نفوس قاسېة..بقلم منى أحمد حافظ..الجزء الثاني.

سهر.. تحت مع بابا هو قالى اطلع ومنزلش إلا لما يرن علشان لو لو فؤاد تحت.
وقطع عليها كلامها رنين هاتفها اكملت.. اهو شوفتى يبقى فؤاد مشى أنا هنزل بقى يا خالتى هتنزلى معايا.
قالت صفية.. طبعا يا سهر هنزل معاكى مش أنا امك بردوا ولازم اكون معاكى فوقت زى دا أنا من النهاردة امك أنت مش أم محمود.
وافق رشدى على طلب محمود بعد معاناة لإقناعه حينما وضح له خميس انه سيتحمل كافة مصاريف سهر وزواجها فاحتضنت صفية سهر بعدما البسها محمود دبلته وهو يشعر بانه يحلق عاليا من السعادة. راقبت سهر وجوه الجميع فشاهدت السعادة تحيا على وجوههم حتى وجه ابيها غمرته فرحة انه اخيرا سيتخلص منها فأغمضت عيناها تفكر أن ثمن تلك السعادة أخذ منها حياتها ونفضت أفكارها حين سمعت خميس يقول.. احنا نكتب الكتاب على اخر الشهر علشان يقدروا يروحوا ويجوا مع بعض ويبقوا براحتهم وعلشان لما تطلع تقعد مع الحجة محدش يتكلم لحد ما نجدد لهم الشقة ويتجوزوا ومتشيلش هم أي حاجة يا أبو سهر محمود ابنى هيتكفل بكل حاجة كفايا انك مدينا أجمل هدية.
وربت على يد سهر بحنو. أستئذنهم محمود أن يجلس مع سهر وحدهم. فأخذته سهر وجلست في بلكونة الصالة وأسندت رأسها على سورها. بعدما جلست نظر لها محمود وقال.. مبروك يا سهر.
نظرت له سهر وقالت.. مبروك عليك يا محمود هو أنا ينفع اقوم اريح أنا فعلا تعبانة وكمان علشان اقدر اصحى بدرى للشغل.
وقفت محمود وقال.. شغل ايه يا سهر دا كان زمان أنا حبيبتى متشتغلش أبدا انتى تقعدى معززة مكرمة وانا كفيل بكل حاجة.
رفعت سهر رأسها واعتدلت وقالت.. بس أنا عاوزة اكمل شغل حتى لحد قرب الفرح علشان خاطرى يا محمود كمان علشان مفضلش فالبيت وفؤاد بيبقى هنا.
فكر في كلامها وقال.. خلاص هي كلها كام شهر ويعدوا المهم تبقى بعيد عن فؤاد دا ماشى.
وقفت سهر وقالت.. شكرا انك وافقت يا محمود أنا هقوم انام بقى اشوفك بكرة.
مال عليها محمود وقال.. طيب ما فيش أي حاجة حلوة منك.
نظرت له سهر بعدم فهم وقالت.. اجيبلك ايه تحب تاكل كيك ولا.
أقترب منها محمود فتراجعت سهر خائڤة وقالت.. محمود احنا فالبلكونة مالك بتبص لي كدا ليه.
ابتعد محمود عنها وقال.. أصل أنا عاوزك انتى يا سهر انتى احلى من احلى حاجة حلوة.
تنهدت سهر بضيق وقالت.. تانى الكلام دا هو مش أنت وعدتنى متلمسنيش بجد مينفعش ال بتقوله دا يا محمود أنا هدخل.
دخلت سهر إلى غرفتها واحكمت غلقها خلفها ووضعت المقعد تحت المقبض وارتمت على فراشها تحتضن صورة والدتها وقالت.. شوفتى يا امى حال بنتك وصل لايه ياريتك عايشة كانت حاجات كتير اتغيرت كنتى هتسمعينى وتفهمينى كنتى هتعرفيني اختار صح أنا حتى معرفتش طعم حضنك ليا ايه معرفتش صوتك كان ازاى أنا نفسى تضمينى يا امى ولو ھموت بعدها يمكن احس براحة فحياتى اللي مفيهاش أي راحة سبتينى ليه مع واحد غريب عنى يادوب صلته بيا اسم فالشهادة جنب اسمى بيسموه أب وانا معرفش يعنى ايه أب ااه يا امى كنت بټحرق لما اشوف صحابى فالمدرسة واهلهم معاهم وانا محرومة منك ومن ابويا ال كان كل همه أن انزل اشوف شغل أب حملنى ذنب موتك وذنب رجله اللي فقدها فحاډثة شغله. اااه يا امى هو ليه محدش حاسس بيا هو أنا هفضل كدا لعبة فايد اللي طمعان واللي جعان حتى ال بحلم بيه مستحيل يكون ليا يا امى أنا ليه شوفته وقابلته ليه لما أنا مكتوب لي محمود اقابل آدم واحس بقلبى بيتخطف وانا معاه ليه مكتوب اتعذب كدا. تفتكرى يا امى انى بظلم نفسى وبظلم محمود معايا علشان مش بحبه أنا بقيت شايفة نفسى وحشة اوى لانى بستغله وبستغل حبه ليا علشان يخلصنى من فؤاد وحشة لانى هبقى معاه وعقلى بيفكر فواحد تانى بس ڠصب عنى قلبى دا أول مرة يدق أول مرة احس أن ليا قلب لما شوفته مرمى فالارض خطڤ دقة منى لما بص لي بس أنا لازم أبعد عنه أنا سمعاكى بتقولى ابعدى عنه يا سهر علشان حرام انتى صح أنا هبعد مش هروح الشغل تانى ومش هشوفه تانى ومش هفكر فيه طب لو قعدت فؤاد مش هيسبنى فحالى أنا بحلم بكوابيس بسببه بحسه جن لابسنى ساعدينى يا امى متيبنيش فحيرة كدا احمينى من الضياع يا امى.
لم تدرى سهر متى غفت عيناها ولكنها استيقظت على رنين هاتفها فوجدته محمود فأجابته لتسمع صوته يقول.. يلا يا سهر قومى صلى الفجر يا قلبى.
همست سهر بصوت غافى.. حاضر هقوم اصلى شكرا انك صحتنى.
وضعت سهر الإفطار لابيها ونزلت مسرعة لمحمود وذهبا معا إلى العمل وحين وصلا قرب الفندق نظرت سهر إلى محمود تفكر هل سيعلن عن خطوبتهما للجميع فقالت