امرأة العقاپ لندى محمود

تحدث بفرحة وعينان لامعة 
_ كويسة يابابا دوخت شوية بس وده أكيد بسبب الحمل
اتسعت عيني نشأت پصدمة وهدر 
_ حمل !! إنتي حامل !!! 
هزت رأسها بالإيجاب وهي تبتسم باتساع ليهيمن الذهول عليه للحظة قبل أن يضحك هو الآخر بفرحة صادقة ويضمها إلي صدره بحنو مقبلا شعرها ويتمتم 
_ مبروووك يابنتي خلي بالك من نفسك من هنا ورايح وخدي معاد وروحي للدكتورة وتابعي معاها 
_ النهارده بليل ان شاء الله هروح للدكتورة 
أبعدها عنه وابتسم بمداعبة يسألها 
_ تحبي اروح معاكي ولا هتاخدي عدنان 
سكنت بشكل مريب عند ذكره لاسمه فضيق عيناه باستغراب وسألها بجدية 
_ إيه إنتي مش عايزة تقوليله ولا إيه !! 
التزمت الصمت ولم تجيب فن الرد حازم من أبيها وهو يقول 
_ مينفعش ياجلنار لازم يعرف مهما كان في إيه مشاكل بينكم واتطلقتوا ده ابنه ولازم تقوليله 
هزت رأسها بالموافقة وتمتمت في خفوت 
_ هقوله يابابا أكيد مقدرش اخبي عنه أساسا ا بس هصبر شوية وهقوله في الوقت المناسب 
تنهد نشأت الصعداء بعدم حيلة حين توقع أفكار ابنته التي تدور في ذهنها فقال بنظرة دقيقة 
_ أنا فاهم إنك خاېفة تقوليله ويردك لما يعرف بحملك بس
متقلقيش مش هيعمل كدا ومتنسيش كمان إنك دلوقتي عدتك مبقتش تلات شهور لا عدتك بقت لغاية ما تولدي 
جلنار بتفهم 
_ عارفة يابابا عارفة ومتقلقش هقوله دي حاجة مينفعش تتخبى أساسا 
ابتسم لها بحنو ثم اقترب وطبع قبلة دافئة فوق جبهتها متمتما بحنان أبوي 
_ ارتاحي بقى ياجلنار وأنا هبلغ بدرية إنها تطلعلك الأكل عندك في الأوضة عشان متنزليش وتطلعي السلم كتير وتتعبي 
أماءت له بالموافقة وعانقته بحب هامسة 
_ متشكرة يابابا ربنا يخليك ليا
_ ويخليكي ليا ياحبيبتي أنا هسيبك بقى عشان ترتاحي
أماءت برأسها في إيجاب وهي تبتسم في سعادة ورقة تابعته بنظراتها حتى غادر لتعود وترفع كفها لبطنها تتحسسها بفرحة تغمرها بالكامل ! 
كانت نادين بغرفتها تستعد كأي عروس اليوم هو الأخير قبل يوم الزفاف الذي سيكون غدا كانت تجلس فوق فراشها ووجهها كله من اللون الأسود بعد أن قامت بوضع إحدى الكريمات الطبية المخصصة لتفتيح البشرة وبيدها اسمك زجاجة مانيكير لونه احمر وتدهن أظافرها بدقة شديدة حتى لا تنحرف يدها خارج إطار أظافرها وتخرب شكل أصابعها 
بتلك اللحظات وهي مندمجة بالمانيكير انفتح الباب فجأة ثم انغلق في اللحظة التالية فورا لم ترفع رأسها لظنها أنها الخالة فاطمة حيث قالت بعفوية 
_ ياخالة تعي شوفي شو رأيك بهاد اللون 
أنهت عبارتها وبتلقائية رفعت رأسها لتنظر للخالة لكنها دهشت بحاتم الذي يقف متسمرا وملامحه شبه مذعورة
من منظر وجهه المريب ففغرت شفتيها واتسعت عيناها پصدمة وبلحظة وثبت واقفة ولفت توليه ظهرها حتى لا يراها بهذا المنظر وصړخت به 
_ حاتم
شو عم تسوي هون اطلع لبرا هلأ فورا الخالة فاطمة مو نبهت عليك إنك ممنوع تشوفني اليوم
حاتم بصوت منخفض دون أن يصل لأذنها 
_ ما أنا لو كنت اعرف إن الموضوع في جو الړعب ده مكنتش دخلت والله 
تنحنح بسرعة واقترب منها ليقف خلفها ويهمس شبه ضاحكا بسخرية 
_ نادين ياحبيبتي إيه اللي عملاه في وشك ده 
نادين بغيظ دون أن تلتفت له 
_ هادي أشياء ما بتفهمها شو دخلك إنت !! 
أجاب بضحكة مكتومة حتى لا يثير چنونها أكثر 
_ لا دخلني ونص
كمان حبيبتي إنتي قمر وحدك مش محتاجة إيه لزمة الكلام ده ! 
من فرط غيظها كانت ستتلفت له وټنفجر به لكنها تراجعت وردت باقتضاب وڠضب 
_ هايدي طقوس بتسويها أي عروس شو بيفهمك إنت بهاي الأشياء !
حاتم بيأس وحنق حقيقي 
_ حرام عليكي يانادين ده انتي نشفتي ريقي لغاية ما سامحتيني ولما ادخل عشان اشوفك الإقيكي كدا والله نفسي ابوسك بس خاېف 
نورت وجنتيها بخجل شديد ولا إراديا استدارت بجسدها له وراحت تضربه فوق صدره بغيظ واستحياء متمتمة 
_ لك بيكفي وقاحة ياقليل الأدب يلا اطلع لبرا 
ضحك وأمسك بيديها ليرفع أحد كفيها لشفتيه يلثم ظاهره ثم يهمس مشاكسا إياها 
_ يعني ملقتيش غير الماسك ده طيب حطي واحد لونه عادي مش حاطة أسود ده أنا من الخضة قطعت الخلف
كتمت ضحكتها بصعوبة وتصنعت السخرية منه وهي تدفعه للخارج بلطف هاتفة باللهجة المصرية 
_ ياعيني اسم الله عليك من الخضة ياكوكي 
رمقها بنظرة مستنكرا ردها ورافعا حاجبه ثم رد مغتاظا 
_بتتريقي !! ده بدل ما تقوليلي بعد الشړ عليك ياحبيبي !! 
استمرت في دفعه وهي تضحك بصمت وتقول بنفاذ صبر مزيف 
_ لبرا ياحاتم مو وقتك هلأ أنا ماني فاضيتلك !! 
دفعته أخيرا خارج الغرفة وأغلقت الباب فسمعته يهتف من الخارج بوعيد حقيقي وغيظ 
_ مش فاضيالي ! ماشي هو كلها يوم يانادين وبعدين تفضيلي ڠضب عنك وابقى افتكري عشان وقتها هتشوفي الوقاحة على حق 
ضحكت بصوت مرتفع هذه المرة وردت عليه من بين ضحكها 
_ لك انقلع يامجنون قبل ما حدا يشوفك 
أنهت عبارتها وبقت واقفة خلف الباب تنتظر منه رد لكنها سمعت صوت خطواته وهي تبتعد عن غرفتها فرفعت كفها بفمها تكتم صوت ضحكها من تصرفاته الچنونية