عشقي الطاهر لزهرة الربيع

قال بسرعه_ لا فيه كان المفروص توقفيها عند حدها تقوليلها انا اولى بيه منك انا مراته وانتي مجرد عشيقه
اتسعت عيون فيروز بدهشه وضحكت بسخريه وزهول من كلامه وقالت_ مراته ده بامارة ايه بقى بأمارة كلامك بانك اتغصبت عليا ولا بأمارة الخمس سنين اللي مكلمتنيش حتى بالتليفون فيهم اقولك اكيد اللي طفشت فيه وخليت سيرتي لبانه في بق اللي يسوا واللي ميسواش صح
طاهر بعد شويه ونزل عيونه في الارض وقال_ احم انا انا مقصدتش كل ده انا مكنتش عايز اتجوز من هنا واقضي حياه تقليديه بس انتي كنتي بتلغي كل تفكيري وبتبوظي حساباتي يا فيروز
فيروز بصت لعيونه بدموع وطاهر قال_ معرفتش انساكي يوم واحد صدقيني كل حاجه بنا فضلت معايا
فيروز فضلت تايه في عيونه بس انتفضو بخضه على صوت خبط على الباب
فيروز اتوترت وقالت_ ايوه..ايوه مين
كانت سهى على الباب وقالت_ جدك عايزك يا فيروز بسرعه
فيروز قالت بتوتر_ حاضر نازله نازله حالا
طاهر اتنهد وقال بضيق_ اختك دي لو ظابطاها بالثانيه مكانتش خبطت في اللحظه المصيريه دي
فيروز كانت عايزه تضحك على كلامه بس قالت بجديه _ احم الحمد لله انها خبطت ويلا اطلع من هنا وبلاش كل شويه تلعب بمشاعري احنا خلاص كلها بومين وهنطلق
طاهر اتنهد وقال_ انا خارج بس بس حكاية نطلق دي فيها كلام
قال كده وغمز ومشي وفيروز بقت تبص لطيفه بابتسامه خرجت منها لا اراديا بعد شويه نزلت وكان قاعد شاب وسيم مع جدها اللي قال_ تعالي يا فيروز سلمي علي محمد
فيروز استغربت وراحت سلمت وقالت _ احم اهلا وسهلا
محمد بصلها باعجاب وقال_ اهلا بيكي
جدها بص على السلم شاف طاهر نازل وبيلبس ساعته بلا مبالاه قال بثوت عالي شويه_ محمد يبقى ابن عمك توفيق صاحبي واخويا الصغير انا مربيه مع اولادي اكيد فكراه..
فيروز مكانتش فاهمه قالت _ اه اه طبعا اهلا
جدها قال_ هو بيشتغل مدرس وعنده بيت قريب مننا وجاي يطلب ايدك وهتجوزو بعد ما تخلص عدتك على طول ايه رايك
فيروز اتسعت عنيها بزهول وطاهر اټصدم بشده واتجمد مكانه
جدهم ابتسم لما شاف ملامحهم وقال_ ايه يا فيروز مش هتسمعينا رأيك
نزل طاهر پغضب رهيب وقال_ لا اسمعك انا رايي يا جدي 
وبص لمحمد پغضب شديد وقال_ بره اطلع بره
محمد بصله بدهشه وكان جايب بوكيه ورد جميل طاهر مسكه ورماه في وشه وقال_ اطلع من هنا حالا يلا
جده كان مبسوط جدا بس قال_ يا ابني اهدى مش كده هو ايه اللي حصل
طاهر كان باصص لمحمد پغضب وقال_ اطلع بقولك اطلع حالا
محمد قال _ انا ماشي بس افتكر يا جدي اني اتطردت من بيتك
واخد الورد ومشي
جدهم بص لطاهر وقال پغضب مصطنع_ ايه اللي عملته ده بقى بتطرد ضيفي وانا قاعد مفيش احترام ليا
قال طاهر پغضب_ وانت كنت احترمتني يا جدي لما بتخطب لمراتي وانا واقف
قال جده بخبث_ يا ابني ما انتم في حكم المطلقين
طاهر قال پغضب _ لا مش مطلقين لما ابقى اطلقها وتخلص عدتها تبقى تشوف لها عرسان ده لو طلقتها اصلا
وبص لندى قاصد يوصلها الكلام وقال_ انا اطلق براحتي ويمكن مطلقش اصلا واللي مش عاجبه هو حر
قال كده وطلع بمنتهى الڠضب 
ندى بقت تبص لطيفه پغضب وفيروز كانت طايره من السعاده بسبب غيرته عليها واصطنعت الا مبالاه وقالت_ انا هطلع اريح شويه عن اذنكم 
وطلعت وهيه مبسوطه من قلبها
فيروز ابتسمت بخبث وحبت تضايقه واتشوف الغيره في عنيه قالت_ هو يعجب اي حد طول بعرض مال وجمال ومدرس وله مستقبل وغير كدا بيحبني وعايزني
طاهر شدد قبضته على دراعها وقال پغضب_ لا والله كل ده خدتي بالك منه من الدققتين دول ده انتي لو هتعملي عليه بحث مش هتركزي كده عجبك للدرجادي يا هانم
فيروز قالت بخبث_ ما قولتلك كويس وبعدين انت مش مشيته زعلان  ليه ولا انت غيران
طاهر سابها لما قالت كده وخد باله من اندفاعه وقال_ احم ايه غيران غيران ده ايه لا طبعا وهغير من مين من التافهه ده ده انا مقبلش اشغله سواق عندي
فيروز ابتسمت ابتسامه جانبيه وقالت_ طب كويس اننا رفضناه بكره يجي اللي احسن منه
قالت كده ولسه هتمشي شدها عليه بقوه وقال_ ولا