لن اتخلى عنك لناهد خالد

حاجه ملكها هتكون بإسمه ولو بعد عني مش هعرف اتحكم في حاجه.
_يعني أيه مش هتخليها تاخده!
_تاخد مين ! اكيد لأ وبعدين هو انا عارف  هتعيش ازاي لما تمشي من هنا اكيد يعني المبلغ الي هتاخده مش هيعيشها كتير ابهدل ابني معاها بقي!
_مبلغ ايه! أنت ناوي تديها حاجه!
_لا هرميها في الشارع! اكيد عالاقل هوفرلها شقه تقعد فيها ومبلغ صغير هدهولها تمشي بيه حياتها لحد ما تشتغل ولا تتصرف.
_أمجد أنت مچنون! ماتقعدها معانا بالمره!
_قولتلك مش هرميها في الشارع ده أقل حق ليها عندنا ومش هنخسر حاجه يعني بعدين انت عارفه كويس لولا إنها دايما شاكه فيا ولازم تراجع كل حاجه بنفسها وتعرف الفلوس رايحه فين وجايه منين أنا مكنتش عملت كل ده خصوصا إن لها النصيب الأكبر من الأملاك لو كانت مسالمه وسايبه كل حاجه تحت تصرفي من غير تدخل كانت الأملاك كلها هتعتبر بتاعتي لكن هي اللي وصلتني لكده.
_ماشى يا حنين المهم هتخليها تكتب الحاجه بإسم حمزه امتي
_مش دلوقت شويه كده لما تبدأ تشك في عقلها وإنها عندها مشكله فعلا وكمان لقاءها ب بدر هيقلقها أكتر وبعدها واحده واحده هبدأ معاها الموضوع.
_بدر هييجي امتي
_بكره لسه هطلع اقولها يلا روحي نامي.
تاني يوم كانت قاعده مع دكتور المخ و الأعصاب الي جابه أمجد وبيقول انه من اشطر الدكاتره بدر كانت بتسمع كلامه پخوف بعد ما حكت له كل حاجه...
_للأسف دي علامه مش مبشره أبدا يا مدام كونك فاكره كل حاجه إلا السنه دي معناها إن ممكن يكون مخك حصل في خلل ما ويمكن تكون السنه دي أنت كنتي رافضاها لسبب ما فقرر أنه ينساها ويمكن تكوني مكنتيش مبسوطه بوجود ابنك وعشان كده قررتي تنسيه وتنسي كل حاجه حصلت من اول ما عرفتي بوجوده وكل دي أسباب مش علميه أوي بس المهم دلوقتي اللي جاي بما أن ده حصل معاكي مره يبقي وارد جدا يحصل معاكي تاني ووارد يكون إشارة ل زهايمر مبكر فعشان كده لازم نعمل احتياطتنا انا هكتبلك علي دواء يقوي الذاكره بس طبعا لازم تنتظمي عليه وكمان انا اتوقع ان الفتره الجايه هتنسي حاجات كتير فبلاش تتوتري او تقلقي.
الدموع انحبست في عنيها وهي بتسمع لكلامه رغم ان عندها تساؤلات كتير ورغم كونها مش فاهمه كلامه إلا أن حكاية كونها هتنسي كتير وممكن يجيلها زهامير فكره مرعبه هي ممكن فعلا توصل لمرحله انها مش فاكره اي حاجه ولا اي حد! قامت بسرعه من قدامهم بعد ما فشلت تتحكم في دموعها وطلعت علي اوضتها قفلت الباب واترمت علي سريرها وهي بتسمح لعياطها وشهقاتها تزيد سمعت صوت موبايلها بيرن مهتمتش بس تكرار رنينه خلاها تقوم تشوفه لاقت رقم رغم انه مش متسجل الا إنها مستحيل تقدر تنساه رقم قلبها حافظه قبل مخها مسكت الفون تبصله وهو بيرن وعياطها بيزيد هو ممكن ييجي يوم تنسي يونس كمان! وابنها!.. قفلت الفون بعصبيه ورمته علي الطربيذه ورجعت للسرير نامت عليه وغمضت عنيها وهي حاسه ان كل ده كابوس مجرد كابوس وهينتهي.
_ها عجبتك
_عحبت أيه هو انت عملت حاجه مكنوش كلمتين قولتهم!
_تصدق انا غلطان! هما كلمتين بيتقالوا وخلاص! اهم حاجه انها صدقتني.
_والله ما اعرف الهبد اللي هبدته ده جبته منين.
_انت مش ليك انك توصلها ان عقلها قرب يطير خلاص بقي انت مالك قولت ايه!
_يطير! قوم يابدر امشي.
_ماشي ياعم هستنك بليل عشان نسهر.
_ماشي يا خويا اتكل انت بقي.
جت رنا بعد ما مشي بدر وقالت_
_ها يا أمجد كله تمام
_ايوه المهم نبدأ نعمل الي اتفقنا عليه.
_ماشي جبت الدواء
_اه جبته وبدر اقنعها أنه بيقوي الذاكره لكن هو هيخليها تنسي.
_اومال اللي القديم كان بيعمل ايه
_لا ده مفعوله سريع ولحظي يعني هتنسي حاجات لحظيه بتعملها وتنسي انها عملتها.
_امم ماشي عاوزين نقعد مع بعض شويه براحتنا وكمان نرتب هنعمل اي الفتره الجايه.
_ماشي يومين كده ونبقي نتقابل في شقتنا.
_ماشي.
_فهمت ياسعد
_فهمت يايونس باشا هبقي زي ضله متقلقش.
_لو دخل مطعم يتغدي عاوز اعرف كل أي فاهمني ادق التفاصيل تكون عندي.
_عنيا كل يوم هيوصلك تقرير بكل لحظه في اليوم.
_تمام روح انت.
_بعد اذنك ياباشا.
رجع بضهره يستند علي الكرسي وحط رجل علي رجل