حب إجباري لزهرة الربيع

نهار اسود ده انا مستقبلي ضاع عاجبك كده انا روحت في داهيه 
نغم قالت بتوتر_ اهدى يا ريان والنبي انا
ريان قال بغضب_ انتي ضيعتيني عارفه يعني ايه دكتور يتقال انه عمل كده في عيادته انا ضعت ضعت
وفكر شويه وهو حاطط ايده على جبينه بزهول وقال_ وهايدي هايدي كمان زمانها عرفت منك لله منك لله
ريان قال كده ونزل جري من عندها ونغم طلعت تجري وراه وتنادي عليه امام بقى يبص لطيفه بزهول وقعد وحط ايده على دماغه ريان بقى كان بيجري عايز يطلع من الحاره ونغم جريت وراه وقالت _ استني يا ريان والنبي تستنى ارجوك اسمعني بس
ريان قال بعصبيبه_ ابعدي عني اياكي تيجي ورايا 
وبقى يكمل جري بس نغم وقعت على الارض وصړخت وقالت_ اااه رجلي ااه يا لهوي يا اما 
وبقت تبكي ريان كان هيكمل بس مقدرش وقف والټفت لقاها قاعده على الارض وپتبكي رجع لها ونزل لمستواها وقال_ فيه ايه مالها رجلك
هنا نغم قالت ببكا_ انا اسفه انا عملت كده علشان بحبك والله بحبك اوي وبقت تبكي
ريان اتفاجأ وقلبه بقى يدق بارتباك ورفع اديه بتردد وطبطب عليها وقال_ احم اهدي خلاص
بعد شوية نغم 
مدت ايدها وقالت_ طب ممكن قومني رجلي ۏجعاني
ريان وقفها وبقت تتسند عليه وتعرج وريان اتنهد وقال_ انا اسف كان لازم اقف وانتي كمان غلطانه بتجري ورايا كل ده ليه
نغم ابتسمت وهيه مسنوده عليه وقال_ ما انا قولتلك عندي استعداد اجري وراك العمر كله
ريان اتنهد وقال_ اممم واحده فاضيه على العموم تعالي اطلعك شقتك
نغم ضحكت وقالت_ لا ما خلاص مينفعش امام زمانه بلغ عليك
ريان اتسعت عنيه بزهول ودفعها پصدمه وقال_ ايه وبتضحكي
نغم وقعت على الارض وضحكت تاني وقالت_ يخربيتك انا صدقت ما وقفت فيه ايه
ريان قال بزهول_ برضو بتضحك انتي عايزه تحبسيني يا نغم
وقال_ اااه فهمتك انتي عايزه البوليس يجي ياخدني وانتي تتنازلي عن المحضر مش كده
نغم وقفت بالعافيه وبقت تمشي وهيه بتعرج وقالت_ لا مش كده انا ناويه اسلمك علشان تتربى يا إما بقى نتجوز خلينا نتجوز يا ريان والله هتبقى مبسوط معايا صدقني
ريان قال بعصبيه_ مش وقت جنان دلوقتي انا هعمل ايه دلوقتي اهرب لا اعمل ايه مش عارف اتصرف
نغم ابتسمت وقالت_ انت بس تعالى معايا
بعد شويه كانو في كوخ قديم مصنوع من اعواد الحطب وبعيد عن كل الناس في حته متطرفه بعيده عن الحاره وكان معاهم شاب في العشرين وقال_ ها ايه رأيك هتفضلو هنا لحد ما الوضع يهدى واجي اقولكم
نغم ابتسمت وقالت_ تشكر يا حمو مش هنسالك الجميل ده ابدا
حمو قال_ خيرك سابق يا نغم يلا انا جبتلكم شويه حاجات هتحتاجوها وفيه مطعم صغير وقهوه قريبين لو احتاجتو حاجه تاني
الولد مشي وريان مرر صوابعه في خصلات شعره وهو بيبص للمكان بتوتر وزهول وقال _ هو هو احنا هنفضل هنا هنا ازاي يعني ده المكان معفن قوي
نغم ابتسمت وقالت _ ثواني واخليهولك جنه
وابتدت بقى نضفت المكان كويس وكان فيه قلل ملتهم ميه من الحنفيه اللي بره الكوخ ورشت المكان وفردته بالقش وحطت فوقه مفرش جبهولها حمو وخلت المكان نضيف وحلو وابتدت بقى تطلع الاكل اللي جابه من الشنطه وجهزته بعد شويه كانت مولعه حطب للتدفئه وجابت الاكل وقالت_ يلا باسم الله كل انت من الصبح مأكلتش حاجه
ريان وابتسم ابتسامه جانبيه وقال_ هو فيه حد يستاهل تتمرمطي كده علشانه يا نغم
نغم ابتسمت وقالت_ اه فيه..انت
ريان ابتسم بيأس وقال_ طب تعالي نحسبها