نفوس حائرة.. بقلم منى أحمد حافظ.. الجزء الاول.

ما رجعت تانى تفتكر ايه اللي حصل علشان تبقى عاوزة تسافر عاليا بالذات.
طرق آدم يفكر وعقد حاجبيه وقال.. آخر سفرك معاها شوية يا مازن بنتك شكلها ناوية على حاجة وأنا لازم اتأكد الأول.
حدق به مازن بتمعن وقال.. ما تفهمنى بتفكر فايه وايه يخليك تقول كدا.
غادر آدم المكتب وترك سؤال مازن معلق ولم يجيبه عليه والتقط هاتفه واتصل بعمران الذي أجابه بعد مرور وقت وقال له بحزم.. تسيب كل اللي فايدك وتيجى لي حالا فاهم.
اڼهارت فاطمة بالبكاء بين يدى والدتها وقالت.. المرة دى فعلا هسيبه يا ماما أنا كل شوية اشوفه واقف مع واحدة شكل والنهاردة كان حاضن مريام أنا تعبت يا ماما من استهتاره بمشاعرى بالشكل دا لو سمحتى يا ماما اوقفى معايا المرة دى وخلي بابا يوافق ورشدى يطلقنى ويسبنى.
ربتت منال على رأس ابنتها وقالت معاتبه.. فاطمة انتى دايما تشكى فرشدى وتظنى فيه وفالاخر بيطلع مالوش أي ذنب وبجد مش هو اللي مبيقدرش مشاعرك انتى اللي شكاكة زيادة عن اللزوم.
ابتعدت فاطمة عن والدتها ووقفت وقالت بحدة.. انتى معايا أنا بنتك ولا معاه يا ماما بقولك شيفاه حاضن مريام ومهنش عليه يجى حتى ويبرر اللي عمله.
أجابتها منال بهدوء.. علشان تعب منك ومن كتر ما بيوضح لك انك فاهمة غلط وانتى مافيش فايدة فيكى مصممة على اللي فدماغك رشدى بيحبك يا فاطمة ولو خسړتي قلبه وحبه ليكى هتندمى عمرك كله عليه وبعدين طيب انتى ليه مستنتيش وسئلتيه يا فاطمة مريام اللي بتقولى كانت فحضنه انتى عارفة كويس هي بتحب مين والكل عارف يبقى اكيد انتى شكيتى فيه وظلمتيه زى كل مرة.
وقفت فاطمة تنظر لوالدتها وهي تفكر في حديثها فنكست رأسها وقالت.. أنا نفسى ابطل شك وظن فيه يا ماما أنا ساعات بحس انى مش طبيعية من كتر ما بشك فيه ويطلع كل مرة مظلوم.
ابتسمت منال بالم وقالت.. لانك للاسف اخدتى كل طباع والدك يا فاطمة بقيتى متملكة زيه وبتخلى غيرتك تعمى بصيرتك وزودتى على دا انك بتشكى فيه حتى لما بيتنفس.
وقفت منال ونظرت لابنتها واكملت.. الحقى نفسك يا فاطمة واتغيرى قبل ما تضيعى حياتك من ايديكى على الأوهام عن اذنك زمان والدك جاى وانا ورايا حاجات كتير لازم اخلصها.
جلس خلف مكتبه بالمشفى وهو يفكر جديا بعقد العمل الذي قدمه له صديقه بالسفر إلى الخارج فتنهد وهو يعلم في قراره نفسه بان ابتعاده عن مصر وعنها سيقتلها ولكنه العلاج الامثل لعذاب فراقهم القصرى.
فهو حاول كثيرا أن يفهم من ابيه سر رفض آدم طلب زواجه من جنة رغم صداقتهم ولكنه تهرب من الإجابة عليه حاول أن يعلم ولكن الجميع ملتزمين بالصمت ليأتى صديقه بعرضه له كفرصة نجاة وبعد عن عذاب قلبه الغير محتمل.
و لكن هل سيرحل دون وداعها اخرج ياسين هاتفه وقرر الاتصال بآدم فهو الوحيد الذي سيقدم له هذا المعروف بان يجمعهما سويا ولو للمرة الاخيرة.
وصل عمران إلى مقر عمله وصعد مسرعا إلى مكتب والده وطرق بابه ووقف ينظر إلى والده الذي شرد عن العالم بمشاهدة السماء من مكتبه ليلتفت ادم إلى عمران ويحدق به فشعر عمران بالقلق ينمو داخله كأن والده لا يعرف كيف يبلغه بالأمر فقال له يحثه على الحديث.. قول يا بابا أنت جايبنى هنا ليه وريح نفسك بدل مانت تعبان علشانى بالشكل دا أيه مريام قررت تتجوز.
تنهد آدم وجلس خلف مكتبه وقال بلهجة صفعت عمران بقوة.. لا أنا كنت اتمنى فعلا إنها تختار واحد يقدرها غيرك بس هي اختارت اللي محدش فكر فيه مريام هتسافر عاليا يا عمران.
عقد عمران حاجبيه وقال بعصبية.. ما تسافر هي حرة أنا يع.
قاطعه آدم واكمل حديثه مهملا حديث ابنه وقال.. هتسافر عاليا علشان تترهبن يا عمران يعنى لا هتتجوزك ولا هتتجوز غيرك هتنذر حياتها لخدمة الدير.
احس عمران بقدماه لا تقويان على حمله فجلس وهو يحدق بوالده مصډوما وهمس.. يعنى قررت ټقتلنى وتمنع عنى الهوا اللي بتنفسه ليه يا مريم ليه.
ضړب آدم سطح مكتبه پعنف فانتفض عمران وسمع والده ينهره بقسۏة ويقول.. علشان أنت انانى خلتها تحبك وشعلقتها بيك وانت عارف انها متمسكة بحياة الكنسية وفهمتك بدل المرة مليون بلاش تجرحها وتيجى عليها فهمتك انها بنت ابن عمى وقلت لك مازن وعيلته خط احمر قلت لك أن أهلي كلها أقباط وبحترمهم وبحافظ عليهم فهمتك أن الدين يسر وتسامح وقبول إنما أنت كنت اعمى ولحد دلوقتى اعمى بتحلل وتحرم على مزاجك أنا مش فاهم أنت طالع بالشكل دا لمين أنت ضيعت مريام منك ومننا كلنا بإصرارك انك تجبرها انها تغير دينها خلاها تختار الزهد بالدنيا بحالها علشان تهرب منك أنا عمرى ما ربيتك على أن الدين بالاكراه ولا بالڠصب والنماذج كتير أدامك واكبر قدوة للإسلام زواج الرسول من السيدة ماريا القبطية أنت ليه مصمم متقبلهاش