أميرتي  الجزء الثالث والاخير

فيا كده أنا نزلت كلمته تحت زي ما طلب مني ولقيته بيقولي انه عايز يتجوزني عرفي فطبع هزقته وطلعت شقتي طلع ورايا ومصمم يدخل فخفت وكلمت باسل وبعد شويه سمعتهم بيتخانقوا والجيران اتصلوا بالبوليس وخلاص سمعتي بقت زي الزفت في العمارة 
أشرقت بصي يا هاله أنت ملكيش قعاد لوحدك تاني أنت تيجي تعيشي هنا مع كاريمان وباسل يجي عندي لغاية ما تتجوزوا
كاريمان وأحنا هنرتب للفرح بسرعة باسل مش ناقصه حاجه
هاله مش عارفه من غيركم كنت هعمل ايه
كاريمان وهي ټحتضنها متقوليش كده يا هاله احنا أهلك دلوقتي
هاله وقد بدأت تهدأ ربنا يخليكوا ليا
محمد وباسل وهما يخرجان من قسم الشرطة
محمد أنا أول مره أشوفك متعصب كده
باسل أنت لو كنت شوفت البني آدم ده كان بيخبط على الباب أزاي كنت ممكن تموته مش تضربه
محمد ولا باباه مش ممكن راجل فظيع
باسل عشان غني فاكر نفسه أعلى من الناس
محمد وهو يضحك بس الواد وشه بقى شوارع. ده أنت طلعت وحش يا باسل
باسل ده وقت هزار بذمتك
محمد لا بجد أنت مۏته من الضړب
باسل ده لولا الجيران خلصوه من أيدي كنت زماني مسجون
محمد تعرف لما كلمتني كنت فين
باسل كنت فين يا رايق
محمد كنت بخطب مي
باسل بجد
محمد آه والله وأتفقنا أننا نتجوز بسرعة ما تيجي نتجوز في نفس اليوم
باسل وهو سارح ربنا يسهل
محمد سرحان في ايه أوعى تكون صدقت كلام الواد ده وأبوه
باسل لا لا بس خاېف يحاولوا يأذوا هاله
محمد متخافش دول آخرهم تهويش بالكلام
باسل على رأيك
بعد مرور شهر كانت هاله في غرفتها في القصر ترتدي فستان زفافها الذي كان رقيقا ومغطى بالكامل بورود بيضاء صغيرة وكانت تضع تاجا من الورود وشعرها ينسدل على ظهرها بلونه الأسود الرائع وسمعت طرقات على باب الغرفة ثم دخلت كاريمان
كاريمان بسم الله ما شاء الله
هاله أيه رأيك يا طنط
كاريمان زي القمر يا حبيبتي خدي بقى البسي ده
هاله وجدت كاريمان تعطيها علبة تحوي عقدا وأقراطا من اللؤلؤ أرتدتهما وكانا يزيداها جمالا فدمعت عيناها
هاله حلوين أوي
كاريمان والدموع تلمع في عينيها دول شبكتي اللي قدمهالي بابا باسل يوم فرحنا وكنت بستنى يوم جواز باسل من انسانة بيحبها عشان اقدمهلها
هاله ده أحلى هدية جاتلي في حياتي
كاريمان أوعديني تلبسيها لبنتكم يوم فرحها
هاله إن شاء الله
دخلت أشرقت عليهما أيه ده أنت بتعيطوا! مش ممكن ده فرح يا جماعه
أبتسمت هاله ده دموع الفرح يا طنط
أشرقت أيه الجمال ده يا عروسة
هاله شكرا عقبال محمد ومي
أشرقت إن شاء الله كمان اسبوعين هيكون الفرح
كاريمان ربنا يسعدهم
أشرقت يلا بقى عشان المعازيم مستنين العروسة والعريس
كاريمان خلاص أنا هروح أجيب باسل
كان باسل في غرفته مع محمد يستعدان للزفاف
محمد الليلة ليلتك يا عريس
باسل بطل هزار شوية
محمد عقبالي يا رب
باسل هانت كلها كام يوم وتحصلني
محمد هو أنت حاسس بأية
باسل فرحان وقلقان كده يعني
محمد فرحان وفهمناها لكن قلقان ده مش مطمناني
باسل احترم نفسك
دخلت كاريمان ما شاء الله يا حبيبي ربنا يحفظك
باسل ماما ايه أخبار هاله
كاريمان جاهزة ومستنياك عشان تنزلوا تحت
ذهب باسل إلى غرفة هاله وعندما رآها تقف في منتصف الغرفة بفستانها الأبيض شعر أنها كما يتخيلها دائما أميرة من الأساطير. نظرت له بخجل فقال لها وهو يمسك يديها بين يديه
باسل أنا أكيد بحلم
هاله وأنا كمان مش مصدقة
باسل بحبك يا هاله بحبك اوي
أبتسمت هاله بخجل جاءهما صوت محمد
محمد أيه هنستناكوا كتير
باسل أنت مش ممكن
محمد أصلي بصراحة غيران منكم
هاله عقبالك يا محمد
محمد فاضل أسبوعين بحالهم يا لولو
باسل يا ابني هانت اصبر
محمد أديني صابر ويلا بقى المعازيم زهقوا
نزل العروسان وعزفت الفرقة الموسيقية أغنية الف ليلة وليلة وكانت مناسبة لفخامو القصر وجمال العرسين وبدأ الحفل الذي أستمر حتى الساعات الاولى من صباح اليوم التالي وبعدها صعد العروسان إلى غرفتهما ليرتاحا قليلا ثم يسافران ليقضيان شهر العسل في فرنسا وفور دخولهما الغرفة حتى نظر باسل إلى هاله
هاله بخجل بتبصلي كده ليه
باسل عايز أتأكد أني مش بحلم
هاله كل ده وحلم
باسل الحمد لله أننا أتجمعنا على خير
هاله الحمد لله
باسل يلا بقى أرتاحي شوية عشان هنسافر كمان ساعتين إن شاء الله
هاله حاضر
أبدلت هاله ملابسها وأرتدت فستانا طويلا أخضر اللون بينما أرتدى باسل شورتا أسود وقميصا أبيض
ونزلا ليودعا كاريمان قبل سفرهما
باسل ماما أنت نمتي
كاريمان وهي تفتح عيناها لا يا حبيبي مستنيه أسلم عليكم
هاله حضرتك تعبتي أوي امبارح
كاريمان لا أبدا يا حبيبتي خلوا بالكم من نفسكم
باسل متقلقيش أول ما نوصل هنتصل بيكي
كاريمان تروحوا وترجعوا بالسلامة إن شاء الله
سافر العروسان إلى العاصمة الفرنسية وقضوا شهرا مر كأنه يومان وشعرت هاله أنها تعشق زوجها الحنون والذي عوضها الله به عما قاسته في حياتها وكانت تشكر الله في كل صلاة على نعمه العديده التي أنعمها عليها وكانت تشعر بوالدتها سعيدة لأجلها فقد رأتها في أحلامها كثيرا تبتسم لها
كان باسل يراقب هاله وهي تقوم بتصوير برج أيفل وهو يشعر أنه يحبها حبا لم يعرفه من قبل فهي حب عمره وأحس بمعنى أن تحب شخصا حبا حقيقيا وعرف سر أرتباط والداه أحدهما بالآخر فقد كانا عاشقان مثله هو وزوجته هاله
دخلت هاله غرفة أبنتها أميرة يوم زفافها وقدمت لها قد اللؤلؤو الأقراط وقالت
هاله مبروك يا حبيبة مامي
أميرة ميري يا مامي ده حلو أوي
هاله ده كان هدية ناناه كاريمان الله يرحمها يوم فرحي وكان شبكتها من جدو الله يرحمه ووصتني أقدمهولك يوم فرحك وأنت أن شاء الله هتقدميه لبنتك يوم فرحها
أميرة إن شاء الله يا مامي
أحتضنت هاله أبنتها واوصلتها إلى باسل الذي اصطحبها حتى سلمها إلى زوجها ووقف باسل وهو يضع ذراعه حول كتف هاله
باسل ياااااه الحمد لله
هاله وهي تبكي هتوحشني أوي
باسل معلش يا حبيبتي ربنا يسعدها
هاله يا رب
باسل عارفة بتفكرني بمين
هاله بمين
باسل بيكي يوم فرحنا كنت زي القمر يا لولو
هاله ودلوقت
باسل وهو يضمها إلى صدره كنت وهتكوني أميرتي
النهاية