رواية وعد بقلم عزة العربي الجزء الثاني.

في وضع لا أحسد عليه ولا انا نايمه ولا عارفه اقوم قلبي انا واثقه أنه سامع دقاته وشي مطلع ڼار يحيي قرب من وشي اووي وقرب من ودني واتكلم بهمس انا عارف انك صاحيه وشك بقي زي الطماطم
فتحت عيني وانا محرجه جدا وحاولت اقوم شدني ليه اكتر 
وعد بضعف عاوزه اقوم 
يحيي متأكده
كان نفسي أقوله لا مش عاوزه اسيب حضنك عمري كله ايوه هو دا اللي عوزاه انا عوزاك يا يحيي انا مش عارفه حصل امتي بس انا حبيتك حبيت حياتي الجديده حبيت قمر ورحيل وزين وبابا يوسف عاوزه افضل معاكم علي طول 
اتكلمت بتوهان ايوه متأكده هو انت ماسكني كده ليه 
يحيي كمان حس أن اللي بيعمله دا غلط فك أيده من عليها وهو قلبه بيروح معاها شعور غريب اول مره يحسه اتمني طول العمر وعد تفضل في حضنه شعور جديد اتولد جواه وبيكدبه وبيجاهد نفسه عشان يتخطاه قام وقف ووعد كمان قامت 
يحيي الكنبه طلعت قصيره وانتي نومك وحش اوي كنت هنيمك عالكنبه بس صعبتي عليا 
وعد هههههه والله أنا قلت انت رجلك طويله اوي هههه بص فرق الطول بيني وبينك 
وعد قربت من يحيي وهي بتتكلم عشان تقيس طولها هههههه شايف انت فين وانا فين 
يحيي ابتسم انتي اللي اوزعه اووي يا بنتي 
شديت كرسي وطلعت عليه وسقفت بايدي هييه بقيت طولك رجلي فلتت مني وكنت هقع 
بحركه بسيطه من يحيي شالني وبقيت في حضنه تاني مش عارفه عدا وقت اد ايه بس عيونا قالت كل حاجه قالت كل الكلام اللي في قلوبنا
بعد فتره يحيي اتكلم وقاللي وكده برضوا بقيتي طولي بس من غير كوارث ومستشفيات 
اتكلمت بتوهان لون عيونك
رد بثقه عارف انهم حلوين 
وعد لا بسأل علي اللون ونزلني لو سمحت
يحيي ضحك عشان عارف أنه بيوترني ضحكته حلوه اوي الضحكه دي طالعه من قلبه بجد انا حاسه بيها سابني مع أفكاري ودخل اخد دش وطلع لافف الفوطه علي وسطه ودخل الاوضه اول لما شفته صوتت وطلعت اجري عالحمام اخد دش أنا كمان دخلت وقلعت هدومي الحمام امريكاني البانيو كان كأنه في اوضه لوحده والدش ليه طريقه معينه بيتفح بيها حاولت افتحه كتير معرفتش حاولت تاني برضوا معرفتش قررت بعد فتره البس واخلي يحيي يفتحه لبست البورنس المتعلق ووقفت ورا باب الحمام وندهت علي يحيي 
يحيي في ايه
وعد مش عارفه افتح الدش 
يحيي كان محرج ومتوتر اكتر مني طيب اطلعي وانا هفتحهولك
وعد هاخد برد انا لابسه البورنس 
يحيي دخل بعد فتره تفكير ومحاولش يبص عليا اصلا دخل في ثانيه فتحه وخرج وانا اخدت دش ودخلت الاوضه لبست بيچامه وطلعت كان يحيى بيصلي خلص وراح المطبخ وحضرنا الفطار اليوم كان كله شحنات غريبه في البيت 
يحيي عرفني أنه من بكره لازم ينزل شركته وان كده إجازته خلصت وراح ينام من بدري انا اتفرجت عالتليفزيون شويه وبعدها روحت انام جمبه ايوه انا مش هنام في الانتريه بالشكل دا انا لازم انام عالسرير بصراحه يعني انا عاوزه انام في حضن يحيي هو مش حرام علي فكره اني انام في حضنه انا مراته وشرط القبول موجود وانا موافقه أن يحيي يبقي جوزي
يحيى صحي من النوم كانت وعد في حضنه وشعرها الطويل مغطي وشه كله ابتسم لما لقي نفسه تلقائي مكلبش فيها كده علي الرغم أنه محسش بيها لما نامت جمبه قرب منها اوي وكان بيتنفس نفسها فضل عالوضع دا شويه قرب من خدها اوي بس اتراجع وبعدها رفع دماغها بالراحه حطها عالمخده وقام لبس بدله سودا وراح علي شركته 
وعد صحيت بعد فتره متلاقيتش يحيي في البيت بس ريحه برفانه كانت مغرقه هدومها من حضنه ليها شمت ريحته بحب كبير عرفت أنه راح الشركه 
الوقت كان بطئ اووي واليوم مش راضي يمشي مفيش تليفون تكلمه عليه حتي لو في هي متعرفش رقمه فضلت راحه جايه في البيت بزهق
في الشركه يحيي برجوعه للشركه بعد غيابه الفتره اللي فاتت كان عامل توتر للموظفين بطريقه مرعبه الكل شغال بمجهود كبير 
يحيي صاحب شركه الديب للمعمار وعنده