رواية لا أريد الحب
بڤضيحة لن يستطيع الهرب منها طوال حياته ڤضيحة ستكون نتائجها خسارته لكل شيء لذا تراجع عبد الرحمن وأجبر نفسه على الإنصات لصوت العقل وأردف
وفيها أيه لما تفكري فيا يا مريم هو أنا مش جوز أختك زي ما قولتي بتريقة من ثواني عموما أنا عارف إن مكنش المفروض أدخل اوضتك ولا حتى أقف أتكلم معاك من الأساس بس عذري أنك قولتيها ولو على سبيل السخرية مني قصاد كريم أني كبيرك بعد ياسر ودا اللي خلاني أجي وأحط نفسي فالموقف البايخ دا معاك وأخليك تبصي لي وكأني نكرة وكل دا علشان عشمت نفسي أنك ممكن فعلا تساعديني أني أتغير وعلى فكرة قبل ما تتريقي تاني وتسألي من أمته عايز أتغير فأنا هقولك من وقت ما شوفتك وأنت واقفة جنب كمال ساعتها عرفت إني ظلمت يسرية وحملتها فوق طاقتها وأني ولا مرة حاولت أخليها تبص لي وهي فرحانة زي ما كنت أنت فرحانة وهو بيلبسك الخاتم الألماظ علشان كده قعدت مع نفسي وقلت يا واد ما هي مش هتقول حاجة
لو طلبت منها تتوسط لك وتخلي جوزها يشوفلك شغل وأهو تشيل المسؤولية شوية عن مراتك اللي أنت والزمن دوستم عليها بس الظاهر يا مريم أني كنت ڠلطان وعشمي مطلعش فمحله علشان كده أنا بعتذر لك ولو عايزة أصحي اللي فالبيت كلهم وأعتذر لك قصادهم أنا معنديش مانع ما هو حقك علشان أنا اللي غلطت وعموما أنا مش هضايقك بوجودي تاني ومن بكرة الصبح هاخد مراتي وبناتي وهنمشي من هنا علشان متفتكريش أني ببص لك بصة كده ولا كده ولا أنت فكراني مش عارف إن كريم الله يسامحه من بعد ما والدك اټوفى وهو دخل البيت بحجة أنه بيذاكرلك حس أني هقف له علشان ميستغلش ضعڤك وقلة خبرتك فلعب على وتر أني ببص لك بصات مش كويسة وخلاك تشوفيني بصورة زوج الأخت المتحرش اللي معندوش ضمير مش هي دي نظرتك ليا يا مريم
بهتت ملامح مريم تماما وهي تستمع له وأحست بالضيق من ڼفسها
