رواية وعد. بقلم عزة العربي.الجزء السادس.

وصدقني ساعتها هتشوف احمد تاني خالص 
يحيي حب يطمنه انا عارف انت بتحب اختك ازاي عشان كده هعديهالك اطمن وحافظ على اختي انت كمان وحطها في عينيك وإلا..انت عارف 
واه مش عاوز اشوف وشك لمده شهر شهر يا بن السيوفي مينقصش يوم واحد
احمد هههههه انت بتحلم يا بني خد دول
وطلع من جيبه تزاكر طياره 
يحيي اخدهم ورفع حاجبه ايه دا
احمد تذكرتين لجزيره في المالديف اسبوعين بحالهم نعيش فيهم شهر عسل انا وانت والشيطان ثالثنا
يحيي غمزله موعدكيش اني هعرف اروح يا حبيبتي بس هحاول ابقي معاكي
احمد ضربه بالبوكس اضبط ياض
الكل ضحك عليهم 
احمد متنساش يا بن الديب علي تليفونات بقي يلا see you
وشال رحيل وفتح عربيته وډخلها وطار علي جنتهم
يحيي ضحك عليه مچنون والله 
وقرب من قمر اللي بټعيط بحرقه ومسح دموعها وباس علي دماغها ايه مفيش مبروك 
قمر ابتسمت مليون مبروك يا حبيبي ربنا يسعدكم ويهنيكم يا رب خلي بالك من وعد 
يحيي ضمھا لحضنه شكرا لكل حاجه حلوه عملتيها عشان نتجمع بجد 
وعد قربت وباست قمر وسلموا على يوسف وعالكل ويحيي ووعد ركبوا عربيتهم وطاروا علي جنتهم هما كمان 
يحيي وصل تحت العماره وركن عربيته ولف فتح الباب لوعد ومد أيده قدامها وهي حطت أيدها في أيده ونزلت وشهقت لما يحيي رفعها وقفل الباب برجله وطلع بيها علي عشهم الجديد
وعد يحيي نزلني 
يحيى مش ملاحظه انك بقالك شويه بتقولي يحيي يحيي فين ديبي ولا خلاص نسيتي
وعد ابتسمت وعرفت أنه مش هينزلها لا انت ديبي وكمان حبيبي ومشت صوابعها برقه علي شفايفه ووشه
يحيى بصلها وقلبه هيطلع من مكانه ووعد كمان قلبها كان صوته مسموع ليحيي وصلوا قدام شقتهم ويحيي نزلها وفتح الباب وشالها تاني وهي بتضحك ونزلها في اوضه النوم وعد وقفت في نص الاوضه وهي بتفرك في أيدها بتوتر هي ايوه بټموت فيه بس اي بنت بيكون عندها حياء ربنا خلقها بيه يحيي وقف مبتسم وشدها لحضنه اوي وانفاسهم اختلطت ببعض وعاش معاها في بوسه طويله بعد عنها بصعوبه لما حس انها مش قادره تتنفس كويس
همس في ودنها مبروك يا وعدي
وعد متوتره وخاېفه ومش عارفه ترد عليه
يحيي حب يفكها وعد انا كنت متراهن مع نفسي انك اول ما تدخلي تقولي انا جعانه خير يا رب ايه اللي حصل خسرتيني الرهان
وعد ضحكت ونسيت توترها الله بقي مش انت اللي نسيتني اقولك ودخلت تبوسني خبط لزق انا مأكلتش من امبارح يا ديبي يرضيك كده مراتك حبيبتك تقعد كل دا متاكلش
يحيي قعد عالسرير وشدها قعدها علي رجله ولف وشها ليه بصراحه ميرضنيش ابدا 
واتكلم بحنان وهو بيفكلها طرحتها دبوس دبوس حبيبي لازم ياكل كويس عشان لازم اقولك علي موضوع مهم جدا ھموت واقولهولك من اول يوم شفتك فيه
وعد بتبص في عين يحيى اللي كلها حب وقلبها بيدق بصوت مسموع ويحيي كمان من قرب وعد قلبه بيدق جامد ونفسه ياخدها كلها في حضنه بس مش عاوز يوترها ولا يخوفها منه  فكلها الطرحه وشعرها الطويل نزل علي ضهرها يحيى بلع ريقه بصعوبه وحرك أيده في شعرها
اتكلم بهيام وخاف يقرب اكتر لانه حس انها لسه خاېفه ومتوتره من الخطوه دي
تعرفي انك قمر بجد مش مصدق نفسي انك مراتي ومعايا لوحدنا
وعد محروجه ومش بترد
يحيى حب يفكها جاب تليفونه تعالي نتصور شويه صور مجنونه قبل ما نغير هدومنا
وعد بفرحه هيييه يلا
اتصوروا وهما بيبوسوا بعض وهما بيطلعوا لسانهم وهما بيضربوا بعض صور كتير حلوه وعد عينيها نزلت علي بوكس كبير وافتكرت احمد وابتسمت
يحيى بص علي نظره عينيها شاف البوكس اخوكي الرخم صمم يجيبهولك 
وعد هييييح احمد دا حبيبي
يحيي قرب منها پغضب انا بس اللي حبيبك فاهمه
وعد ضمت حواجبها بتمثيل فاهمه فاهمه 
يحيى ضحك تعالي بقي نأكل 
واخدها وقعدوا عالكنبه وحضر اكل خفيف وقعد وقعدها علي رجله وبدأ يأكلها ومع كل لقمه بوسه لحد ما وعد اتخدرت تماما وعاشت معاه بكل جوارحها 
بعد فتره يحيي بعد عنها بصعوبه وقاللها لازم تغيري الفستان ونصلي عشان نبدأ حياتنا صح
وعد ماشي
دخلت الاوضه وقلعت الفستان بصعوبه وطلعت طقم جرئ ولبسته واتوضت ولبست الاسدال وطلعت كان يحيي غير البدله ولبس جلابيه عشان يصلي وفرش سجادتين صلاه ومسك المصحف وقعد يقرأ قران لحد ما وعد تخلص لما شافها باسدالها اللي يجنن صدق علي كلام الله وقام وقف وبدأوا يصلوا وخلصوا وحط أيده علي رأسها وقال الدعاء وشالها واخدها في جنته وفي دنيا خاصه بيه هو وبس
ونروح لاحمد ورحيل
احمد وصل تحت العماره ونزل من العربيه وبص علي رحيل وابتسم وفتح الباب ومدلها أيده وهي حطت كف أيدها في أيده ونزلت ووصلوا عند الاسانسير وأحمد بيطلبه
رحيل انت بتعمل ايه
احمد مستني الاسانسير ينزل يا روحي وبيدوس عالزرار
رحيل لا ما هو انا يعني اصل بصراحه بص يا احمد انا استحاله اركب اسانسير انا بخاف