دقة قلب

دقة قلب
مي كانت قاعده زهقانه في اوضتها ريحه جايه بين المطبخ والاوضه والبلكونه حياه روتنيه ممله حياه دون هدف ولا قيمه وكل الأيام شبه بعضها بتصحى بعد الضهر تصلى وتساعد مامتها في شغل البيت لحد وقت الغداء وبعدين تقعد في اوضتها على الفيس لحد وقت النوم وبس هي دى حياتها وهو ده يومها
بس اليوم ده كان ممل زياده عن اللزوم قامت وقفت في البلكونه وفضلت تتفرج على اللى رايح واللى جاى وشويه لقيت موبيلها بيرن

مى بملل السلام عليكم
نهى وعليكم السلام وحشتينى
مى طيب
نهى باستغراب مالك يا ميمو
مى بتنهيدت زهق مفيش .. ده العادي
نهى بقيتى كئيبه اوى .. هتنزلى امتى يا كئيبه
مى هننزل فين.
نهى يا لهوى يابنتى انهارده فرح ساره
مى ببرود ساره مين
نهى بعصبيه هتموتينى
مى باستغراب هو أنا كلمتك
نهى لا خالص انتى اصلا ملاك اجهزى يلا يابت وهفوت عليكى على 8 كده تمام
مى لا مش هروح
نهى ليه بقى
مى مكسله. ومليش مزاج
نهى انتى يا زفته ..مش ناقصه زهق ..البسى وجهزى وهفوت عليكى .. يلا سلام
وعادى جدا قفلت السكه في وشها
قامت وقفت قدام الدولاب بملل وهي بتقلب فالهدوم..ياترى هلبس ايه .. ده .. لاء مش حلو .. ده احلى. بس لبسته قبل كده كتير ..اممممم هلبس ده .. بس ضيق شويه .. يوه بقى 
بزهق وهي بتكلم نفسها .. هلبس ايه بقى ..أنا اصلا مش عاوزه اروح منك لله يانهى ..
في حين أن محمود كان راجع من الشغل قرفان وزهقان الدنيا زحمه والجو حر وفضل ساعتين بس فالطريق عشان يروح حاسس أن جسمه كله وجعه عاوز ياكل وينام وبس دخل اوضته غير هدومه وريح ضهره على السرير شويه ولقي موبيله بيرن
محمود بتعب عاوز ايه
محمد اعوذ بالله .. في حاجه اسمها السلام عليكم ازيك
محمود أنت هتعيش مانا لسه سايبك في الشغل
محمد اصلى نسيت افكرك بالفرح بتاع خالد .. هتروح على امتى كده
محمود وهو متنح ورافع حاجب فرح .. فرح ايه لا مفيناش من كده
محمد أنت اتهبلت مفيناش من ايه
محمود بقولك ايه أنا تعبان وهدخل انام فكك منى وروح أنت
محمد لا طبعا مينفعشى .. الراجل مأكد علينا عيب .. هفوت عليك على 8 وهروح معاك عشان عربيتى عطلانه
محمود بقولك مش هروح أنا تعبان .. شوفلك سواق غيرى
محمد هتروح يعنى هتروح
محمود لا مش هاروح .. روح أنت وانا هبقى اعتذره بعد كده
محمد ابنى ريح نفسك .. هفوت عليك .. متتأخرشى عليا .. يلا سلام
وبرده قفل السكه في وشه زى العاده
محمود فضل قاعد متزهق ومخڼوق وهو بيكلم نفسى .. ماشى يا محمد بدبسنى..
ورمى جسمه على السرير أنا عاوز انام بقى
وقام من مكانه وهو متعصب ودخل اخد شور وهو متزهق
الساعه 8
مى نهى عماله ترن وترن مسكت التليفون بعصبيه ايه يابنتى اصبرى
نهى بقالى ربع ساعه وقفه فالشارع يا هانم
مى محدش قالك تيجى بدرى .. لما اخلص هبقى انزل
نهى طب يلا انجزي وحياة ابوكي .. كل الناس بتبص عليا وانا واقفه كده لوحدي
مى بتنهيده حاضر .. حاضر خلصت وهانزل اهوه
وقامت خلصت بسرعه ونزلت واول لما شافتها نهى تنحة وبصتلها من فوق لتحت
نهى ايه اللى انتى مهبباه ده
مى باستغراب في ايه ..شكلى في حاجه غلط
نهى كلك على بعضك غط .. ياحبيبتى يا ميمو يا روح قلبى احنا ريحين فرح
وسكتت شويه وكملت بعصبيه مش النادى
مى ببرود مش فاهمه
نهى يعنى المفروض تلبسى فستان حلو كده تحطى شويه ميك أب ..أمال اتاخرتى عليا ليه
مى مانا لبسه اهوه وشكلى طبيعى وبعدن حطه ميك أب اهوه
نهى وهي بتقرب منها وبتبصلها تصدقى فعلا حطه مكنتش وخده بالى ..بس خفيف اوى محدش يشوفه اصلا
مى بقولك ايه هنروح الفرح ده ولا اطلع احسن
ولسه هتمشى نهى شدتها من ايدها خلاص هنروح هنروح .. ده انتى ممله
ومشت ونهى نفسها تدى لمى بالبوكس في وشها
الساعه 8 30
محمود..محمد بقاله نص ساعه قاعد على كابوت العربية مستنى الڤرج واخير الڤرج جيه محمود يعنى كان نازل ولسه بيلبس جاكت البدله وبيظبط الكرافت
محمد ايه يابنى كل ده
محمود عادي يعنى
محمد مالك مبهدل كده ليه .. أنت نازل تكمل لبسك في الشارع
محمود مش أنت اللى مستعجلنى اعملك ايه يعنى
محمد كل