دقة قلب
يانهى .. ومين ده .. عملك حاجه
نهى بنرفزه لا متقلقيش .. ده محمد ابن خالى
مى وهي بتهداء طيب في ايه بتتخانقوا ليه
نهى بضيق مافيش
مى يعنى ايه مافيش صوتك كان عالى والناس كلها بتبص عليكم .. وبتقولى مافيش
محمد بعصبيه شوفتى ياهانم فضحتينى بصوتك العالي
نهى بعصبيه ممكن تخليك في نفسك. وبعدين أنت مش ولي امري .. وانا اعمل اللى يريحني
نهى بعصبيه اكتر محمد احترم نفسك .. أنا معملتش حاجه غلط
محمد بعصبيه يا سلام ..يعنى لما اشوفك بترقصى وفي ولاد واقفين وانتى ولاهمك المفروض اقف اطبلك يعنى ولا الم النقطة
نهى بعصبيه قولتلك ..احترم نفسك
محمود دخل في وسط الكلام في ايه يامحمد .. صوتك عالي كده ليه
نهى مين السبب في لمت الناس دى. مش أنت اللى شديدنى من وسط الناس وعمال تزعق وتتعصب عليه
مى أول لما شافت محمود وسمعت صوت قلبها كان هيقف من كتر الدقات نسيت كل حاجه نهى ومحمد والناس وفضلت بصاله حاجه فيه شدتها مش عارفه هي ايه ولا حتى ليه أول مره تحس الاحساس ده.. ومحمود كمان كان فرحان انه لقاها تانى وبصلها بصه غريب كانت عيونه بتلمع وفيها حب وكلام كتير.. مى فاقت من توهتها في عيونه على صوت نهى
مى بعدت عنيها عنه وحاولت تبعد تفكيرها واحساسها عنه ومتبصلهوش تانى
مى بس بقى يا جماعه اهدو شويه
محمد بحزن يعنى ايه مش من حقى يا نهى
نهى بتحدى يعنى بصفتك ايه بتتحكم فيا وبتقولى اعملي ومتعمليش
محمد بارتباك بصفتى ابن خالك .. وخاېف عليك
محمد أنا بجامل صاحبي في فرحه
نهى بغيظ وانا كمان بجامل صاحبتى في فرحها
محمد بس أنا بضايق لما حد يشوفك وانتى بترقصي ..مينفعشى حد يشوفك وانتى بترقصي كده .. وبعدين مهما كان أنا ولد
نهى بعصبيه أكبر ولد .. عشان ولد تدى لنفسك حق ويبقى عليا عيب .. طيب وانت ياولد البنات اللى بتدلع معاهم دول مش ليهم اخوات برده وولاد خال زى كده. له دايما تقول أنا ولد وانتى بنت
محمود طبعا مكنشى مركز غير مع مي وبس وهي كانت حسه بده وعشان كده كانت بتحاول تهرب منه
نهى وهي بتتنهد بص يامحمد أنت ابن خالي على عينى وعلى راسي بس برده مش من حقك تتدخل في تصرفاتي ..ومش هاسمحلك تتدخل في تصرفاتي تاني .. بعد اذنك
وشدت ايد مى ومشت خطوتين وفجاءه وقفت متجمده مكانها لما سمعت
مى بصت لنهى لقتها وقفه مصدومه تقريبا وبعدين بصت على محمد ومحمود وهي لسه مش مستوعبه اللى بيحصل
محمد حتى لو قولتلك انى بغير عليك .. حتى لو قولتلك انى مش قادر استحمل أن حد غريب يشوفك. حتى لو قولتلك اني نفسي دلوقتي اخبيكي جوايا عشان محدش يشوفك غيري
نهى لفت وبصتله باستغراب والدموع في عنيها أنت قولت ايه
محمد قرب منها قولت اني بحبك .. ياترى ده يديني الحق أخاف عليك واغير عليك
نهى بدموع وابتسامه اخيرا قولتها ياغبي
مى ومحمود بصو لبعض وهم مش فاهمين أي حاجه وكل واحد فيهم على وشه ابتسامه بلهااااء
محمود بص لمي بابتسامه وبصوت واطى انتى فاهمه حاجه
مى بابتسامه لاء ..أنت فاهم حاجه
محمود لاء برضه
وضحكوا الاتنين في نفس الوقت وبعدين بصو لنهى ومحمد تانى بفرحه
محمد بحنيه ممكن افهم بتعيطى ليه دلوقتى
نهى بدموع مش عارفه
محمد طيب أنا اسف .. متزعليش
نهى أنا مش زعلانه .. أنت عارف كويس انك مهما غلست عليا وضايقتنى مبقدرشي ازعل منك
محمد باستعباط ليه مش بتقدرى تزعلي مني
نهى بارتباك احم. ها عشان ابن خالي متربين مع بعض من زمان
محمد بحب وبس كده
نهى اتكسفت ومردتشي عليه وبصت في الأرض
محمود بابتسامه احنا هنفضل وقفين كده كتير
محمد ونهى بصوا حواليهم على مى ومحمود وحسو بإحراج
نهى بارتباك اقدملكم
