رواية وعد. بقلم عزة العربي.الجزء السادس.
والناس بتبص عليكي كده
احمد بيبص لرحيل بحب وكل ما يبص عليها وهي بترقص معاه وشها يحمر اكتر
رحيل باحراج كفايه كده بقي الناس بتتفرج علينا
احمد كفايه آيه هو انا لسه عملت حاجه وبعدين الناس بتبص عشان انتي قمر وخطفتي قلوبهم
رحيل اتحرجت اكتر وحطت وشها في الأرض احمد رفع وشها بأطراف أصابعه ممكن تعيشي اللحظه النهارده يوم فرحك واليوم دا مش هيتكرر تاني يوم بيكون مره واحده في العمر بس لازم تعيشيه بكل جوارحك افرحي يا لولو افرحي بيومك افرحي بالناس اللي بتحبك افرحي بجوزك حبيبك
الكل بيسقف ليحيي وصوته اللي يجنن والحب اللي واضح للكل ومشاعره هو ووعد اللي بتتكلم كل كلام العشق وعد اخدت المايك وبصت ليحيي بحب وغنيتله هي كمان رغم اعتراضه بس هي صممت وهو وافق عشان دا يومها واخد وعد كلها في حضنه وكان نفسه يخطفها ويمشي بقي من الفرح كله ومن عيون الناس اللي بتاكل وعد من جمالها وكمان صوتها الناعم الرقيق
والكل سقف والشباب كانت بتصفر والكل كان فرحان جدا
يحيى شاور لاحمد وأحمد قام
يحيي مسك ايد رحيل وشدها لحضنه وأحمد مسك ايد وعد وشدها لحضنه وبدء يحيى وأحمد يغنوا لاخواتهم البنات والاغنيه كانت مؤثره جدا ووعد ورحيل مقدروش يمسكوا دموعهم وكل واحده فيهم اخوها ضمھا لحضنه بحب كبير جدا وطمنها أنه دايما معاها وقمر كمان بكت جدا وافتكرت أيه بنتها وافتكرت عوض ربنا ليها وان ربنا بعتلها وعد وكانت بټعيط أن الاتنين هيبعدوا عنها وكل واحده هيكون ليها حياتها بعد ما اتعلقت بيهم
يوسف طلع هو كمان اخدهم في حضنه وبعدها اخد قمر في حضنه وربت علي ضهرها وهي استكانت وبدأت تهدي بصلها وغمزلها وحياتك عندي لوديكي شهر عسل احسن من اللي هيعملوه الولاد وانسيكي دنيتك كلها
قمر بحب ابتسمت ربنا ما يحرمني منك يا حبيبي
وأحمد مسك ايد رحيل وقطعوا التورته وهو اكلها بس كانت رافضه بعد ألحاح اكلت قطعه بسيطه وبعدها هي أكلته
الفرح خلص والكل بدأ يمشي
يحيى حط أيد وعد في أيده وخرج برا القاعه
وأحمد حط أيد رحيل في أيده وخرج هو كمان والكل واقف برا قبل ما يركب عربيته
احمد قرب من وعد وحضنها حضن طويل وهو عيونه مدمعه وحابسها بصعوبه وعد بصتله بحب وعيونها دمعت هي كمان
احمد ضمھا اكتر مش قادر اسيبك تمشي انا بجد ھموت من غيرك مش متخيل اني اروح بيتنا وافتحه زي كل مره لما ارجع من مأموريه ومتلاقيكيش تاخديني في حضنك وتتنطتي من الفرحه وبعدها تفتحيلي تحقيق وتخليني احكيلك كل حاجه حصلت مش متخيل اني هعيش من غير ما تصدعيني بحواراتك اللي مش بتخلص مش عارف هتخانق مع مين وافضل اضرب فيه وفي الاخر تيجي تصالحيني بعد خمس ثواني بس عارفه انا فرحان عشان شايفك مبسوطه ربنا يسعدك انتي ويحيي
وعد پتبكي و مش عارفه ترد احمد مسح دموعها بأيده سايبلك بوكس كبير جدا في كل حاجه بتحبيها كل الشيكولاتات والمسليات والتميز اللي بتحبيهم سايبهملك في بيتك الجديد متخليش الواد ده ياكل منهم
وعد بفرحه ابتسمت ربنا ميحرمني منك ابدا
الكل متابع كلام احمد وعيونهم مدمعه رحيل قربت من وعد واخدتها في حضنها ووعد طمنت رحيل اللي شكلها خاېف جدا وبتترعش
يحيي قرب منهم وربط علي كتف احمد عاوزك متقلقش من حاجه انت عارف انا بحب وعد اد ايه
احمد يحيي يا ريت متأذيش وعد انت لو اذيتها في يوم تبقي بتأذيني انا وانا مش هسمح بحاجه زي دي ابدا
