تزوجت أرمل الجزء الاخير بقلم هاجر عمر
ضهرها
سندت بايدها وحاولت تتعدل مؤيد قرب منها بهدوء بقى أنا بتستخبى منى
رجعت خطوة بتوتر وكسوف استخبى منك ليه يا حبيبى هو أنا سارقة منك حاجة
قرب منها وبص ف عيونها قلبى
حط ايده على قلبه سارقة منى قلبى
بصتله بكسوف وسكتت قرب منها وبيبص لشفايفها قاطعته بتوتر وحطت ايدها على شفايفه استنى مش هتتغدى
لسه هيرقب فجأة الباب اتفتح بابا أنا عايز اشترى كلب
مؤيد بصله بعصبية كلب ايه يا ابن الك مش فيه باب تخبط عليه
اتعدل ع السرير بعصبية وبص لهاجر نبرتى فيها يا ختى اهى باظت
زقها بغيظ قومى هاتيلنا ناكل اهو الواحد يبلع اللى بيشوفه
بنفى لا طبعا
حطت الاكل يسخن وقعدت قصاده بهدوء أمال ليه هنا مش بتخبط ع الباب المفروض يا حبيبي داخل مكان تستأذن الأول وتستنى لحد ما يأذنلك بالدخول
حطت ايدها على خده بحنان بص يا حبيبي ف اداب لدخول أي مكان سواء الباب مقفول أو مفتوح المفروض تخبط وتستنى انه يأذنلك وبعد كدا بتلقى التحية مش تدخل وخلاص والكلام دا مش عند الناس بس لا هنا كمان مع بابا واختك حتى اخوك يامن لو لقيته قافل الباب تستأذن الأول
ابتسم برضا ماشي يا طنط
لعبت ف شعره بمشاكسة وقامت تخرج الاكل
مؤيد خرج وقعدت اتغدت معاه. مؤيد حط المعلقة قدام شفايفها يلا دى كمان من ايدى
هاجر بعدت وشها يا حبيبى كفاية أنا كلت كتير كل أنت
بزعل مصطنع يعنى يرضيكى تكسفينى يلا بسرعة افتحى بوقك ها ها ها
بعدها شاورلها يلا دورك
عقدت حاجبها باستغراب دور ايه
فتح بوقه وشاور عليه اكلينى
مسكت الشوكة وبتاخد فيها فراخ مسك ايدها يوقفها وهو بيبصلها بحب لا بايدك
ابتسمت بحب وسابت الشوكة وقطعت فراخ بايدها وبتأكله
بصلها بحب احلى مرة اكل فيها واشبع
ابتسمت الف هنا يا حبيبي
سكتت شوية وبعدين بصتله اه صحيح كنت هنسي
بصلها بانتباه فكملت انهاردة جالى ايميل من الشركة انى اتقبلت وان شاء الله هستلم الشغل من الأسبوع الجاى ايه رأيك
بصتله تشوف رد فعله لقيته ساكت ومش باين على ملامحه حاجة. اتكلمت بحذر لو مضايق خلاص مش مهم
بصلها بهدوء انتى شايفة ايه
بهدوء أنا مش هشوف غير ال أنت هتشوفه لو موافق ف أنا هكون سعيدة ولو رفضت مش هزعل ولا هيأثر ف حاجة
مسك كف ايدها بحنان وبص لعيونها بس أنا مش عايزك تشوفى اللى أنا عايزه أنا عايزك تكونى انتى. تشوفى اللى هاجر نفسها عايزاه مش حد تانى مهما كان الحد دا مين. ما انكرش انى مش حابب انك تشتغلى لانى مش عايز اضغطك أو تتبهدلي
ملس على خدها بحنان انتى المفروض تتهنى ف البيت وكل طلباتك اوامر
بس انتى قعدتى سنين تتعلمى وتذاكرى مش عشان تاخدى شهادة تقعدى بيها ف البيت
أنا عن نفسي مش رافض بس لو الشغل هيضغطك ويتعبك ف بلاش منه وانا هساعدك ف البيت أنا زى ما بشتغل برة وبتعب وباجى تعبان انتى كمان هتشتغلى برة وتتعبى ومش معقول يبقى شغل البيت أضافى عليكى بس اوعدينى وقت ما تحسي أن الضغط عليكى كبير تسيبيه وانا معاكى ف أي قرار تاخديه ماشى يا روحى
هزت رأسها بموافقة وعلى وشها ابتسامة
ربنا يخليك ليا يا احسن واحن زوج ف الدنيا
غمزلها بمشاكسة لا دى الدعوة دى لوحدها عايزالها مكافأة
مسك دقنها ولسه بيقرب منها وبعدين وقف فجأة واتلفت حواليه پخوف اتنهد انه ما لقاش حد من ولاده الحمد لله
قرب تانى بحب وفجأة الجرس رن
غمض عينه بغيظ وقرر انه يطنش ويكمل قرب منها تانى هاجر حطت ايدها على شفايفه بهدوء مؤيد الباب
بلامبالاه وهيقرب يولع الباب
بعدت عنه مؤيد ما ينفعش روح شوف مين
اتنهد بغيظ وقام يفتح الباب وهي قامت تدخل الإطباق المطبخ خرجت لقيته قفل الباب
مين يا حبيبي اللى كان بيخبط
بهدوءدا حد كان غلطان ف العنوان. أنا هدخل انام شوية عشان هلكاان
بهدوءماشي يا حبيبى
مؤيد دخل نام وهاجر دخلت للولاد لقيتهم نايمين خرجت قعدت قدام التليفزيون وفونها رن كان مامتها ردت عليها وقعدوا يحكوا مع بعض وتطمن عن احوالها وعن مؤيد و ولاده
عند مرفت قعدت بغيظ على الكنبة وجوزها قاعد قصادها يبص ف التليفزيون بهدوء أنا نفسي اعرف مش عايزنى اروح ليييه لولاد بنتى
بهدوء من غير ما يبصلها عشان أنا تعبان وطبيعى مش هتسيبك جوزك تعبان لوحده وتمشي
بصتله بجنب عينها بغيظ ما أنت زى القرد اهو عينى باردة عليك فين اللى تعبان!
خبطت ايدها ف بعض بغيظ و بعدين اشمعنا ما بتتعبش غير لما اقولك انى عايزة اشوف ولاد بنتى
على نفس وضعه وبنفس البرود لا أنا تعبان بس انتى اللى لهفتك على بيت مؤيد عمياكى
حطت ايدها ف وسطها بغيظ يعنى ايه ما اشوفش ولاد بنتى!
ما ردش عليها وتابع التليفزيون قامت من مكانها بغيظ ولفت حواليه قعدت جنبه الناحية التانية يا راجل أنت بصلى هنا وانا بكلمك ما
