عشقي الطاهر لزهرة الربيع

ماما قدام عمو طاهر
فيروز اتوترت وبصت لسهى ولسه هترد دخل طاهر وقال_ صباح الخير
فيروز اتوترت قوي وسهى قالت_ صباح النور 
وبصت لسليم وقالت بارتباك_ يلا يا سليم يا حبيبي هتتأخر على الروضه تبقى تتكلم مع خالتو لما تيجي
سهى اخدت سليم ولسه هتمشي طاهر مسك ايده ونزل لمستواه وبصله جامد وقال_ شبيهي الصغير انت في الروضه
سليم ابتسم وقال_ امم عندي اربع سنين
ابتسم طاهر وادالو فلوس وقال_ خد جيبلك حاجه حلوه وانت راجع
فيروز اضايقت بس مدخلتش وسليم اخدها وقال _ شكرا يا عمو 
طاهر قال_ شكرا بس هات بوسه لعمو 
سليم باسه وطاهر ابتسم وقال_ يلا على مدرستك
سهى اخدت سليم ومشيت وفيروز بصت بعيد عنه وبقت تقطع الخضار وقالت_ ملوش لزوم اللي عملته
طاهر قال من وراها _ طب مش تصبح الاول يا جميل صباح الورد
فيروز واتوترت والسکين جرجت صباعها قالت بالم_ ااه
طاهر مسك ايدها بسرعه وقال_ ايه اللي حصل مش تاخدي بالك سيبي سيبي وتعالي معايا و
لكن فيروز سحبت ايدها وقالت پحده_ ملكش دعوه بيا بلاش تحاول تطيب الچروح اللي سببتها لان مفيش فايده متعملش ان عندك ضمير قوي
فيروز قالت كده ولسه هتمشي مسكها من دراعها پغضب وقال_ الچروح دي انتي اللي سببتيها لنفسك انا قولتلك قولتلك كتير اني هتجوزك علشان رغبة بابا وجدي وعلشان متسافريش مع اهلك عمري ما وعدتك بحاجه وعمري ما قولتلك كلمة حب واحده محدش ضړبك على ايدك انتي اللي كنتي عايزه و
بس قاطعته لما رفعت ايدها ولسه هتضربه في ثوني لف ايدها ورا ضهرها ومسكها بقوه وقال_ لا كده ازعل وانا مش حابب ازعل منك زعلى وحش
كان لسه ماسكها بقوه و يشدد قبضته على ايدها اكتر نزلت دموع طاهر على الحاله اللي وصلتلها بسببه غمص عيونه وقال بدموع_ حقك عليا سامحيني يا فيروز انا انا اسف اسف قوي
فيروز بقت تبكي بين ايديه بقوه وهنا دخلت ندى وهي بتقول_ طاهر اتأخرت ليه و
بس قطعت كلامها لما شافتهم كده
فيروز بعدت عنه بسرعه وطاهر قال بارتباك_ ندى اسمعي هفهمك
بس ندى قالت پغضب _ افهم ايه افهم ايه ما كل حاجه واضحه اهيه بقى جايبني معاك ومرمطني في البلد المقرفه دي على اساس تطلقها وانت جاي تترمي في حب الهانم
فيروز قالت_ لا انتي فاهمه غلط هو اللي حصل انه
بس قاطعتها ندى وقالت پغضب_ انتي تخرسي خالص مسمعش صوتك فاهمه اما بجحه صحيح لكي عين تكلميني.
فيروز اتملت عيونها دموع وطلعت جري على اوضتها وطاهر جري وراها وقال_ فيروز فيروز استني
بس قبل ما يطلع ندى مسكت ايده وقالت_ استني هنا يمكن هتطلع وراها كمان يلا بينا هنمشي من هنا حالا انا مش هقعد دقيقه في البلد دي
بصلها طاهر پغضب وقال_ ومين قال بقى اننا لابسين شراب واحد علشان لما سيادتك تحبي تمشي لازم امشي معاكي اتفضلي الباب يفوت جمل
ندى حاولت تهدى اول ما قال كده واصطنعت الحزن وقالت_ كده برضو يا طاهر بتعاملني كده علشان بغير عليك
طاهر اتنهد بضيق وقال_ ندى انتي عارفه اني مش ناوي ارجع لفيروز ولو كنت ناوي مكنتش استنيت الفتره دي كلها ارجوكي بقى شيلي الفكره دي من دماغك وبلاش كل شويه تصدعيني
قال كده وطلع ورا فيروز وندى قالت پغضب_ طيب يا ست فيروز انا هعرف شغلي معاكي
فيروز كانت في اوضتها پتبكي وبتفكر فيه ل وقد ايه اشتاقتلو لعنت نفسها الف مره وقالت_ كفايه بقى خلي عندك ډم مش بعد كل اللي عمله فيكي 
في الوقت ده سمعت صوت خبط على الباب وقالت بدموع_ مين
بس محدش رد
وقفت بضيق وفتحت وهيه بتقول_ مش بقول مين و
بس قطعت جملتها لما شافت طاهر واول ما شافته قفلت الباب بسرعه بس حط رجله ومنعها ودخل وقفل الباب
فيروز بقت ترجع لورا وهيه بتقول بتوتر_ خليك عندك يا طاهر والله بجد هنادي لجدي اطلع من هنا حالا حالا يلا
طاهر وقال_ هتروحي فين تاني هتدخلي في الحيط
فيروز قالت بارتباك_ اطلع يا طاهر 
طااهر قال_ مش قبل ما تقوليلي جريتي ليه ليه موقفتيش وواجهتيها مش هتبطلي تبقى جبانه كده
فيروز قالت پغضب _ انا مش جبانه بس هي مغلطتش ومفيش حاجه كمن اقولهالها
طاهر