تزوجت أرمل الجزء الاخير بقلم هاجر عمر
تفرسنيش
بصلها بهدوء الف سلامة عليكى من الفارسة. يا حبيبتي عايزك جنبى ما بحبكيش تسيبينى وتمشي
و بعدين تسيبى بيتك وتخرجى منه ليه الراجل اتجوز وبقى عنده مراته ما ينفعش تنطيلهم كل شوية وتضيقى عليهم. البنت مهما أن كان عايزة تاخد راحتها ف بيتها ومع جوزها
ضغطت على سنانها بغيظ وبسخرية يعنى هما الساعة اللى هشوف فيهم العيال هما اللى هيضيقوا عليها
لوت شفايفها كويس اهو احسن من مفيش
ابتسم بهدوء طب ايه رأيك تعمليلى كوباية شاى بايدك الحلوين دول
ابتسمت وهي بتقوم من عنيا
باس ايدها تسلملى عيونك
دخلت المطبخ وهو اتنهد انه قدر يقنعها انها ما تروحش وتابع التليفزيون
ابتسمت وهي بتكمل اللى ف ايدها يا حبيبى اليوم طويل اوى وممل صعب انى أفصل قاعدة من غير شغل ف بسلى نفسي
لفتله وعلى وشها ابتسامة واول ما شافته فتحت عيونها تمثل الصدمة ايه داا!
عقد حواجبه باستغراب ف ايه
ابتسمت بمشاكسة بقى فحد يصحى من النوم يحلو اوى كدا لا أنا كدا أخاف بقى دا أنت كل يوم بتحلو عن اللى قبله
قربت منه وغمزت وبصوت واطى خالص ما تقولى سر الوصفة
اتعدلت وعدلت ياقة القميص الوهمية لا دا أنا كدا اتغر بقى
ضحك وقرص خدها بالراحة يا باشا أنت تتغر براحتك لو مش انتى اللى تتغرى مين اللى يتغر
ضحكت ولفت تكمل الاكل وهو ساعدها وبيخرجوا الاكل ع السفرة وكله اتجمع ولسه مؤيد هيقعد جاله تليفون
ولاده بفرحة بابا
جريوا عليه حضنوه وهو استقبلهم ف حضنه يبوسهم وعينه على هاجر اللى بتبصله بفرحة وشوق كان بيبصلها بلهفة عايز يسيبهم ويروحلهم وحشتنا اوى يا بابا
سابهم وقرب من هاجر بشوق وعلى وشه ابتسامه مش هتسلمى عليا ولا ما وحشتكيش!
اترمت ف حضنه وضمته ليها حمد الله على السلامه يا روحى وحشتنى اوى البيت ما كانش ليه طعم من غيرك
باس راسها بحنان وبعد عنها يخليها تواجهه وبمشاكسة ليه هو أنا طعم الكاتشب اللى هتبلعى بيه
قربت منه ووطت صوتها اقولك بطعم ايه وما تزعلش
ابتسم بتسلية قولى
بعدت عنه وضحكت بمشاكسة بعدين عشان سر
بصتله وكانها افتكرت حاجة أنت اكيد جعان ثوانى والاكل يكون جاهز. ادخل ريح شوية على ما العشا يجهز
دخلت المطبخ تجهزله الاكل وهو دخل ينام والولاد كل واحد دخل اوضته يغير هدومه
خلصت الاكل ودخلت تصحي الولاد وبعدها دخلت لمؤيد قربت منه بهدوء قعدت جنبه ع السرير ومشت ايدها على وشه بحب وشوق مؤيد مؤيد حبيبى اصحى الاكل جهز
شدها عليه فجأة وشهم قصاد بعض وفتح عيونه نص عين بنوم أنا زعلان منك
عقدت حواجبها باستغراب منى أنا! ليه
حضنها من وسطها يقربها منه وبهمس واحدة جوزها غايب عنها شهر ونص مش عارف يتلم عليهم من ساعة ما اتجوزوا غير مرة واحدة ما تبليش ريقة ببوسة حتى
ضحكت برقة يا حبيبى الولاد كانوا واقفين
غمزلها بمشاكسة طب ايه بقى!
غمزتله ايه
مسك خلصة من شعرها يلعب فيها يعنى احنا لوحدنا وانا وحشتك والعيال كانوا واقفين برة اعمليلك أي منظر
ضحكت وقامت من السرير شدته يقوم معاها طب قوم اتغدى بس الاكل هيبرد ونبقى نتكلم بالليل
هلل بفرحة الله شكلها هتندع
ماشي معاها وبعدين وقفها إلا قوليلى صحيح السر أنا بطعم ايه
قربت منه بهدوء وعلى وشها ابتسامة أنت بطعم الحب والامان
ختمت وكلامها وباست خده وسابته وخرجت
ابتسم بحب على كلامها وخرج وراها اتجمعوا ع الاكل وبدءوا ياكلوا ما عدا هاجر اللى بتلعب ف الاكل مؤيد بصلها باستغراب مالك يا هاجر مش بتاكلى ليه
رسمت ابتسامة مفيش يا حبيبى مش جايلى نفس
سجدة بصتلها بس انتى يا ماما مش بتاكلى بقالك كام يوم
رجعت بصت لمؤيد مش بترضى تاكل يا بابا وعلطول تقول مليش نفس
مؤيد فرح لما سمع سجدة بتنادى هاجر ماما بس انشغل بكلامها عن قلة اكل هاجر بصلها ليه كدا يا حبيبتي كدا تتعبى من قلة الاكل
مدة ايده بالاكل ليها خدى دى من ايدى
بصت للاكل بقرف لا يا مؤيد بجد ماليش نفس
بإصراريعنى هتكسفى ايدى
اتنهدت وكلتها عشان ما تزعلهوش وبمجرد ما بلعتها جريت على الحمام ومؤيد والولاد اتخضوا عليها وجريوا وراها بقلق مالك يا هاجر انتى تعبانة ولا ايه
بصتله بتعب دا اكيد دور برد مش اكتر
بضيقدور برد ايه دا اللى بقاله أيام لا احنا لازم نروح نكشف
باعتراضبس يا مؤيد
قاطعها بإصرار مفيش بس يلا ادخلى اجهزى وهنروح للدكتورة حالا
اتنهدت بقلة حيلة عارفة انها مش هتفوز قصاده لو فضلت تجادل دخلت تلبس وهو كمان. خرجت من الاوضة لقت يامن ويزن وسجدة لابسين ومستنيين مع مؤيد بصتلهم باستغراب
ايه دا هما جايين معانا
رايح للباب بهدوء لا يا حبيبتي هنوديهم عند جدتهم لحد ما نرجع عمى كلمنى وقال انها عايزة تشوفهم
هزت راسها بموافقة ماشي يلا
