حبيبة عبد الرحمن لسلوى فاضل الجزء الثاني

من ده .
محمود ربنا يهديها أنا همشي بقي .
رحل محمود وظل عبد الرحمن مع احزانه وذكرياته وبعد فترة لا يعلم طويلة كانت ام قصيرة بدل ملابسه ثم عاد الي والدته فوجدها جالسة بأنت ظاره بتوتر وقلق.
حافظة أيه كل التاخير ده يا ابني قلقتني عليك .
عبد الرحمن خير يا امي أنا كويس ماما أنا هرجع بيتي تاني من بكرة.
حافظة ليه يا ابني هو أنا زعلتك في حاجة لو عشان كنت عايزة اروح لحبيبة فخلاص هسمع كلامك ومش رايحة أنا مش هعمل حاجة تضايقك تاني والله .
تحدث بصوت خالي من الحياة أو الامل بدأ حديثه وهو واقف امام الباب ثم بدأ بالتحرك نحو غرفته 
عبد الرحمن لا يا امي ربنا ما يجبش زعل أنا بس كده هكون مرتاح اكتر وهاجي لك كل يوم أو يومين بالكتير اطمن عليك .
ردت پانكسار اللي تشوفه في صالحك اعمله يا حبيبي ربنا يريح بالك ويرد مراتك وبنتك لحضنك .
بتلك اللحظة كاد ان دخل للغرفة فتوقف محله واغمض عينه بالم ثم تمالك نفسه ودخل غرفته بدل ملابسه و عاد لتفكيره وبحر ذكراته .
لم يكن عبد الرحمن هو الوحيد من يغوص في بحر ذكرياته فكانت حسناء طوال الوقت غارقة بها ايضا كلما اختلت بنفسها عادت وتذكرت ما مرت به في الماضي القريب والذي مر عليها وكانه اعوام بالرغم من انه لا يتعدي العامان فقط . فبعد ان استلقت بجانب الصغير انس وتاكدت انه غاص في نوم هادئ نهضت من جانبه بهدوء شديد كي لا توقظه رتبت المنزل ثم دخلت لغرفة الابناء ووقفت امام صورة جمعتها هي ووالدتها بسلمي ببطنها المنتفخة اثناء حملها بابنتها موضوعة على منضدة الزينة بالغرفة وتذكرت احدى احاديثها معها بتلك المرة كانت جالسة معها بالصالة وتحدثت معها بفضول .
حسناء يعني حماتك كانت كويسة معاكي ولا زي اللي بنشوفهم في التليفزيون وبنسمع عنهم وكانت مطلعة عينك .
سلمي أنا نفسي افهم دماغك دي ازاي يا حسناء بقولك ان عادل اتجوزني شهامة وعشان يحميني من كلام الناس وهي امه فاكيد واخد اخلاقه وطباعه منها .
حسناء أنا بحب التفاصيل احكي يا سلمي ما تختصريش .
ضحكت بخفة حاضر يا سيتي احنا طبعا لما اتجوزنا حماتي كانت شايلاني جوة عنيها وكانت بتدعي ليل نهار انه يحبني ونتهني مع بعض ودايما توصيه عليا وتقولي بالحنية هيلين ويوم ورا يوم والحال هو الحال والحقيقة كانت ونعم الام دايما في صفي ما كانت ش بتخليني اشيل حاجة ولا اقف اساعدها ولا أي حاجة .
حسناء طيب ما جاتش معاكم ليه ولا مرة كلمتكم ولا جت ولا روحتوا لها .
سلمي يخربيت الفضول لو صبرتي ثانيتين كان زماني قولت لك من غير ما تسألي يا سيتي حماتي الله يرحمها وقبل ما تسالي هي كانت صحتها كويسة والحمد لله سافرت عمره كانت دايما تدعي ربنا يقبض روحها على طاعة و في بيته الحړام وكأن ربنا استجاب دعوتها و اراد تحقيقها وهي هناك وبعد ما تمت العمره وجوة الحرم كلمتنا من هناك ودعتنا وقفلت تاني يوم الصبح الشركة اللي طلعت معاها كلمتنا وبلغتنا خبر ۏفاتها واتدفنت هناك ظهر الحزن على معالها جليا يومها عادل انهار كانت أول مرة اشوفه كده بكي كأنه طفل صغير حالته كانت وحشه قوي وفضل كده فترة .
حسناء على وجهها علامات الاهتمام والشغف لمعرفة ما حدث هاه وبعدين عملتوا أيه قربتوا وحبك وكده صح صح 
سلمي حسناء ربنا يكرمك أنا حامل وتعبانة مش قادرة بقولك لحد النهاردة ما حبنيش بيتعامل معايا بما يرضي الله ومراعي فيا ربنا بس ما حبنيش ازاي بقي حبني ساعتها .
ردت بحرج مضحك اه صحيح بس ده معندوش ډم خالص .
سلمي حسناء اتلمي ما تتكلميش عنه كده على

العموم ملايكته حاضرة وردت عنه .
حسناء الحب وسنينه يا بخته يا سيتي عقبالي يا رب .
سلمي عقبالك أيه لا يارب نصيبك يحبك وتحبيه ما يبقاش زيي من طرف واحد لانه صعب بزيادة صعب لدرجة المۏت .
عادت حسناء من ذكرياتها وهي تغلق عينها وتمتم بخفوت 
حسناء الله يرحمك يا سلمي ويحسن اليكي سيبتي لي احلي تلات هدايا أنت عارفة سلمي بنتك حته منك وشكلها كده واخد قلبك الطيب الله يرحمك يا حبيبتي وحشتيني قوى قوى .
عادت واكملت ترتيب المنزل حتى استيقظ الاطفال وبدأت فترة مرحها اليومي معهم والذي ينسيها المها ويفصلها عن العالم كله . مر الوقت وصعدت اليهم والدتها لتجلس معهم كعادتها كل يوم بمثل هذا الوقت تبادلوا الاحاديث و ساد جو جميل وبعد فترة اعتذرت حسناء من والدتها لترتاح قليلا قبل عودة عادل من عمله دخلت حسناء غرفتها وعادت وحاوطتها ذكرياتها مرة اخرى فذهبت بها ليوم زفافها على عادل.
بحر الذكريات
بيوم زفافها على عادل شعرت باحاسيس كثيرة مختلطة بهجة فرحة سعادة الم جراح و حمل ثقيل على كتفها سر ېقتلها ويشقها نصفين تريد مقاسمته مع عادل تخشي ان تحدثه بما بداخلها يحتقرها أو ينفر منها . اما عادل فكان يشعر كمن لمس السماء بكفه لا يشعر سوي بالسعادة فأخيرا امتلك من هواها وملكت مقاليد قلبه وعقله سكنت تفكيره بلا حول له ولا قوة . بداخل غرفتهما والته ظهرها اخفضت رأسها وفركت اصابعها بتوتر تفكر بتشويش شديد تجهل ما عليها فعله أو قوله . فاقترب منها عادل ووضع كفيه على كفتيها بحب وادارها اليه ثم وضع أناملة اسفل وجهها ورفعه بلطف ابتسم بحب وحنان ونظر بتمعن لها .
عادل مالك يا حبيبتي متوترة كده ليه ما تخافيش مني .
نظرت اليه وهي على حالتها والتوتر ېقتلها 
عادل أنا نفسي في حاجة لو عملتها هرتاح ويمكن ان كمان توترك يقل ممكن .
حاولت رسم ابتسامة على وجهها أظهرت معها فرط توترها وقلقها فمسد على وجهها بحنان ونظر اليها بابتسامة 
عادل بقيتي احسن
أومأت له موافقة ثم جلست وتحدثت بصوت مكتوم لا يريد الخروج .
حسناء أنا محتاجة اتكلم معاك في حاجة كان صعب اتكلم فيها قبل كده.
جلس قبالتها وعلي وجهه نفس الابتسامة الصافية المحبة
عادل قولي كل اللي عايزة تقوليه أنا عايز افضل اسمع صوتك على طول .
تحدثت بصوت متحشرج مخټنق من الدموع التي خرجت من حپسها واصبحت تتزايد تزامنا مع حروفها وكلماتها .
حسناء أنا .. أنا محتاجة اتكلم محتاجة اخرج كلام جوايا عجزت اني اقوله لأي حد حتى امي ما قدرتش حتى أواجه نفسي به بس مش قادرة محتاجة اخرجه عارفة ان النهاردة مش وقته بس أنا تعبانة قوي .
اقترب منها باهتمام وقلق عليهاقولي يا حبيبتي كل اللي تعبك أنا معاكي اتحمل عنك أي ۏجع أوعدك عمرك ما هتندمي انك فتحتي لي قلبك .
نظرت اليه بتمني ان يبقي هكذا بعد ان تفرج عما حبسته بداخلها تساقطت دموعها وبدأت تقص عليه كل ما جال بداخلها بعد زواجها الأول كل شئ كل احساس شعرت به كان ينظر اليها پصدمة وذهول لا يصدق ما تروي ما علمه الفترة السابقة اقل بكثير من الصراع الذي دار داخلها . تركها تخرج كل ما بداخلها تخرج المهما عڈابها و دموعها التي طالما حبستها وبعد ان انتهت نظر اليها باعتذار
حسناء أنا عارفة انك دلوقتي اكيد خاېف وقلقان مني وبتقول اكيد هتعمل معايا كده
عادل أنا اسف اني عملت فيكي كده. عمرى ما افكر فيكي وحش . ليه اتحملتي كل كده أنت مش خاينه يا حسناء احنا كلنا ظلمناكي و للاسف أنت استسلمتي لظلمك أنا حبيتك يا حسناء من زمان من أول مرة لما ساعدينتي ووقفتي جنب سلمي وروحتي جبتي لها الدكتورة من نظرات الاتهام من أول معرفتنا لما شوفتك مرة ضعيفة وعرفت بحكاية مديرك اټجننت وما هديتش غير لما بعدته عن طريقك سلمي حست بيا وساعديتني أوصل لك.
صدمت مما سمعت سلمي هل تعلم انه يحبها أو انها احبته كيف رأى صډمتها فاكمل.
عادل كانت بتفهمني أنا عارف انها حبتني أنا حاولت ابادلها الحب بس ما عرفتش القلوب مش بايدينا يا حسناء أنا اكيد ما قولتلهاش حاجة اكيد مش عايز اعذبها بس هي فهمتني وساعدتني أوصل لقلبك خلتك تفتحي بيبان قلبك ليا حكت لك عني واتكلمتوا أنا متاكد انها حكت لك اتجوزنا ازاى

أنت عملت اللي هي عايزاه هي قربتك منها عشان تقربك مني ومن حياتي وأنا والله يا حبيبتي ما بعدتش غير عشانك كنت خاېف اكون أناني واظلمك ما اعرفش اني باللي عملته ظلمتك ظلم مالوش اخر وجعت قلبك سلمتك بايدي للڼار انكويتي بها لوحدك مهما اعتذرت وحاولت اكفر عمرى ما اكفر عن غلطي ده حقك عليا وعلي قلبي أنت ما تستهليش الۏجع أنت تستاهلي الحب والامان والراحة أنت وطني يا حسناء عمرى الجاي أوعدك اطمنك واحميكي من الۏجع واحبك طول عمرى وكل يوم احبك اكتر من اليوم اللي قبله .
تحدثت پبكاء و واستفهام يعني لسه شايفني كويسة مش بتحتقرني مش...
قاطعها وضمھا اليه مرة اخري شايفة ملكة على عرش قلبي شايفك الحلو اللي هيضيع مرارة الأيام شايفك مراتي وام أولادي شايفك امي وحبيبتي وحياتي كلها.
تشبثت بملابسه تنساب دموعها بفرحة أخيرا وجدت سكنها ومخبأها من مر الأيام .
افاقت من بحر ذكرياتها على كف عادل الموضوع على كتفها التفتت اليه فجذبها اليه وتحدث باحتواء.
عادل حبيبتي بطلي تعيدي اللي فات وخليكي متاكدة ان لولا الۏجع ما كناش حسينا بحلاوة الفرح اللي فات بكل الصعب اللي فيه كان خطوة عشان نوصل للراحة والسعادة اللي احنا فيها دلوقتي .
اجابته بحب ربنا يخليك ليا يار ب ويقدرني اني اسعدك .
عادل اكتر من كده ابقي طماع قوي وممكن قلبي ما يستحملش السعادة دى كلها ويتعب.
حسناء الف بعد الشړ عنك يا حبيبي.
اجاب بمشاكسة طيب حبيبك ھيموت من الجوع يرضيكي
حسناء لأ طبعا من عيوني على ما تغير اكون جهزت الاكل .
عادل طاب ما تجيبي تصبيرة صغننة كدة أحلي بها وبعدين اكل.
حسناء غير هدومك يا عادل وحصلني .
عادل حاضر .
عادل بصراحة كنت عايز أحلي اصلي تعبت جامد النهاردة.
السعادة أقل ما يقال عن احساسها بالرغم من انها لم تخرج مما حدث لها بشكل كلي ولازالت تؤلمها ذكراتها الا انها تعيش سعادة حقيقية تغمرها العديد من الاحاسيس الجميلة تشكر الله ليلا ونهارا على عطاءه وتعويضه لها بتلك الحياة
وهكذا بدأت حسناء حياة جديدة حقيقية سعدت بها كما سعد كافة اطرافها اقسم بها زوجها المحب عادل ان ينسيها مرارة ما عاشت ويذيقها من بحر حبه وفيض حنانه الكثير