اڼتقام الندى الجزء الخامس. بقلم دعاء

تانى يا أمى هتقولى صغيرة 22 سنة دى مش صغيرة على فكره دى انسه ومتكاملة الأنوثة وناضجة وعارفه هى بتعمل إيه كويس اوى
سوسن بمزح انت طول عمرك كده انت وهى ناقر ونقير مع بعض وده دليل حب ي عبيط
وائل باستنكار حب ايه ي أمى متضحكيش عليا لو كانت بتحبنى كانت راعت مشاعرى ومكانتش خرجت بالمنظر ده ومكنتش راحت الشركة اساسا
سوسن بابتسامة انت غيران عليها بقى
وائل.....
سوسن م تتكلم ساكت ليه
وائل مش مسألة غيرة كل الحكاية مسألة كرامة وبس أنا حاسس انى هاين نفسي معاها وهى ولافارق معاها
سوسن تانى بسالك وجاوبنى بصراحة انت غيران من صاحب الشركة صح
وائل مش فارق ي أمى عادى بقى ايه الجديد يعني
سوسن باستغراب عادى ازاى أصلى مش عارفة ابنى ومش شايفة منظرك لما نزلت كان عامل ازاى واديك دلوقتي قاعد لا على حامى ولا على بارد مع انى شايفة لبسها ومكياجها عادى يعنى
وائل بانفعال حضرتك عايزة تجننينى بقولك رايحه تبقى سكرتيرة لراجل ارمل وعنده مراهقة متأخرة فى ال 54 تقولى لى عادى أنا راجل تربيه صعيدي مش كيس جوافة ومقبلش كده ابدا على كرامتى
سوسن عارفة يابنى طبعا راجل وسيد الرجالة كمان حد قال غير كدة وان حد قالها او مس كرامتك يتقطع لسانه
وائل بسخرية ولما يبلفها ولا يسرح بيها بنفوذه وفلوسه ابقى انبسطى ببنت اخوكى
سوسن_  بنت خالك عاقله متخافش عليها
وائل_ خليكى دافعى عنها كده على طول انا إللى ابنك على فكرة مش هى
سوسن_انتو الإتنين غلاوة واحدة ي بنى
وائل بتنهد _عموما معدش يفيد الكلام ندى هتعمل اللى فدماغها اسيبك انا بقى ياامى هقوم اجهز رايح اخلص شويه اوراق علشان السفر ادعي لى ياامى
سوسن_ ربنا يوفقك ي بنى قلبى وربى راضيين عليك
وصلت ند ى لشركة صادق فى الثامنه والنصف صباحا ودخلت الى السكرتاريه ندى بابتسامه من فضلك ممكن اقابل استاذ صادق
السكرتيره برقة نقول له مين حضرتك 
ندى انسة ندى حامد
السكرتيرة _طب فيه معاد سابق
ندى_ اه استاذ صادق كان كلمنى بخصوص التعيين هنا
السكرتيره وهى تتأملها انا شفت حضرتك قبل كده بس مش فاكرة امتى
ندى يخلق م الشبة اربعين يا انسة بالمناسبة متعرفناش
السكرتيرة انا مروة سكرتيرة صادق بيه
ندى باستغراب_ غريبة ده قاللى انك مشيتى مش لسه هتمشى وعلى هذا الاساس جيت النهاردة
السكرتيرة _ ايوة مانا فعلا بخلص ورقى علشان امشى لانى هتجوز الخميس الجاى ان شاء الله وجوزى مرتاح ماديا ومش عايزنى اشتغل بعد الجواز
ندى _عموما الف مبروك
السكرتيره_ الله يبارك فيكى ثوانى ابلغة
وضغطت زر ال machine امامها قائله_ صادق بيه انسة ندى حامد فى انتظار حضرتك
صوت صادق خليها تتفضل بسرعة
مروة _اتفضلى يااانسة صادق بية مستنى حضرتك
ندى برقة ميرسى
ثم يقول متدخليش حد علينا ي انسه مروة من فضلك
مروه تحت امرك ياصادق بية وتغلق الباب خلفها
وتدخل ندى لمكتب صادق الفخم وتتقدم نحوه فيقف لها بترحاب شديد ويسلم عليها بحفاوة قائلااهلا اهلا ي نانا كنت خاېف لاترفضى الوظيفة وتنفذى كلامك
ندى بمكر وابتسامة زائفة مقدرش ارفضلك طلب ي صادق بيه
صادق بخبث _ماقلنا بلاش رسميات احنا لوحدنا ف المكتب على فكرة
ندى بانفعال لا مش لوحدنا احنا ف شركة يعنى مكان عمل يعنى فيه سكرتارية وموظفين وانا هنا مجرد سكرتيره عند حضرتك مش اكتريعنى تحفظ هدوئك واتزانك معايا واسلوبك يبقى جد
صادق ايه ي ندى مالك حامية عليا كده ليه هو انا قلت حاجة تضايق لاسمح الله
ندى لامقلتش بس انا جاية اشتغل وبس ولو هتستعمل معايا الاسلوب المبالغ فيه ده يبقى امشى احسن
صادق طب اتفضلى اقعدى مينفعش تفضلى واقفة كده استريحى
وجلست بالكرسى المقابل امامة ثم تابعت الكلام ممكن افهم طبيعة شغلى هنا بالضبط
صادق انتى هتشتغلى سكرتيرتى الخاصة زى ماقولتلك
ندى بعدم فهم يعنى مكان مروة مش كده 
صادق بابتسامة خبيثة _ مېت مرة قولت لك انتى غير مروة بالنسبة لى
ندى پحده _ممكن توضح اكتر يا صادق بية 
صادق مروة كانت بتنظم مواعيد ومقابلات العملاء وتستقبل الناس اللى بتدخل لى وبس مجرد سكرتيرة عاديه زى بتوع الافلام والمسلسلات واخر الشهر بتاخد مرتب اما انتى بالاضافة لكده هتبقى مستشارتى الخاصة وهاخد رأيك ف كل صغيره وكبيره هتتفاهمى مع العملاء هتوافقى ع الصفقات الجديده اللى هتيجى للشركة هتردى ع الايميلات اللى بتيجى للشركه من برة مصر هتنظمى files كل صفقة او جواب بييجى من الشركات المنافسة وفوق كده هتبقى واجهة ليا ومش بعيد اطلبك تسافرى معايا برة مصر
ندى بارتباك _لا سفر ايه مينفعش ياصادق بيه حضرتك عارف ظروفى كويس
صادق انا محدش يرفضلى طلب ومفيش مجال للمناقشة مروة هتمشى علشان كانت بتخلق لى اعذار ومش مريحانى ف شغلى علشان كده لما قالتلى انها هتتجوز قلت بركة اللى جت منها واخترتك انتى لان انا واثق فيكى لابعد حد ياندى
ندى بابتسامة انا مش عارفه اقول لحضرتك ايه بعد الثقة دى يارب اكون قدها
صادق انتى متعرفيش غلاوتك