جمعهما الحب الجزء الاخير بقلم سمية

زعلان منى لانى اشركت فى قلبى حب حد غيره 
عمار مسح على شعرها اولا كونك انك حاسة انك عملتى حاجة غلط وندمانة ده كويس انا مش هقولك كده غلط ولا حاجة لان قلوبنا بين ايدين ربنا وانتى عارفة كده كويس صح 
هزت راسها بايجاب 
عمار  يبقى قربى من ربنا اكتر واطلبى منه انه يثبت قلبك وحب ربنا يبقى ماليه واطلبى منه انه يكتب ليكى الخير ولو كان في نصيب بينك وبين حسن ربنا هيجمعكم فى الحلال ودلوقتى كل لما يجى على بالك استغفرى ربنا واطلبى الثبات علشان الشيطان مش يلاقى باب ويدخل الفتنة فى قلبك ولو تراجعتى شوية تعالى واتكلمى معايا ونقرأ قران سوا 
حضنته فاطمة ربنا يخليك ليا ياأبى 
انت واخدنى على فين ياحسن 
اصبرى بس ياحبيبتى يلا وصلنا 
ايه ده !!! ده قبر جدو حسن و تيتة 
عارفة يافاطمة ماما حكت ليا كتير اوى عن حبهم لبعض وازاى جدو اتحدى الدنيا علشان يتجوزها 
ايوة وانا كمان أمى حكت ليا عنهم كتير وورتنى صورة جدو حسن ههههه بس تعرف وماما بتحكيلى عنه كنت بفتكرك 
قال باهتمام انا 
ايوا ماما كانت بتقول انه كان حنين وطيب وقلبه كبير زيك بالظبط بس ياحسن انت هتفضل تحبنى زى ماجدو فضل يحب تيتة فاطمة 
قال بلوم انت لسه بتسألى يافاطمة انت حبى الاول والاخير 
انا واثقة انك بتحبنى بس بطمن بس 
حسن قال طول مانتى هنا واشار الى قلبه متخليش ده واشار الى عقلها يفكر ويقلق انا هفضل احبك طول عمرى يلا بقى علشان الجو بدأ يبرد 
فاطمة طلعت الكوفية بتاعته من تحت خمارها لانها كانت لافاها على رقبتها ولفتها حوالين رقبته برقة 
حسن بصوت متهدج دى بتاعتى هى لسه معاكى 
قالت بحب عمرى مانسيتها هى والكاب وعلى طول بلبسها تحت الخمار بتدفينى اوى ياحسن 
مسك وشها بين ايديه فاطمة انا بحبك بحبك اوى 
حطت ايديها على ايده وسابت عينيها تجاوب عليه وبدأت قصة جديدة أبطالها حسن وفاطمة 
النهاية