كان لي..بقلم مني أحمد حافظ.. الجزء التاسع.
لإن مافيش أي حاجة بينا فأرجوك بلاش تتصل تانى.
زفر بقوة وقد رجف قلبه لسماعه صوتها واجابها بمحبة
.. ياه قد إيه صوتك كان واحشني يا أمل لأ مش صوتك بس أنت كلك على بعضك وحشتيني تعرفي إني بفضل أبص لصورك وأنا الندم بېقتلني علشان غلطت فحقك الغلطة البشعة دي وضيعتك مني بالشكل دا قد إيه كنت غبي ومش مقدر النعمة اللي كانت معايا و.
.. أرجوك يا خالد بلاش تكمل كلامك ومتنساش إنك راجل متجوز دلوقتي وحرام تقولي حاجة زي دي وبعدين لو الموضوع مش فارق معاك وعادي فهو فارق معايا وفارق جدا ولعلمك أنا بقصد بكلامي اللي حصل منك فحقي لأ أنا أقصد بكلامي إني مقدرش أبدا أخون ثقة الإنسان اللي بيحبني أكتر من نفسه واللي أنا كمان بحبه يا خالد فلو سمحت بعد إذنك أبعد عني وإنساني وخليك مع مراتك وأعتبر أتصالك دا غلطة ومش هتكررها واتمنى إنك تنفذ رغبتي لإني مش عايزة أكلمك تاني أنا مش خاېنة يا خالد ومقدرش أبدا أشوف نفسي خاېنة بسببك.
.. أنت بتقولي إيه هو مين دا اللي بيحبك أمل فوقي لنفسك وبلاش تقولي كلام يكون نتيجته الندم وأفتكري إن أنا خالد اللي علمك الحب فإياك تفتكري إنك ممكن تحبي واحد تاني وأنا أقف أتفرج عليك وأسكت لأ أنا وقتها ممكن اهد الدنيا كلها فاهمة فخليك عارفة كدا إن مافيش حب فقلبك غير حبك ليا أنا وبس.
.. هو مين فينا اللي محتاج يفوق يا خالد على فكرة أنت اللي لازم تفوق لنفسك وبعدين هو أنت فاكر إن الحب اللي كان بينا دا اسمه حب يا خالد أنت عمرك ما حبتني أنت بس كنت شايفني البنت المطيعة اللي قدرت تلعب بيها وتشكلها حسب مزاجك كنت بتتحكم فحياتي وتقفل عليا علشان ميبقاش عندي شخصية ومقدرش أتكلم معاك ولا أقولك لأ وأفضل عمري كله عايشة تابع ليك وفالنهاية تسبني وتروح تنام فحضن إيمان فوق لنفسك أنت مش أكتر من واحد خاېن لا بيعرف يحب ولا بيفهم يعني إيه حب أنت أكتر إنسان أناني أنا شوفته فحياتي مبتحبش إلا نفسك وبس وعايز كل حاجة من الدنيا تبقى ليك وأنا مستحيل أكون ليك تاني ولا حتى فأحلامك أنا الحمد لله ربنا عفاني منك وأنقذني من شړ علاقتي بيك وأكرمني باللي حطني تاج فوق راسه ودي حاجة عمرك ما هتعرفها أبدا لإنك خاېن ومعندكش ضمير.
فجر براكين غضبه بكلماته التي رست بداخله فحاول كظم غضبه حتى لا يزيد من توتر واضطراب أمل وقال من بين أسنانه بعصبية واضحة
.. رسالتك وصلت يا أستاذ خالد ومتقلقش أنا هاخد بالي كويس منها وهعمل اللي أقدر عليه علشان أحافظ عليها واتمنى إن حضرتك تلتزم بحدودك ومتحاولش تتصل بخطيبتي تاني إلا طبعا لو تحب إن عمي محمد وعمي أمجد هما اللي يبلغوك بطريقتهم رغم إن أنا كفيل كويس جدا إني أوقفك عند حدك وأعرفك إزاي تتخطى حدودك وتضايق خطيبتي بأتصالك بيها.
.. ليه قوليلي ليه رديتي عليه.
تسلل صوتها المتلعثم بإضطراب تبرر فعلتها
.. صدقني أنا مكنتش أعرف أنه خالد للأسف أنا رديت عليه بعفوية و.
ابتلعت كلماتها حين أقترب منها حازم وما أن وضع يداه فوق كتفيها وضغط عليهما بقوة حتى انتفضت وشخصت بعيناها پذعر وهو يبادلها النظرات پغضب وانفعال واضح ظهر مع صوته وهو يسألها
.. سؤال وتجاوبيني عليه بصراحة خالد كلمك قبل كدا.
بدد خۏفها منه وڠضبها من خالد بإحساس مؤلم بالحزن لظنونه التي تجلت في سؤاله وخشى أن يسألها بوضوح لها فأجابته أمل بصوت سيطر عليه حزنها
.. رغم إن سؤالك
