نفوس حائرة  بقلم منى أحمد حافظ الجزء الاخير

دبلته في يدها.
فاتجهت سهر اليها وضمتها اليها وقالت_.. اسامة راجل كويس يا زهرة هو جه وقابلنا كلنا واتفق مع عمك آدم أن يلبسك الدبل فالفرح وحب انها تكون مفاجأة ليكى.
تنهدت جنة براحة وهي ترى سعادة زهرة فسمعت آدم يقول_.. مش كان زمانك لابسه فستان فرح معاهم بدل نشفان دماغك دا.
رفعت جنة عيناها له وقالت بضيق_.. اظن طلبت منك انك تبعد عنى وملكش دعوة بحياتى خصوصا بعد ما سمحت لنفسك ترخصنى بالشكل دا مع ياسين وانا مفهماك على كل حاجة.
جلس آدم بجانبها وقال_.. أنا عمرى ما ارخصك يا جنة آدم أنا عملت كدا علشان عارف انك بتحبى ياسين وحبيت اق.
وقفت جنة وقاطعته بحدة وقالت_.. ومين قالك انى بحبه أنا الحمد لله فوقت لنفسى وعرفت أن قلبى دا محبش ياسين من الاساس يمكن اكون كنت بدور عن حد معين فيه بس مش مكنش هو أبدا.
وقف آدم هو الاخر وقال_.. يعنى بطلتى تحبيه خلاص.
ابتعدت عنه جنة وقالت_.. مكنتش بحبه من الاساس يا آدم عرفت ياريت بقى متدخلش فحياتى تانى.
حدق عمران في وجه مريام بسعادة وشاهدها وهي تجلس تمشط شعرها فاتجه نحوها فابتسمت لصورته في المرآة وقالت_.. ارجع مكانك يا عمران أنت عارف اللي فيها الدكتور قال مافيش أي اجهاد كفايا مجهود الفرح والسفر خليك بقى شاطر واسمع الكلام.
اخد منها عمران فرشتها ومشط شعرها وقال_.. الدكتور يقول اللي يقوله انما أنا اعمل اللي أنا عاوزه حد يبقى بين ايده مراته حبيبته امله فالدنيا ويسمع كلام الدكاترة.
وقفت مريام وابتعدت عنه وقالت_.. وبعدين يا عمران بردوا لأ ولو فضلت كدا هروح أنام مع جنة و.
حملها عمران فجأة والقاها على فراشهم وقال بحب_.. مبقاش عمران ابن آدم لو منفذتش اللي أنا عاوزه يا مريم قال تنامى برا حضنى ليه متجوزة سوسن.
حاولت مريام رفض عمران ولكنه تغلب عليها بحبه واخذها إلى عالمه ليعوضها ما فاتهم من وقت.
راقب رشدى ملامح فاطمة النائمة بجانبه وهمس وهو يتلمس ملامحها التي نضحت بالحب له_.. بعشقك.
تمللت فاطمة وفتحت عيناها ووجدت رشدى يحدق بها فوضعت راسها على صدره وقالت_.. هو أنا قلت لك انى بحبك النهاردة يا رشدى.
قبل رشدى جبهتها وقال_.. قولتيها بكل طريقة ممكن تتقال يا قلب رشدى.
تنهدت فاطمة بحب وقالت_.. عارف يا رشدى كان معاك انك تقولى أن اللحظة الخاصة بينا لازم تكون بطقوس خاصة أنا لو كنت بحبك زمان دلوقتى أنا حاسة انى بعشقك فوق العشق بكتير أنت حنين اوى يا رشدى ونفسى يبقى عندى ولاد كتير اوى منك.
مال رشدى عليها وقال_.. طيب يادوب بقى نلحق نجيب أول توام ما انتى عارفة احنا عيلة بتجيب توائم.
ضحكت فاطمة وهي تستقبل رشدى بين ذراعيها ليحملها على جناح عشقه لها.
جلست جنة تراقب الماء وهي تضم ساقيها إلى صدرها فشعرت بيد توضع على كتفها فالتفتت فشاهدت والدتها تجلس بجانبها فقالت سهر لها_.. ايه يا قلبى قاعدة لوحدك كدا ليه هو احنا جايين هنا علشان تبقى لوحدك ولا علشان تغيرى جو يلا قومى البسى وتعالى نخرج شوية.
هزت جنة رأسها وقالت_.. بجد يا ماما ماليش مزاج اخرج أنا حابة اقعد كدا واتفرج على المية.
فجأتها سهر وقالت_.. بتحبيه يا جنة
حدقت جنة بوجه والدتها پصدمة وقالت بتلعثم_.. بحب مين يا ما ما
ضمتها سهر إلى صدرها وقالت_.. اللي شاغل تفكيرك وبتهربى منه لما بتشوفيه قصادك أنا مش قلتهالك قبل كدا لو خبيتى على الدنيا بحالها أنا مش هتعرفى تخبى عنى لانك منى يا جنة.
بكت جنة وقالت بحزن_.. وايه الفايدة يا ماما حب محكوم عليه بالإعدام من قبل ما يبدأ لانه مستحيل أنا مش عارفة ليه بختار دايما غلط فيها ايه لما احب حد ويكون واضح معايا ليه اتعذب فحبى يا امى بالشكل دا أنا تعبت بجد ياريتنى ما عرفت الحب دا لا مع ياسين ولا معاه ولا مع أي حد خالص.
ربتت سهر على رأس ابنتها وقالت_.. اسمعينى كويس يا جنة في ناس بيبقى نصيبها ف الدنيا تقاسى دا قدر ومكتوب ومهما حاولنا نهرب منه لازم نعيشه الحاجة الوحيدة ال بتهون قسۏة الدنيا انك ترضي بيها وتقبليها هتلاقيها بتعدى وواحدة واحدة بتتنسى وفالاخر تلاقى القسۏة دى اتحولت حنية تعوضك كل اللي فات مش مهم انك تعانى قد ما مهم تتعلمى من المعاناة دى وتقوى نفسك بيها وتتخطيها وتكملى حياتك انما لو فضلتى تعيطى على اللي راح عمرك ما هتقدرى قيمة اللي جاى فهمانى يا جنة.
ابعدت جنة رأسها عن صدر والدتها وقالت وهي تزيل عنها دموعها وتتنفس ببطء_.. أنا بحبك اوى يا ماما انتى أعظم أم فالدنيا كلها.
اتاهم صوت آدم من خلفهما يقول ممازحا_.. لا أنا مقدرش على الغرام دا هو أنا اخلص من رشدى وعمران تطلعيلى انتى تنافسينى على قلب سهر يا جنتى.
ابتسمت سهر وهي تقبل وجنة ابنتها وقالت_.. مش كنت