ابن ليل الجزء الرابع لأميرة أسامة

أبن_ليل
صاحبة_البطل_الواحد
أميره_اسامه
البارت الحادي و الثلاثون 
خرج البنات مع حسن اول ما هيما والشباب طلعوا عشان يجهزوا 
زكريا كان قاعد قدام المحل اتصلت عليه نبيله 
زكريا ايوه يا بلبله
نبيله عامل ايه يا زكريا
زكريا الحمد لله في حاجه ولا ايه
نبيله احيه هو انا مبيجيش من ورايا غير المصاېب ولا ايه يا راجل
زكريا بضحك لا والله مش قصدي ده انتي وش الخير بس مش متعود تتصلي بيا وانا في الدكان خۏفت يكون في حاجه
نبيله لا بعد الشړ مفيش حاجه وحشه بس البنات مشيوا ودعاء فوق في شقتها فا قولت نتصل بيك نسألك قولت لرفاعي علي العزومه ولا لأ

زكريا صراحه لا
نبيله نسيت
زكريا هو انا فعلا نسيت بس كمان عشان مش عارف نقوله ولا لأ
نبيله مش فاهمه انت مش عايز ولا ايه
زكريا مش مسأله مش عايز بس مش حابب نتفهم غلط يا نبيله
نبيله نتفهم غلط في ايه مش فاهمه دي عزومه عاديه ما ياما عزمناهم وعزمونا وبعدين مين اللي هيفهم غلط رفاعي ونجوي
زكريا مش عارف انا بناخد وندي معاكي باللي بيدور في دماغي
نبيله اكيد لا يا زكريا محدش فيهم هيفهم غلط دي عزومه عاديه يعني هما لو عزمونا هنفهمهم غلط 
زكريا اكيد لأ
نبيله طيب يا اخويا وهما كمان اكيد لا بقالنا سنين متجمعناش علي سفره واحده يا زكريا واخيرا اللي بينا راح لحاله ورجعنا زي ما كنا خلينا نتلم ونقعد مع بعض
زكريا يعني انتي شايفه كده 
نبيله اكيد بس لو انت مش عايز يا اخويا بلاش
زكريا لا لا خلاص هنقوم نروح لرفاعي ونعزمه واهو بالمره كرم وبكر معاه عشان منفضلش نقول لواحد واحد
نبيله خلاص وانت لما تقوله ابقي عرفني عشان نكلموا نوجا
زكريا طيب خلاص ماشي
نبيله سلام يا اخويا
زكريا مع السلامه 
قفل زكريا معاها وقام رفع الجلباب علي كتفه ومسك العصايه بتاعته في ايده وقرب من رفاعي وكرم وبكر كانوا واقفين بره مع بعض
زكريا سلام عليكم
رفاعي تعالي يا زكريا
كرم بكر عليكم السلام يا معلم
رفاعي تعالي اقعد
زكريا قعد زكريا جنب رفاعي وبصله
انا مش جاي نقعد انا جاي نسأل فاضيين امته
رفاعي احنا فاضيين علي طول بس اشمعني
زكريا جاي نعزمكم
رفاعي بضحك ايه ناوي تتجوز تاني
كرم لا كله إلا بلبله
زكريا بضحك ابوك عايز يخلص مني شكله يا راجل عيب عليك هو انا صغير
بكر احيه يعني لو مش صغير كنت عملتها يا معلم لا بنقولك ايه يا كرم كلم بلبله
كرم ودي عايزه كلام وادي الموبايل
زكريا بضحك شايف الناقص منه له بيبيعوني في لحظه 
كرم معلش يا معلم بس دي بلبله بردوا
رفاعي لبستك انا 
زكريا هو انا الاقي زي بلبله بردوا دي عشره العمر الجميل
بكر لا متحاولش خلاص كلمه الحق طلعت اتصل يا كرم متضيعش وقت 
زكريا طب بلاش انت يا بكر دي مها ما هتصدق تسمع عنك حاجه و انت عارف الباقي بقي
بكر لا والنبي بلاش مها
كرم معندكش مبدأ خالص كده
بكر قالك مها يا جدع مسمعتش ولا ايه
كرم ماشي يا جبان
رفاعي سيبكم من العيال دي دول ما بيصدقوا مصېبه خليك معايا انا هتعزمنا علي ايه
زكريا عايزين نتغدوا سوا ونتجمع كلنا علي سفره واحده زي زمان نبيله بتقول بعد بكره عشان يوم اجازتنا بس لو مش مناسب ليكم حددوا انتوا اليوم قولتوا ايه 
رفاعي يا سلام انا معنديش مانع طبعا بس نقول لنجوي ونشوف ظروفها
زكريا لا سيبها علي نبيله هي هتتصل بيها
رفاعي انا عموما جاهز
زكريا وانت يا بكر
بكر بأبتسامه انا تمام اكيد
زكريا ايه يا كرم عندك حاجه ولا تمام
كرم لو الكل تمام ماشي زي ما تشوفوا
زكريا طيب خلاص يبقي بعد بكره ان شاء الله نتجمعوا كلنا عندي 
رفاعي علي خير بأذن الله 
بعد شويه عرفت نبيله انهم وافقوا وبسرعه كلمت نجوي 
نبيله ايووووه عليكي وليه ما تقولي تحبوا تاكلوا ايه
نجوي والنبي كل اللي يجي منك حلو يا بلبله وبعدين اعملي السمك اللي قولتي عليه انا بنحبه من ايدك من زمان وانتي عارفه
نبيله خلاص تبقي اكلة سمك تحلفوا بيها
مها من بعيد قوليلها تعمل الشوربه 
نبيله سمعاكي يا طفسه عيني هعملك احلي شوربه واهو بالمره ندوقها لعيال دره عشان كانوا بيقولوا بتاعت دره حلوه
مها لا دره ايه وبتاع ايه انتي تكسبي يا بلبله
نبيله جدعه يابت اصيله طمرت فيكي التربيه 
مها حبيبتي يا بلبله
نبيله خلاص يا نجوي هنستناكوا بعد بكره
نجوي خلاص يا اختي ان شاء الله ادام الكل موافق اكيد موافقه وانا ورايا ايه 
نزل هيما والشباب علي تحت
راح هيما علي عربيته وبص علي محل زكريا 
هيما ولا يا حمووو صحيح هو الولا حسن فين وليه مش جاي معانا
محمد حسن قال انه مش هيقدر عنده كذا مشوار وهو اصلا مش موجود
شكله في المزرعه
هيما طيب ما تكلمه كده يمكن غير رأيه 
احمد هو قالي لو خلص بدري هيجي هيكلمنا لما يخلص ويعرف احنا فين ويجي 
محمد خلاص يلا احنا وهو لو خلص هنعرفوا احنا فين ويجي هو
هيما طيب تمام يلا بينا 
عند حسن والبنات وصلوا المكان وكل حاجه كانت جاهزه المكان متظبط والدكورات اللي معموله تجنن بلالين كتير وركن علي جنب للتصوير مكتوب عليه اسم هيما ومليان ورد وشكله جميل اوي 
دارين كانت واقفه تصور ديما ودانه 
وسماح كانت قاعده جنب حسن كانت بتتصور مع البنات الاول وبعدين قعدت رغم ابتسامتها وكلامها وهزارها بس حسن كان حاسس انها مش مظبوطه
قرب حسن منها 
حسن مالك يا سماح انتي كويسه
سماح بابتسامه كويسه يا ابو علي
حسن حاسس ان فيكي حاجه
بصت سماح علي البحر

________________________________________
من الازاز جنبها واتنهدت وبعدين بصتله وابتسمت ابتسامه بسيطه انا كويسه صدقني
حسن اهو بعد التنهيده دي كلها مستحيل نصدقوكي 
ضحكت سماح وبصتله بحب وهي ايدها تحت دقنها
سماح هي التنهيده سبب للزعل
حسن مش ديما بس التنهيده بتاعتك دي بتأكد كلامي مالك يا بت اعترفي
سماح بهدوء بصت علي الكوبايه بتاعت المايه ومسكتها فضلت تدور فيها سونه يا حسن
حسن مالها 
سماح من يوم ما عرفت ان كرم راح وراء دره وهي مش مظبوطه يا في اوضتها وقافله علي روحها يا قعده قدام التلفزيون ومش معاه يا واقفه في المطبخ ومسهمه
حسن مضايقه يعني عشان كرم راح وراها
سماح ده اللي حسيته وفهمته يا حسن هي من يومها وهي مش طبيعيه وديما حزينه بقالها يومين لا نزلت من البيت ولت حتي وقفت في البلكونه زي ما بتعمل سونه اللي كانت ديما مهتمه بنفسها حتي الروچ مش بتمسكه
حسن انا مبنحبش نتكلم في الحوار ده معاكي عشان اول ما بنفتح بوقي بتهبي فيا زي بابور الجاز بس من غير زعل و رزقي علي الله
سماح بضحك لا قول مش هنهب فيك
حسن سونه غلطانه يا سماح معلقه نفسها بكرم وهي مش في دماغه مش عشان هي وحشه لا سمح الله بس هو لو كان عايز يفتح قلبه كان فتحه من زمان وبعيدا بقي عن رجوع دره وظهورها من تاني كرم كان قدام سونه بقاله عشرين سنه وهي كمان قدامه لو كان حس بحاجه من ناحيتها كان قرب منها وحتي سونه لو كانت قدرت تميل قلبه كان زمان كرم معاها بس لا هي عرفت ولا هو عرف يعني دره ملهاش دعوه بأي حاجه وكون ان كرم يروح وراها مش معناها ان في حاجه بينهم ده كان مجرد موقف وهو اتدخل
سماح عارفه يا حسن إن دره ملهاش علاقه بأي حاجه وانا قولت الكلام ده لسونه بس هي مش مقتنعه و صعبانه عليا امي تعبانه اوي يا حسن
حسن امك اللي تاعبه روحها يا سماح وبعدين مين قالك انها مش مقتنعه امك عارفه كويس اوي انها سواء دره موجوده او بعيده عمرها ما هتكون في قلب كرم وده اللي تاعبها انها مقدرتش طول السنين دي تدخل قلبه
سماح طب هنعملوا ايه يا حسن هنخلي الراجل يحبها بالعافيه ولا هنروحوا نبوسوا علي ايده ونقوله أدي لامي فرصه 
حسن لا ده ولا ده يا سماح
سماح طب نعملوا ايه يا حسن انا تعبت بجد من ناحيه صعبانه عليا وموجوعه عليها لاني جربت الحب ومن ناحيه تانيه مضايقه منها عشان عامله في روحها كده
حسن بصي يا سماح كل اللي مطلوب منك تفضلي جنبها متسبيهاش ومهما كان اللي بتعمله في روحها هي اكيد مش غاويه ۏجع قلب ودي حاجه ڠصب عنها حاولي تتكلمي معاها اكتر وتقربي منها
سماح اكتر من كده يا حسن ده انا بقالي كتير بنتكلموا معاها في نفس الموضوع احنا تقريبا مفيش بينا اي كلام غير عن كرم واللي تاعبني اكتر يا حسن اني انا اللي بنقعد نتكلموا معاها وننصحوها علي قد ما ببقي فرحانه انها بتسمعلي علي قد ما بنبقي مكسوفه و انا قاعده قدام امي و بننصحوها كأنها عيله صغيره اوقات بنحس ان انا اللي امها مش العكس
حسن وايه اللي يضايقك من كده دي علاقه حلوه علي فكره وبعدين ايه اللي يكسف قدام هي قابله منك النصيحه
سماح بنستعيبها يا حسن بنستعيب اني نقفوا قدام امي ونقولولها انتي غلط 
اكيد علاقه حلوه ان الام تحس بنتها زي امها
وان البنت تحس ان امها بنتها بس صعبه اقول لامي انتي غلط وانتي صح
اه هي بتتقبل مني الكلام بس بتصعب عليا وانا بقسي عليها بكلامي
حسن لو هي مضايقه وشيفاكي قاسيه معاها عمرها ما هتيجي تتكلم معاكي وتفتحلك قلبها 
سماح عارفه يا حسن انا بنقولك بس علي اللي بنحسه المشكله اني مجبره اتملم معلها وانصحها عشان امي ملهاش غيري ولما تسمع مني انا الكلام اللي بنقوله ليها احسن ما تسمعه من غيري وتتوجع اكتر 
حسن ماهو عشان كده بنقولك متبطليش تتكلمي معاها وخليكي ديما جنبها
سماح انا معنديش حل غير كده للاسف
حسن متقلقيش عليها يا سماح سونه جدعه وبميت راجل واكيد هتعدي كل الۏجع ده وترجع احسن من الاول
سماح يارب يا حسن اتمني اشوفها كويسه وفي احسن حال
حسن ان شاء الله يا قلبي فكي بقي وروقي شويه ما تيجي نتصور مع البنات
سماح احيه عليك انت كمان ما احنا لسه متصورين ايه الفرهده وفرط الحركه ده مبتتعبش انت وبنات عمتك
حسن بضحك بحب مسنه يا ناس انا شاكك في سنك يا بت وريني بطاقتك
سماح بضحك انا صغيره بس ميمنعش اكون مسنه برددوا انا حطوني علي كرسي واعملوا اللي عايزينه بعيد عني
حسن اه اخرك تسقفي
سماح وده بردوا علي حسب
رن موبايل حسن في الوقت ده وقفل علي طول
حسن ده الولا محمد شكلهم وصلوا
سماح