أميرتي  الجزء الثالث والاخير

في الكلية
باسل الف مبروك يا دكتور
هاله وهي تضحك الله يبارك فيك
باسل لو تعرفي بحب ضحكتك قد ايه!
هاله للدرجه ده
باسل أنا بحبك يا هاله حبيتك من لحظة ما فتحت الباب لقيت أجمل بنت واقفة بتبصلي وعينيها كلها طيبة وقلق وخوف بحبك لما بتتكلمي بتضحكي حتى وانت دموعك بتنزل ساعات كنت بغير من محمد وبيبقى نفسي أخبيكي منه بس كنت بقول يمكن تكوني معجبه بيه تعرفي يوم حفلة عيد ميلاد ماما لما نزلتي من السلالم أتأكدت أنك هتكوني مراتي في يوم من الأيام
هاله أنا أكيد بحلم
باسل أنا عايزك تحلمي علطول وأنا هحققلك كل أحلامك
هاله تعرف أول مره شوفتك فيها حسيت أني ڠرقت جوه عينيك. بجد مكنتش حاسه بأي حاجه غير أنك بتبصلي. بس قلت يمكن خفت منك عشان كان أول مره أتقدم لوظيفة
باسل وامتى حسيتي انك بتحبيني
هاله ووجهها يحمر خجلا يوم ما كنت بتلعب بلاي استيشن مع محمد كنت ببصلك وأنا قلبي بيدق جامد وساعتها عرفت أن هو ده الحب
باسل أنا عايز آخدك وأطير بيكي بعيد
هاله ضاحكة هتوديني فين
باسل بشوق بالغ على أقرب مأذون
هاله مش بسرعة كده
باسل ايه بقالي سنة بدور عليك وتقوليلي بسرعة 
هاله أصلي بحضر للماجستير وكمان بشتغل
باسل الشغل انسيه خالص والماجستير بعد الجواز أعمليه براحتك
هاله بس أنا عايزة أشتغل
باسل ليه بس تتعبي نفسك أحنا نتجوز ومش هتحتاجي أي حاجه
هاله. صمتت وهي تفكر. هل زواجها بهذه السرعة صوابا أم خطأ
وصل شريف النادي ليجلس مع صديقه أحمد
أحمد مالك يا معلم
شريف مفيش
أحمد عليا برده
شريف أبويا يا سيدي
أحمد عملك ايه
شريف مش عايزني اتجوز هاله
أحمد هاله بتاعت الكلية
شريف ايوة
أحمد متزعلش مني يا شريف ابوك معاه حق
شريف معاه حق في ايه
أحمد يا ابني البنت سوري يعني على قدها اوي وانت عيلتك كلها مراكز ومستويات عاليه
شريف يا أحمد أنا بحبها وبعدين ده محترمة ومتفوقة وأجمل بنت عرفتها في حياتي
أحمد للدرجه ده
شريف واكتر
أحمد واللي يخليك تتجوزها!
شريف اديله اللي هو عايزه
نظر أحمد إلى شريف نظره ممتلئه بالخبث.
دخلت هاله إلى مقر عملها ومأزالت تفكر في لقائها بالأمس مع باسل وعرضه الزواج عليها وقد طلبت منه فترة للتفكير حتى ترتب أمورها وتعتذر لصاحب العمل فور جلوسها على مكتبها أستدعاها الأستاذ صلاح فذهبت إلى مكتبه
هاله صباح الخير يا مستر صلاح
صلاح وتبدو عليه علامات الضيق اتفضلي اقعدي
هاله خير يا فندم في حاجة
صلاح بعد صمت طويل أنا عايزك تبعدي عن أبني
هاله وهي لا تصدق ما تسمعه حضرتك بتقول ايه
صلاح عشان تكوني عارفة أنا عمري ما هوافق أن شريف يتجوزك شوفيلك حد من مستواكي
وقفت هاله پغضب ولاول مرة تشعر أنها يمكنها الدفاع عن نفسها ممن يشعرونها بأنها من طبقة تختلف عنهم مفيش داعي تقولي الكلام ده وعلى فكرة أنا عمري ما فكرت في شريف غير كزميل في الكلية وأي فكرة تانيه موجودة عنده هو بس واستدارت لتخرج لكنها توقفت لتقول له
هاله على فكرة أنا مش هآجي الشغل تاني عشان هتجوز من إنسان بيحبني وبحبه عقبال شريف أن شاء الله 
ظل صلاح ينظر اليها وهو يفكر هل ما تقوله حقيقي أم انها ستتزوج من ابنه رغما عنه
شريف كان يجلس في غرفته يحاول استيعاب ما عرضه عليه أحمد صديقه بالأمس وتذكر ما دار بينهما
أحمد بص بقى يا معلم أنت تكتبلها ورقة عرفي
شريف ايه اللي بتقوله ده عرفي
أحمد أمال هتخلي أبوك يقاطعك
شريف وفيها أيه أتجوزها ونعيش مع بعض
أحمد وهو يطلق ضحكة شريرة يا سلااااااااااااام والفلوس والعربية والعز اللي أنت عايش فيه
و لا عايز تشتغل وتقبض 500 جنيه وتاكل عيش وجبنه
شريف مفكرا لا بس أنا هحاول اقنع بابا
أحمد اسمع كلامي ابوك عنيد وممكن يودي هاله في ستين داهيه لو حس أنه ممكن توافق تتجوزك ڠصب عنه
شريف معقول
أحمد أنت متعرفش أبوك ولا ايه ابوك واصل يا ابني والبنت غلبانة هتفرح بيك هتعيشها عيشه عمرها ما تحلم بيها وهتحس انها معملتش حاجه غلط لما تتجوزوا عرفي
شريف أنت دماغك ده ايه ده أنت شيطان
أحمد ولا شيطان ولا حاجه أنا بس الدنيا علمتني كتير
شريف بس هاله لا يمكن توافق
أحمد ما أنت هتعلقها بيك في الأول وبعدين هتعمل اللي أنت عايزه
شريف يا سلام!
أحمد