اڼتقام الندى الجزء الأول. بقلم دعاء

ثم ادارت سيارتها وتوجهت للجامعة وبداخل احد الاماكن الخاصة بركن السيارات اوقفت سيارتها ونزلت حامله حقيبتها الخاصة وكتبها الى الحرم الجامعى حيث اماكن قاعات المحاضرات ..وفى الحرم الجامعى التاسعة والنصف مساءا مشت قليلا ثم توجهت الى قاعة المحاضرات وكانت متأخرة بعض الوقت فطرقت الباب برفق ودخلت المحاضره قائله_معلش ي دكتور انا اسفة
الدكتور بلهجة غاضبة _ انا قلت محدش يدخل بعدى المحاضره ولا لا
ندي بلهجة حزينة _ايوه
الدكتور وقد هدأت حده ڠضبة قليلا وقال _ يا انسه ندى انا عارف انك طالبة ملتزمة ومتفوقه جدا ومقدر الحاله اللى كنتى فيها وعلشان كده انا هسامحك اتفضلى مكانك والبقاء لله ف وفاه والدك
ندى بابتسامة رزينة _متشكرة جدا ي دكتور
وصعدت درجة الى سلم المدرج الثانى وما ان راتها صديقتها حتى ابتسمت ولوحت لها ثم حجزت بجوارها مكانا لها وجلست ندى بجانب مايسة صديقتها المقربة وقالت لها مايسة_ اتاخرتى ليه ي بنتى 
ندي_ انا اصلا مكنتش جايه الا ع الامتحانات لولا عمتى اللى ضغطت عليا
مايسة _معلش نسيت اقولك البقاء لله انا زعلت جدا لوفاه والدك كنت مسافره البلد عند خالى وعرفت لما رجعت حاولت اتصل بيكى طول الشهرين اللى فاتو بس انتى كنتى قافله موبايلك
ندي بتاثر وصوت مخڼوق _ولا يهمك يا حبيبتى
وفتحت كلتاهما دفتر المحاضرات الخاص بها ولكن ندى شردت فترة وبدات مايسة تسجل بعض الملاحظات وراء الدكتور بينما ندى تحملق ف دفترها ولا تتكلم
مايسة باستغراب _ ايه يا بنتى ندى يا حبيبتى انتى روحتى فين
ندى انتبهت قائله _ها...
مايسة_ لا انتى مش معايا خالص
الدكتور_ كده خلصنا كل النقاط المهمة ف الماده والاسئله اللى ممكن تيجى ف الامتحان ودى كانت اخر محاضرة بالتوفيق ي شباب
وهم بلملمه اوراقة داخل حقيبته الخاصة وخرج من قاعة المحاضرات وبدأ الطلاب يخرجون من القاعه تباعا وبقيت ندى صامتة
مايسة _ايه يا بنتى ياللا مش هتروحى المحاضره خلصت والدكتور مشى والدفعة خرجت الا احنا
ندي بضيق_ ياللا بينا
وحملت دفتر المحاضرات وحقيبتها الخاصة وخرجت مع صديقتها
وف الحرم الجامعى
ندي _انا مش عاوزه اروح ي مايسة مخڼوقة م الفيلا
مايسة_ تحبى نخرج ولا نروح ناكل حاجة م الكافتيريا الاول
ندي_ لا مليش نفس اكل ولا اشرب انا عاوزه حد يسمعنى ويحس بيا
مايسة _وانا مكلتش الصبح يرضيكى اكل لوحدى تعالى افتحى نفسى وبعد كده نتكلم زى ماحنا عاوزين علشان خاطرى بقى ولا انتى بخيلة ع العموم ي ستى انا هعزمك
ندي بابتسامة _ ماشى
خرجت ندي متجهه الى الكافيتريا مع مايسة ولكنها جلست شارده_ ندى فيه ايه سرحانة ف ايه تانى
ندى _ مفيش مفيش متشغليش بالك
مايسة _ وهو انا مش عارفاكى ي ندى داحنا عشرة ثانوى وجامعة قوليلى الى مضايقك
ندى بحزن انتى فاكرة انه سهل عليا مۏت امى وابويا ف ست شهور وانى احس ان فجاه ظهرى انكسر ولاول مرة ابقى وحيده وماليش سند انا حاسة انى ف كابوس ومش عارفة هخلص منه امتى كان نفسى انام واصحى وكل ده ميحصلش انا محتاجالك اوى وارتمت على احضان صديقتها وانهمرت دموعها
مايسة حضنت ندى بقوة ربتت على كتفها وقالت_ وحدى الله ي نودى انتى قويه وانا واثقة انك هتعدى الازمة دى على خير وبعدين مين قالك انك لوحدك امال انا وسوسو روحنا فين انا هفضل جمبك على طول ومش هسيبك مهما حصل خليكى مؤمنة ان قضاء الله والمكتوب 
ندى _ونعم بالله يا حبيبتى انا مش عارفة من غيرك كنت هعمل ايه ربنا ميحرمنيش منك ابدا
واعطتها مايسة منديلا لتمسح دموعها وهى تقول بدلال _خلاص بقى احنا مش هنقضيها جو العشق الممنوع بقى انا عصافير بطنى زقزقت ولو ماكلتش والله لاعمل اعتصام ف الكافتيريا واشطب عليها كلها واحتمال اكلك انتى شخصيا
ندى بمرح _هههههههههه اه مانتى مفجوعة وتعمليها حاضر ياستى مش هكسفك وامرى لله وابتسمت ابتسامة خفيفة
وقالت لها_ ايوة كده اضحكى بقى تحبى تاكلى ايه
ندى _ساندوتش رومى فرن ومعاه ازازه بيبسى كان
مايسة باستغراب _هو ساندوتش واحدهيكفى ي بنتى 
ندي بضيق _ارجوكى بلاش تتحايلى عليا انا جيت معاكى بس علشان متزعليش
مايسة طب خلاص براحتك
وتناولت ندى الطعام مع مايسة وخرجت من الكافتيريا ثم اتجهت مع صديقتها الى مكان سيارتها وركبتا سويا وفى الطريق كانت هناك سياره اخرى تتعقبهما
وداخل السيارة
مايسة_ انا بصراحة مش عارفة انتى ماشيه بسرعة كده ليه
ندي_ شايفة العربيه اللى ماشيه دى
مايسة بااستغراب_ ايوه انهى واحده فيهم
ندى _البيج اللى هناك دى
مايسة _ايوة مالها يبنتى
ندى _اهى ماشية ورايا من ساعة ماخرجنا من الجامعة
مايسة _انتى تعرفى صاحبها ولا ايه
ندى _ لا معرفش تلاقي حد بيعاكس ولا حاجة مالناش دعوة تعالى ننزل
وتنزل من السياره مع صديقتها وعلى مقربة من المحل وقفت السيارة ذاتها تراقبهما حتى نزلتا امام المحل
مايسة وقد لفت انتباهها احد محلات الاكسسورات وادوات التجميل _ماتيجى ندخل نتفرج المحل