ابن ليل الجزء الرابع لأميرة أسامة

بجد يا بناااااات يا بناااات هيما وصل بره
حسن تعالوا انتوا هنا بقي كده عشان نفجأه راح بسرعه للديچي الموجود في الكافيه وعرفه يجهز و الويترات اللي في المكان جهزوا التورته بسرعه والشموع
فضلوا واقفين

________________________________________
مترقبين دخولهم اكتر من خمس دقايق 
دانه بضحك هما رجعوا في كلامهم ولا ايه
سماح هما فين صحيح
حسن اكيد بيشوف ركنه حلوه للعربيه انتي عارفه هيما بيحافظ علي كرامت عربيته اوي
حسن احيييه علي هيما وعربيته ده انا بشوفه من البلكونه قيل ما يركبها يفضل يلف ويدور حواليها كأنه بيكشف عليها
هيما ده بيبقي هاين عليه يقلعنا الجزم في العربيه
دارين ايوه انا بحس انه متوتر وهو راكبها مع ان سواقته حلوه
حسن بضحك ملهاش علاقه بالسواقه ده مرض بعيد عنك عنده وسواس قهري ده لو عيل صغير سند عليها بحس انه عايز يفجره
سماح فاكر 
حسن البصمااااااات والعربيه
ديما بصمات ايه
وفجأه لمحوهم داخلين عليهم من باب الكافيه واول ما دخلوا اتفاجئ هيما من الالعاب اللي فرقعت سماح ودانه و ديما كانوا ماسكينها والاغاني اتشغلت والشموع زينت التورته
ابتسم هيما پصدمه وفرح جدا بالمفجأه ومعرفش يقول اي كلمه كل اللي كان بيعمله كان بيضحك 
بدأوا يغنوا مع الاغنيه وهو يبصلهم ويضحك
هيما طب ده ينفع حد يخض حد كده
قربوا منه وسلموا عليه وهنوه
حسن كل سنه وانت طيب يا هيمااااا عقبال مېت سنه
هيما ايه الشغل ده بقي ينفع كده
حسن ايه رايك في المفجأه
هيما بص لمحمد واحمد كنتوا عارفين هاااا طيب حلو الشغل ده اوي 
احمد اي خدمه يا عم ماتنساش بقي تردهالي في عيد ميلادي 
هيما ايه الواد ده
محمد واطي صح
هيما اوي
سماح كل سنه وانت طيب يا هيما عقبال مليون سنه
هيما وانتي طيبه يا سماح 
دانه هابي بيرث داي يا هيما
ديما هابي بيرث داي هيمااا
هيما شكرا يا بنات والله فاجئتوني بجد 
دارين بأبتسامه بسيطه وإحراج هابي بيرث داي يا هيما عقبال مېت سنه
هيما وانتي طيبه يا دارين 
حسن بس متنكرش اتفاجئت صح
هيما اتفاجئت واتبسطت والله ولثواني كده عقلي وقف لان المشكله اني ناسي اصلا ان انهارده عيد ميلادي وقفت شويه افتكر انهارده ايه
سماح بذمتك حد ينسي عيد ميلاده
هيما والله نسيت يا سماح انا عارف انه الشهر ده بس مش مركز في اليوم اوي 
محمد اي خدمه يا عم انت ناسي بس احنا فاكرين عد الجمايل بقي
هيما جمايلكم مغرقاني ياولا
هيما بحب وانت طيب يا قلب يا اخوك
احمد عقبال مېت سنه يا خالص
هيما مابلاش خال دي الوقت
احمد طب خلاص
حسن ايه رأيك في التورته والتجهيزات صارفين و مكلفين احنا
هيما لا الله ينور الصرف باين انت عارف انا اتفاجئت اكتر لما شوفتك عشان لما نزلنا سألتهم عليك قالولي في شغل
حسن ماهو ده بقي الشغل نغفلوك عشان المفجأه تبقي حلوه
هيما وهي فعلا حلوه بجد مش عارف اقولك ايه كلكم تعبتكم معايا
سماح ولا تعب ولا حاجه وبعدين هتردها متقلقش مش هتخلع
هيما بضحك ماديه حقيره البت دي 
حسن تربيتي يا جدع
هيما بابتسامه طب ايه مش هنقعد ولا ايه
حسن يلا تعالي وشوف الهدايا
هيما كمان هدايا
حسن مش بنقولك صارفين وكلفين
احمد علي فكره احنا منعنا الكل يجيبلك سيره عشان ميبوظوش المفجأه
هيما طب والله كنت لسه هقولك ان ما حد افتكرني
محمد لا حرام والله كلهم فاكرين بس قولنا نقفشهم
عشان لو قالولك كنت هتعرف اننا عايزين نخرج انهارده بالذات عشان كده وكنت هتفهم والمفجأه تبوظ
هيما خلاص براءه هما كده 
احمد اه براءه ده ابويا راح المشاوير دي بالذات بدالك عشان توافق تخرج
هيما بكر ده حبيبي والله 
قطعوا التورته و احتفلوا مع بعض واتصوروا كتير
قرب هيما من دارين وهو مبتسم ورافع حاجبه
هيما بتشتركي معاهم وبتخبي
دارين بأبتسامه خجوله عشان المجأه مش تبوظ وتبقي مبسوط
هيما بأبتسامه انا حقيقي مبسوط مش بس عشان المفجأه ولا عشان العيد ميلاد بس مبسوط اكتر عشان المرادي عيد ميلادي مميز وانتوا موجودين معايا
دارين المهم انك تكون مبسوط
هيما اكيد مبسوط
دارين الهديه عجبتك
هيما بعيدا عن ريحه البرفيوم اللي تجنن بس انتي ازاي عرفتي اني بحب الرفانات
دارين سألت وعرفت
هيما امممم غشيتي يعني
دارين بضحك طبعا ماهو مينفعش اجيبلك حاجه متعجبكش
هيما والله اي حاجه هتجيبيها هتعجبني ولو مجبتيش خالص اكيد هكون مبسوط انك موجوده بس عموما اكيد البرفيوم عجبني ريحته مميزه
دارين انا اختارته علي زوقي حسيت انه هيمشي معاك
هيما ومن انهارده هيكون البرفيوم الخاص بتاعي
التسمت دارين ووشها احمر وبعدت عينها عنه
هيما اوباااا احنا بنتكسف بقي وكده
دارين هيمااا
هيما يا نعم
دارين هقوم من جنبك علي فكره
هيما هاجي وراكي
دارين بضحكه هاديه انت مصمم بقي تحرجني صح
هيما انا ده انا حتي طيب وبعدين انا انهارده عيد ميلادي واعمل اللي انا عايزه
دارين لو علي كده ماشي حقك
هيما يعني اعمل اللي انا عايزه
دارين ااا ايه هو بقي
هيما والله انا بسأل اعمل اللي انا عايزه يا تقولي اه يا تقولي لأ
دارين بضحك طيب مش لما اعرف ايه هو الاول
هيما وافقي وانتي تعرفي او ارفضي وهسكت
دارين بأبتسامه امممم طيب موافقه
هيما بأبتسامه اول حاجه عايز رقمك
دارين بصتله باستغراب وبعدين سكتت ثواني هو انت مش معاك رقمي اصلا ماهو مع احمد ومحمد
هيما والله انتي مدتهوليش وبعدين ليه هو انتي معاكي رقمي 
دارين اه معايا
هيما وليه مكلمتنيش ولا مره عليه ادام معاكي 
دارين بإربتاك ااا لا بس يعني
هيما اممم ماشي هنبقي نشوفوا الموضوع ده بعدين المهم عايز رقمك
دارين برخامه ابقي خدوا من احمد ولا محمد
هيما والله طيب حلو اوي الكلام ده
دارين بضحك خلاص هديهولك انا احسن
هيما ايوه كده 
دارين طيب طلباتك طلعت سهله اهي
هيما شوفتي بقي اني طيب
دارين شوفت
هيما طب ايه لسه في طلبات
دارين لا خلاص انت ليك طلب واحد عشان عيد ميلادك وطلبته
هيما لا بنقولك ايه مش عاوين ڼصب انا تميت 28 سنه يعني ليا 28 طلب
دارين نعم انت ناوي تطلب 28 طلب
هيما حقي مش عيد ميلادي
دارين طيب ايه ناوي تطلبهم كلهم

________________________________________
مني ولا هتطلب منهم كمان
هيما لا ملكيش دعوه بيهم كل واحد فيهم هيعملي 28 طلب 
دارين وبتقول عليا انا نصابه 
هيما والله الواحد عيد ميلاده مش بيجي كل يوم ده يوم واحد في السنه ولازم نستغله
دارين يعني معني كده انك هتطلب مني 28 طلب كويس ادي اول طلب خلصنا منه فاضلك 27 قولهم بقي وراء بعض عشان اشوف لو هقدر انفذهم
هيما لا هو مبدأيا كده انتي ادام وافقتي من الاول اني نقول فا معندكيش فرصه ترفضي اي طلب
دارين يعني اي طلب هيكون اجباري
هيما بالظبط
دارين ولو رفضت 
هيما والله وقتها يحقلي احكم عليكي حكم
دارين حكم لا انت كده نصاب فعلا
هيما مليش فيه انتي وافقتي من البدايه
دارين طيب ربنا يستر قول طلباتك
هيما ماشي بس انا مش هقول 28 كلهم يعني كفايه عليكي اتنين انهارده وعلي حسب يمكن واحنا قاعدين كده اطلب واحد زياده
دارين كمان بتقسمهم
هيما انا حر ان شالله اطلب اخر طلب قبل عيد ميلادي الجاي بساعه
دارين لا انت كده مطول بقي
هيما اي خدمه طلباتي بالتقسيط المريح
دارين بصراحه خدمه حلوه اوي طب يلا اطلب الطلب التاني 
ابتسم هيما وفضل باصصلها ابتسمت دارين بإحراج وبصتله
دارين ايه يلا
رجع هيما ضهره علي الكرسي وحط ايده علي رجله وفتح كف ايده وبصلها
بصت دارين علي ايده پصدمه وبعدين بصتله وهي خدها احمر ومبتسمه
ابتسم هيما ورفع كتفه بمعني مليش دعوه ده طلبي 
ضحكت دارين وخبت وشها
هيما بصوت هامس يلا نفذي 
بصتله دارين بجنب وشها وهي ھتموت من الكسوف
دارين اكيد اللي فهمته مش صح مش كده
هيما بضحكه جميله لا انتي ذكيه واللي فهمتيه صح
دارين هيما متهرجش مش هينفع
هيما والله ليكي حريه الاختيار وحقك ترفضي وانا حقي اختار اول عقاپ
دارين طيب ايه العقاپ
هيما ضحك وغمزلها هرفع ايدي وهحطها علي التربيزه وبردوا هتنفذي
دارين انت بتهرج والله يعني انا مش موافقه وهي تحت هوافق وهي فوق قدامهم
هيما مانا سيبتها تحت عشانك بس عادي انا ممكن امسكها قدام الكل
دارين بضحك علي فكره انا لا هنفذ وايدك فوق ولا تحت وهقوم من جنبك خالص واقولك مش هديلك رقمي
هيما براحتك بس متزعليش من العقاپ
التاني
دارين بضحك وده ايه ده كمان
هيما لا خليه مفجأه بقي بس ملناش في الزعل
دارين سكتت وبصتله وهي هتعيط وبعدين ابتسمت يا هيما بقي
هيما عارفه انا لو مكانك
دارين هتعمل ايه
هيما هنفذ واخلص من الرخم اللي قاعد يزن ده
دارين يعني انت معترف انك رخم وزنان
هيما طبعا متصالح مع نفسي انا صح
دارين بصراحه اوي 
هيما بضحك دارين
هزت راسها بلأ من غير ما تبصله
هيما طيب بصيلي طيب
هزت راسها تاني بلأ
ضحك هيما عليها وبعدين ساب ايدها بهدوء
بصتله دارين بطرف عينها
هيما عشان تعرفي اني طيب بس
دارين بصوت واطي ابتسمت انت شرير يا هيما مش طيب خالص
هيما ليه بس خلي انتي عيد ميلادك يجي وليكي عليا هنفذلك اي طلب هتطلبيه
دارين مش هطلب منك حاجه علي فكره انا مش شرير زيك وعلي فكره مش هنفذلك باقي طلباتك
هيما هنشوف 
دارين بابتسامه اكيد هنشوف
وصلت دره قدام المارينا اللي عليها ابن ليل ركنت ونزلت عربيه كرم كانت قدامها بصت من فوق لمحت اللانش منور نزلت السلالم بهدوء ومشيت لحد ما وصلت قدام اللانش كان واقف يشرب سېجاره 
دره ايه ناوي تيجي تمسكني ولا أخدها من قاصرها ونمشي
بص كرم وراه وابتسم بحب
كرم بټهدديني يا بت الجمال
دره مش بنهددك بس مش معقول كل شويه نقع في المايه مش شغلانه هي
كرم بضحك لا وعلي ايه المايه الوقت كمان ساقعه مش هتهوني عليا
دره بأبتسامه طب تعالي خد ايدي
كرم بضحك هاتي يا حاجه 
دره ضړبته علي كتفه حاجه في عينك شايفني ماسكه عكاز
كرم انتي تطولي يا شبر ونص تحجي
دره لا طبعا بس انت بتقولها بتريقه يا رخم
كرم ما انتي اللي بتقولي خد ايدي فكرتيني بأمي وهي بتقوم
دره بتتريق كمان علي نوجا هنقولها
كرم بقيتي فتانه اوي
دره عاجبك ولا لا
كرم عاجبني يا ستي هتفضلي واقفه كده ما تدخلي
دره علي اساس هعدي من جنب نمله ما انت سادد عليا المكان وسع كده
زقته من كتفه ودخلت
كرم الله الله الله جرالك ايه داخله خڼاقه 
دره حرام عليك مش قادره نقف علي رجلي
كرم ليه كنتي بتقفي علي أيدك في امريكا
دره لا كنا بنقفوا علي رجلي بردوا يا رخم بس بصراحه الشغل هنا اكتر انا مش بلاحق كل ما ادخل ارتاح الاقيهم جايين يجروا وينادوا عليا خد بالك انا اديني اسبوع كمان في المستشفي وهختفي
كرم بضحك اكتر من كده يا شبر ونص 
دره ضحكت اه بعد كده هتضطروا تشتروا تليسكوب عشان تلاقوني
كرم طب ايه جاهزه