نفوس حائرة  بقلم منى أحمد حافظ الجزء الاخير

مكتوب عليا اعيش زوج عازب كده على طول.
ضغطة خفيفة احس بها آدم تلمس قلبه فاحنى راسه يقبل يدها وهو يقول_.. حركتي أيديك يعني سمعتيني المرة دي يا جنة.
انطلق صوت عال من الجهاز الموصل بجنة ليندفع الطبيب ويبعد آدم عنها وهو يفصل الجهاز عن جسدها ويسحب أنابيب التنفس منها ويختبر عيناها بضوء الكشاف الصغير لينظر باتجاه والديها ويقول مبتسما_.. مبروك أخيرا رجعت لنا تانى هناخدها بس منكم لمدة ساعة نفحص كامل الأجهزة الحيوية ونرجعها تانى.
احتضنت سهر آدم وهي تبكى وتقول_.. الحمد لله الحمد لله انها رجعت لي تانى.
أتاها صوت آدم مازن يقول_.. آه بس مش هتلحق تقعد معاكى أنا هاخدها أنا صبرت كتير اوى عليها وعليكم ومش عارف معقدين الدنيا كدا ليه مراتي وهرجعها ليا تانى.
لكمه آدم وصاح بوجهه قائلا_.. متقولش مراتي دى علشان بټعصبني أنت فاهم المهم يا أستاذ تروح تراضيى والدك وولدتك والا مافيش لا جواز ولا أي حاجة خالص فاهم.
حك آدم رأسه وقال_.. أنت بتصعبهالى يا حمايا العزيز طب ما تسلفنى حماتى هي هتعرف تصالحنى عليهم ولا ايه.
لكمه ادم مرة أخرى ولكن بشدة وقال بحدة_.. اسلفك مين أنت اټجننت سهر خط احمر حتى فالهزار أنت فاهم واتفضل برا معنديش بنات للجواز يلا امشى.
اندفع رشدى يستند إليه عمران وبالخلف مريام وفاطمة وقال عمران بفرح ممزوج بالدموع_.. صحيح جنة فاقت يا بابا أنا مصدقتش الممرضة لما بلغتنى.
احتضنت سهر عمران وقالت وهي تمسح على رأسه_.. ايوة يا حبيبى ممكن بقى ترتاح أنت كمان ولا ايه هي دلوقتى الدكتور هيجيبها وهنطمن عليها كلنا.
عاد الطبيب بفراش جنة المتنقل ودلف به إلى غرفتها ووجد الجميع بانتظارها فقال_.. لا يا جماعة بجد دى مستشفى مفروض فرد اتنين انما العدد دا كله ميصحش.
ووجه نظره إلى عمران وقال_.. وحضرتك ايه خرجك برا اوضتك لا أنا كدا همنع الزيارة بقى و.
أجابه عمران وقال_.. لا مانا هنقل هنا مع جنة وهسمع الكلام بس المهم اطمن انها بخير.
فتحت جنة عيناها وقالت بصوت ضيعف يكاد يسمع_.. أنا بخير يا عمران اطمن.
تنهد الجميع بارتياح فامرهم الطبيب بالمغادرة ولكن آدم مازن صمم على البقاء فجذبه آدم من قميصه وقال_.. قلت لك معنديش بنات للجواز اتفضل روح هات حد كبير اكلمه.
أجابه صوت مازن ممازحا وقال_.. لا مينفعش كده بقى أنا اسيب لك ابنى تقوم تبهدله كدا يا آدم وبعدين حد يعمل فجوز بنته كده أنت ايه قلبك حجر الواد متشحتف على البنت له اربع شهور ما تطمن قلبه بقى.
ترك آدم قميص آدم مازن واحتضن مازن وقال_.. ايوة كدا القمر هل عليا عارف لو مكنتش جيت كنت هجيلك أنا المهم انك تكون مسامح الواد دا.
كاد مازن أن يجيبه ولكن هايدى اسرعت وقالت_.. مافيش فايدة فيك يا آدم مصمم تاخد ولادى منى ارتحت كدا لما اخدت الواد والبت.
ضحك آدم وقال_.. اساسا انتو ملكوش حاجة فآدم لانه ابنى أنا من وقت ما اتولد ولا ناسيين.
تسلل آدم من جانبهم ودلف إلى غرفة جنة وجلس بجانبها وهمس وهو يميل على وجهها_.. جنة آدم وحشتينى.
فتحت جنة عيناها وقالت_.. لو كانت جنة آدم وحشتك زى ما بتقول هربت ليه يا آدم منى أنت عملت زى ياس
منعها آدم من أن تكمل جملتها وقال وهو يحدق بعيناها_.. اوعى تجيبى سيرة راجل تاني على لسانك فاهمة وبعدين أنا مهربتش أنا سبت لك الاختيار قلت لك هستنى منك اتصال تبلغينى قرارك عاوزنى اعمل ايه لما اعرف انك وافقتى على ارتباطك بغيرى ما تردى هجيلك تانى واركع لك تانى يا جنة أنا قولتهالك هقف معاكى فاى قرار بس مقدرتش أفضل واشوفك بتتجوزى غيرى.
همست جنة بضعف وقالت_.. مقدرتش اقطع الورقة ولا البس دبلة غيرك واستنيتك تيجى تحارب فأخر جولة معايا بس لاقيت نفسى لوحدى.
ابتسم آدم وقبل جبينها وقال_.. خلاص انسى كل حاجة احنا دلوقتى لبعض و.
حدقت جنة بوجه پغضب وقالت بصوت حاولت أن تجعله حاد رغم ضعفها_.. يعنى أنت طلقتنى يا آدم من قبل ما نتجوز.
ابتعد آدم عنها وقال بحرج_.. بصراحة يا جنة مقدرتش انطلقها حتى بينى وبين نفسى وكنت ناوى اجي كتب كتابك دا لو كان تم وهعملك ڤضيحة واتجوزك بردوا أنا بحبك يا جنة بحبك ومكانك الطبيعى معايا أنا جوا حضنى أنا مش مع أي إنسان تانى.
همست جنة بضعف_.. وانا كمان بحبك يا آدم.
توجه آدم اليها وعيناه تلمع ومال عليها وقال_.. مسمعتش قولتى ايه.
أعادت جنة جملتها وقالت_.. بحبك يا آدم بحبك.
صاح آدم بصوت مرتفع_.. قالتها يا عالم جنة قالت لي بحبك أنا عاوز اتجوز دلوقتى.
اقتحم الجميع الغرفة ليحدقوا في ذلك المچنون لتنظر سهر إلى زوجها وتقول_.. كان عندنا نسخة واحدة مچنونة دلوقتى اتاكدت انهم اتنين ربنا يلطف بيكى يا جنة من جنان آدم.
ضمھا آدم إلى صدره وقال_.. مافيش إلا آدم واحد بس هو كل الدنيا