نوبة حب لنيرة وائل الجزء الأول
بتهمس برجاء
_ تعالي... ارجوك... ارجوك
فتحت عيونها مرة تانية وهي بتدور عليه في كل مكان لكن من غير فايدة اتنهدت بحزن وهي بتجر شنطة السفر بإيد والاولاد في الايد التانيه دموعها نزلت لكن مقدرتش تمد ايديها تمسحهم بصت على زين وأيلا وقتها بس حست بالمسؤلية اللي حطت نفسها فيها اخدت نفس عميق وكأنها بتمد نفسها بالقوة وطلعت الطيارة
_ مراتي و عيالي على الطيارة دي... مبينفعش يمشوا مينفعش
_ ملك انا عايز افهم الفرح بيتأجل ليه كل شويه
_ ايه اللي مش مناسب مامتك والحمدلله قامت من العملية بالسلامة الماستر واخدتيه والدكتوراة بعد الجواز نحضرها سوا في ايه تاني بقا
_ يعني هناخد الدكتوراة سوا ولا هتضحك عليا وتقولي خلي بالك من البيت وربي العيال
مسكت ايديه وهي بتبتسم
_ نعمله في اجازة الصيف
بادلها الابتسامة و هو بيبوس ايديها بحب
_ يعيني على الرومانسية
_ بسم الله انتي بتطلعي منين
_ شديلي الكرسي دا بس الاول عايزة اقعد
اتكلمت بضيق وهي بتشد الكرسي لنجمة
_ منك لله يا نجمة كان لازم تظهري دلوقتي يعني انا ما صدقت اقنعتها بالفرح
_ انتوا لسه بتتعاركوا على حوار الفرح داا واد يا زياد انت تسيبك منها وانا هشوفلك عروسة
_ انا طول عمري اقول عليكي اصيلة يا بت يا نجمة
_ والله
قالتها ملك برفع حاجب وهي بتربع ايديها بتوعد قاطعهم صوت التاكسي اللي وقف قدام بيت حياة اتكلم زياد باستفهام
_ ايه دا هو جوزك راجع بتاكسي ليه يا نجمة فين عربيته
_عمر مش بيجي دلوقتي لا..... تلاقي عمي رجع من مشواره
_ حياااة
همست ملك بذهول
_ حياااااة
قالتها نجمة وهي بتدي ابنها لزياد و بتجري عليها بفرحة التفتت حياة لمصدر الصوت وشافتهم كلهم متجمعين في مكانهم اللي كانوا دايما بيقعدوا فيه سوا احساسها بالخسارة زاد وقتها اتخلت عن كل دا زمان عشان حب فريد ولما رجعت تاني رجعت خسرانة كل حاجة
حضنت نجمة ودموعها بتنزل بصمت كانت ملك واقفة تتفرج عليهم وهي بتفتكر ذكرياتهم الحلوة سوا اتمنت لو تجري عليهم وتحضنهم لكن مقدرتش ومشيت بهدوء لاحظها زياد اللي مرضاش يضغط عليها وهزلها راسه بتفهم
_هتسيب ابنك في الحالة دي وتنزل مصر
قالتها بارلا بعياط و هي واقفة قدام سرير آدم في المستشفى
اتكلم فريد بقلة حيلة ودموعه بتنزل
_ انا اسف سامحيني
_ تاني... تاني هتقول سامحيني
فلاش باك
من 6 سنين
_ فريد انا ولادتي بكرة هتسيبني و تنزل مصر وانا
