دفعت الثمن الجزء الثاني بقلم صفاء
ليه عملت اي ..
مازن سبني في حالي يا أسر أنا مش فاضي لك دلوقتي..
اسر طيب قولي ايه إللي مضايقك بس ممكن نلاقي الحل مع بعض...
مازن حنان رفضت تقف معايا ...
اسر حنان مين دى اوعى تكون رجعت تعمل علاقات مع البنات يخلبوص من غيري
مازن يزيد غضبه من غباء اسر
مازن حنان البنت بتاعت الساعة يا مغفل.
اسر اه والله نسيت انت كنت قلت حتروح تقابلها ..
اسر ازاى بقى...
مازن بدأ يحكي كل حاجة حصلت في مقابلته ل حنان والمرة التانيه لما جات شيك و جميله وكل ما يخص قصة تعب والدته ..
اسر يستمع وهو ڠضبان من عدم فهم مازن للموضوع ثم يبتسم
أسر هههه تستاهل علشان مش بتفهم زى ما هي قالت ...
مازن بلاش استفزاز عندك حل قول مش عندك هوينا وفعلا هي عندها حق انت دخلت هنا ازاى والا الفيلا فعلا بقت مفتوحه للكل ...
أسر استهدا بالله كدة ووحد الله الموضوع اني عملت نسخة من مفتاح بيتك علشان أطمن عليك لأنك عازل نفسك من يوم مۏت أمك هنا سيبك مني انا دلوقتي انت عايز ايه من البنت دي بالظبط ...
اسر طبعا البنت مش هتوافق وعندها حق انت مش محقق وممكن يكون خطړ عليها إلا لو ....
مازن لو ايه أنطق ...
اسر لو وقعتها في حبك واتجوزتها وقتها هي من نفسها هتساعدك ...
مازن يفكر مع نفسه شوية...
مازن لأ طبعا مينفعش...
مازن لا طبعا
اسر طب ما انت ياما لعبت علي بنات زمان ...
مازن الموضوع مينفعش كدة انى اكون بخدعها وهي ليها فضل علي اولا بسبها قدرت اعرف أيه الى حصل مع أمى وكمان وقفت مع أمى في الوقت اللي انا مكنتش موجود فيه وبفضل جوابها لحقت احضردفنه أمى بسبب الكلام اللي بعتتهولي مقدرش أعمل معاها كدة ...
مازن فكرة وفي نفس الوقت ابتز مرات أبويا لما تشوفها في الشركة معايا واقولها أنها تعرف كل حاجه عنك ...
اسر وكدة ضړبت عصفورين بحجر واحد...
مازن صح ولما تتوتر هتحاول تعمل حاجة غلط وتقع فيها ...
عند حنان ...تدخل الكوفير سناء ومها يحولوا معها مش راضيه تتكلم ودخلت قلعت الفستان ولبست هدومها وخرجت
سناء خير اتقبلتي في الشغل ...
حنان لا رفضوا
سناء في سرها كان عندك حق يا مها غبية وش فقر
مها تسمع رفضها تيجي عليها انتى هبلة ولا عبيطة حد يرفض شغل في الزمن دا ...
حنان اه انا لان مش بحب المشاكل وهو عايز محقق مش محاسبة ..
مها ولو ساعيه حتي توافقي مش أحسن من الجري في البيوت بالمنتجات ومرة تقابلي السعران ومرة إللي عينه زايغه ومرة ست سليطة اللسان ...
حنان كله زي بعضه ما انا لو وافقت يستغلني علشان يبتز مرات ابوه ولو شكه صح يبقي إللي تقتل مرة تقتل تاني وأنا مش متأكدة من كلامه ومش عاوزة اروح في الرجلين ..
سناء طب ما تضحكي عليه...
مها تضحك عليه ازاى بقى.
سناء تاخدى قرشين وتقولى أنا موافقة وتخلعى او تلعبى عليه الحب وتخليه يسمع كلامك ...
حنان لأ أنا آسفة أنا أجوع وماخدعش حد سلام ....
سناء في سرها ناس فقر ...
مها استني يا مچنونة اروح معاكى
ماهي هو لسه زعلان منك
اسر هو مين
ماهي هو في غيره مازن من أسبوع مش ظاهر
اسر انتى ليه دايما شغل نفسك بيه أنسي يا ماهي
ماهي انت بتلمح لأيه انا بسال عادى
اسر بجد طب هو مع واحدة دلوقتي
ماهي بمفجاءة واحدة مين دى
اسر آخيرا وصل لدليل مين قتل أمه والبنت إلى معها هي معاها مفتاح الحقيقة
ماهي وانت وهو صدقتوا تلقيها واحدة عاوزة تلعب بيه لاقيته شاب غنى ووسيم راحت تلعب عليه
اسر پغضب هو حر تضحك عليه او مش تضحك انتى أيه دخلك علي الأقل قدرت تخرجه من السجن إلى كان حابس نفسه فيه أسبوع بيدور عليه علشان يوصل ليه
ماهي كمان واضح انها عرفت توقعه
اسر شاطرة انتى بقي عاوزة ايه
ماهي بدموع انت ليه بتزعق لي أنا عملت اي
اسر يشوف دموعها تصعب عليه يقترب منها ويحضنها انا خاېف عليكى يا ماهي حبك ل مازن من طرف واحد
ماهي انت فاكر أنى بحب مازن وغيران عليه
اسر انا مش فاكر انا متأكد انك مچنونة بحبه وهو مش حاسس بيكى
ماهي علشان انت أعمى ومش بتشوف مازن مجرد أخ لي
اسر بجد كدبه جديده دى دى مفيش مناسبة او مكان وهو موجود انتى لازم تكون فيه وتقول اخوى
ماهي انت أعمى ومش بتشوف وأنا مش حارد عليك
اسر شكرا علي ذوقك ويمشي
