لن اتخلى عنك لناهد خالد
بس مش مستوعب اللي بسمعه طيب خلينا نشوف اكتر من دكتور ونفهم منهم الوضع بالضبط.
_هتساعدني يعني
بصلها بعتاب وقال_
_من امتي اتخليت عنك.
بعدت نظرها عنه وسكتت وهي بتفكر ازاي بكل اللي بيعمله ده يكون فعلا خدعها!.
بعد كام ساعه..
_ايوه ياسعد
_ايوه يايونس بيه أمجد طلع شقه دلوقتي بقاله فيها ييجي نص ساعه ولما سألت البواب قالي انها شقته وبعد ماطلع بشويه جت البنت اللي شغال عندهم في الفيلا وطلعت وراه ومنزلتش لسه.
_تتصرف وتطلع تخبط عليهم اعمل نفسك بتسأل عن حد في العماره ومتلغبط في الشقه وقولي الوضع ايه.
_تمام ياباشا.
رن جرس الباب ففتح أمجد وهدومه متغيره لابس ترينج بيتي عادي..
_انت مين
_هي مش دي شقة الدكتور منعم
_لا الشقه غلط.
_بتاع الدليفري ده يا أمجد
كان صوت رنا اللي ظهر من جوه..
_لا مش هو.. الشقه غلط يا استاذ.
قفل الباب وسعد نزل وكلم يونس وحكاله.
قولي العنوان بالضبط وخليك عندك.
_العنوان.
رن علي ريم وطلب منها تقابله فقالتله انها لوحدها وحمزه معاها مش هينفع تسيبه...
_خلاص يا ريم هاتيه معانا أجهزي بسرعه ربع ساعه وهكون عندك.
_تمام يايونس هستناك.
وصل يونس قدام الفيلا وهي نزلت ركبت معاه...
_يونس في ايه
_أنت واثقه في أمجد
_طب تعرفي حاجه عن علاقاته
سكتت شويه بعدين ردت_
_قبل السنه دي كان بيوصلي كتير انه بيسهر في ديسكوهات وله علاقات ببنات كتير بس متعدتش الأماكن الي بيسهروا فيها او حتي عزومه عشا مش اكتر من كده.
بصلها باستغراب ورد_
_وده عادي يعني!
_لا مش عادي بس اتكلمت معاه كذا مره ومتغيرش فقلتله اني مستنيه اعرف بس انه علي علاقه بواحده منهم وساعتها هتصرف.
_عشان مبحبش أمجد علاقتي بيه لمجرد انه جوزي لكن علاقتي بيك كانت مختلفه بعدين ماطلع معايا حق في الآخر وطلعت مش علاقه صداقه ولا حاجه.
_احنا قولنا مش هنفتح في القديم دلوقتي..
بصت الناحيه التانيه وقالت_
_أنت اللي فتحت مش أنا.
بعد شويه كانوا وصلوا المكان..
_لسه فوق ياباشا ومن شويه جه راجل بتاع دليفري شكله طلعلهم.
خد حمزه من ايدها وهي بتبصله ومش فاهمه حاجه..
_خلي الولد معاك ياسعد علي ماننزل وخلي بالك منه.
من عنيا ياباشا.
لف لريم وقالها_
_يلا.
خد ايدها وراحوا ناحية العماره وقالوا للبواب أنهم طالعين عيادة دكتور اليافطه بتاعته كانت علي العماره من بره..
وقف والټفت لها_
_جايين عشان تشوفي العلاقه اللي كنتي مستنياها عشان تاخدي موقف.
بصتله بقلق_
_أمجد هنا!
هز راسه بصمت وخدها وركب الاسانسير..
وهي تايهه في افكارها.. هتتصرف ازاي لما تشوفه مع غيرها هتعمل ايه والموضوع هيبقي عادي ولا هتتوجع زي ما اتوجعت في يونس.
وصلوا قدام الشقه ورن يونس الجرس.. فتح أمجد الباب واټصدم لما لاقاهم قدامه..وزقه يونس وهو لسه ماسك ايدها ودخلوا.. شافت رنا قاعده بقميص بيتي علي الكنبه وقدامها علي الطربيذه بقايا اكل ومشروبات... قامت بسرعه تلبس روب القميص وهي بتبصلهم پصدمه..
صډمتها مكانتش اقل من صډمه ريم اللي متخيلتش ان رنا تكون هي البنت اللي مع أمجد فضلت ساكته ثواني بتجمع نفسها سمعت أمجد بيقول بتوتر_
_ريم اا.. أنا هفهمك هو..
_تفهمني ايه
قالتها ريم وهي بتبصله باستحقار...
_قولتلك يا أمجد أنا مستنيه بس اعرف ان علاقاتك اتعدت السهر والمقابلات واهو عرفت ومع مين مع الي عايشه معايا ليل نهار بقالها اكتر من ٣ سنين ها.. من بعد جوازنا بشهر جبتها تعيش معانا... كنت علي علاقه بيها وقتها.. وأنت هو ده ابوكي الي رايحه تزوريه.. بتستغفلوني.. عامله فيها خدامه وأنتي اخر الليل بتكوني معاه! مكنتش اعرف انك رخيصه كده.. أنا مشوفتش في و انتوا ازاي مقرفين كده...
اتكلمت رنا بعصبيه وقالت _
_انا مش رخيصه ومبعملش حاجه غلط.. انا وأمجد متجوزين من سنتين.
_بس يارنا..
قالها أمجد بعصبيه فقالت_
_لا مش بس مش هسيبها تغلط فيا وكأني واحدة من ال ش... وانا مش كده انا مراتك يعني مبعملش حاجه غلط.
ضحكت ريم بسخريه وقالت_
_لا فعلآ مبتعمليش حاجه غلط مش هستغرب ولا هندهش طول عمرك ..يا أمجد وعمرك ما هتتغير... وهي كده وصلت لنهايتها..
لفت لنوح وقالت_
_عاوزه امشي..
قرب منها بعد ما كان واخد مكان بعيد شويه عشان يسبلها المساحه تستوعب
