جواهر وقفت وهيه بتنهج وقالت.._ اه..فيه..انا..انا حصلي حاجه..انا بحبك..بحبك اوي..اوي يا اهبل يا غبي..مقولتليش ليه..ايه الي سكتك كل ده.. انا كنت ھموت واعرف سبتني ليه
جبل اتفاجأ بكلامها قال بتوتر .._ انتي بتقولي ايه انا مش فاهم حاجه
جواهر قالت بابتسامه.._ لا انت فاهم كويس انا اقصد ايه كريم كتبلي كل حاجه حصلت يوم فرحنا ليه مقولتليش
جبل اتفاجأ واستغرب جدا .. وبص للحرس اللي كانو بيبصولهم قال پحده.._ دور وشك يلا انت وهو
وبص لجواهر وقال پغضب.._ انتي ازاي نازله كده
جواهر قالت.._ جبل..انا بكلمك متغيرش الموضوع مقولتليش ليه
جبل اتنهد وقال.._ انا..انا بس مكنتش عايز كده يحصل والله ما كنت عايزه يسيب البيت بسببي ولا كنت عايز اخسره سامحيني
جواهر ابتسمت وقالت بفرحه .._ انا انهارده اسعد يوم في حياتي انا..انا مش مصدقه والله ما قادره اصدق
جبل مسك ايدها وابتسم وقال.._ كان نفسي تصدقي لوحدك يا جواهر كنت كل يوم استنى تيجي تقوليلي اكيد فيه حاجه غلط عيونك بتقول بتحبني
جواهر قالت بحزن.._ سامحني انا ..انا افتكرت انك اتغصبت عليا و
جبل قال بسرعه.._ اتغصب عليكي يا بت انتي مفيش منك..ده احنا اتنبن في بيت واحد هنتجنن عليكي بس صدقيني يا جوجو محدش هيحبك قدي..انا بعشقك
جواهر ابتسمت بفرحه وقالت.._ ولا حد في الدنيا هيحبك قدي ولا حتي امك
جبل ضحك وقال.._ امك..في واحده تقول لجوزها امك..بس عارفه والله انا ما مصدق انك اخيرا هتكوني معايا..والله من كتر الفرحه هاين عليا اجدد للواد كريم ده باقة النت على حسابي
جواهر ضحكت جامد وقالت.._ باقت النت حته واحده
جبل قال.._ اه طبعا..فيه احلى من كده
وبصلها پغضب فجأه وقال.._ وانتي مش سألتي وفهمتي يلا يا اختي انجري على جوه واقفه على البحر بسلامتك هو انتي فاكره نفسك متجوزه عزيزه شخلعه يلا ادخلي
جواهر ضحكت وقالت.._ طب قولي بحبك الاول
جبل ابتسم وشدها ليه وبص شمال ويمين وقال.._ بامن المكان الاول
جواهر ضحكت وجبل ابتسم وقال.._ بحبكك بعشقك..بمۏت فيكي يا قلبي وعمري وجوهرتي يا جواهر الجبل وسر وجودو
جواهر ابتسمت بحب وقالت.._ كل ده ليا انا
جبل ابتسم وقال.._ قلبي شايلك قده مېت مره يا جوهرتي...بقولك ايه با بت .. ما نطلع اوضتنا افهمك بحبك قد ايه على راحتنا
جواهر ضحكت وقالت.._ بطل سفاله بقى طب..احم بما اننا اتصالحنا انا كمان عندي سر صغنن قد كده
جبل قال .._ يا قلبي قولي براحتك احنا مفيش حاجه تزعلنا تقدر تزعلنا بعد كده
جواهر قالت.._ ولا اي حاجه
جبل قال.._ انا مستحيل ازعل منك بصي لو شتمتيني بالأم
جواهر ضحكت وقاالت.._ لا مش للدرجادي هو الموضوع ان الصراحه..مفيش وصيه ولا حاجه ده حوار عملته واتفقت مع المحامي فيه علشان ادبك علي اللي عملته معايا..وكريم عارف وفلوسه في حسابه كمان..كمان كلهم جوه عارفين
جبل بصلها بذهول وقال.._ اه...يعني انتي كنتي بتحوري
جوهره قالت.._ اممم
جبل ابتسم وقال.._ طب يا روحي احنا اتفقنا مش هنزعل ولا هنتعصب صح
جواهر قالت.._ صح
جواهر قالت بابتسامه .._ صح 
بس خدت بالها من جملته وقالت.._ ايه..لا طبعا مش صح 
وجريت على جوه وهيه بتصوت وجبل جري وراها وهو بيقول.._ ليلة اللي خلفوكي سوده انهارده يا جواهر
ودخل وراها
اهله اتفاجأو بيه طالع جري وراها والحزام في ايده قالو.._ فيه ايه فيه ايه يا ابني
جبل بصلهم بغيظ وقال.._ فيه ايه..كريم شانتيه استنو عليا راجعلكم اعرفكم فيه ايه بس لما اخلص عليها وطلع عند جواهر وهو هيتجنن من عمايلها
وهكذا يكون السماح تأديب وتهذيب وإصلاح
تمت بحمد الله
كنتم مع جواهر الجبل بقلم زهرة الربيع زهرتكم تحييكم ودمتم في امان الله مع من تحبون